आयुर्वेदानुसार पाच ज्ञानेंद्रियांना मानवी शरीराचे मुख्य प्रवेशद्वार म्हटले जाते. त्वचा हा मुख्यत्वे स्पर्शाचा अवयव असून ते सर्वात महत्वाचे आणि सर्वात मोठे इंद्रिय आहे. म्हणूनच त्वचेची आपल्या शरीराच्या सर्व कार्यक्षम अवयवांइतकीच काळजी घेणे आवश्यक आहे. त्वचेचे आरोग्य उत्तम ठेवण्यासाठी विस्तृत संशोधन केले गेले आहे. त्वचेच्या आरोग्यासाठी कुमकुमादी तैलं खूप फायदेशीर आहे. कुमकुमादी तेलाचे त्वचेसाठी खूप फायदे आहेत. सर्वात महत्त्वाचे म्हणजे, कुमकुमादी तैलम हे पूर्णतः नैसर्गिक आणि 100 टक्के रसायनमुक्त आहे. त्यामुळे ते विविध रसायनांचा वापर करणाऱ्या इतर स्किनकेअर उत्पादनांपेक्षा अनेक पटींनी चांगले आहे. त्वचेच्या विविध समस्यांसाठी कुमकुमादी तैलम हा एक उत्तम पर्याय आहे.(What is Kumkumadi Skin Care and How To Use It)
कुमकुमादी तेल म्हणजे काय?
कुमकुमादी तैलम किंवा कुमकुमादी तेल हे खूप जुने आयुर्वेदिक औषध आहे. विशेषत: केरळमध्ये जिथे आरोग्यासाठी आयुर्वेदिक उपचार खूप लोकप्रिय आहेत, ते पारंपारिक स्पामध्ये वापरले जाते. आजकाल बाजारात उपलब्ध असलेल्या कॉस्मेटिक उत्पादनांमध्येही याचा वापर केला जात आहे. कुमकुमादी तेल हे तिळापासून बनवले जाते. हे प्रामुख्याने चेहऱ्याच्या त्वचेचे आरोग्य राखण्यासाठी वापरले जाते. यामध्ये तीळासोबत सुमारे 15 ते 25 आयुर्वेदिक औषधी वनस्पतींचा वापर केला जातो. या औषधी वनस्पती तेलात टाकल्या जातात आणि उन्हात ठेवल्या जातात किंवा डबल-बॉयलरने तयार केल्या जातात. त्यात केशराचा वापर केल्यामुळे त्याला कुमकुमादी असे म्हणतात. कारण केशराला संस्कृतमध्ये कुमकुम म्हणतात. तसेच केशरामुळे त्याचा रंग लाल होतो. केशराव्यतिरिक्त त्यात योगरत्नाकर, क्षुद्र-रोग, कुमकुमा, चंदना, लोधरा, पतंगा, कालियाक, उशिरा, मंजिष्ठा, मधु, तेजपत्र, पद्माका, कमला, कुष्ठ, गोरोचन, हरिद्रा, लक्ष, दरहरिद्रा, गरिका, नागकेशर, पलाषा कुसुम, प्रियंगु, जाति,सुरभी, वच, पायस हे व इतर औषधी घटक असतात.
कुमकुमादी तेलाचे फायदे
कुमकुमादी तेलामध्ये अनेक औषधी वनस्पती असतात ज्या खराब झालेल्या त्वचेला बरे करतात आणि रक्ताभिसरण देखील वाढवतात. तुम्ही तुमच्या त्वचेवर जे काही लावता ते तुमच्या रक्तप्रवाहात शोषले जाते. तेलामध्ये असलेले फायदेशीर घटक त्वचेमध्ये शोषले जातात व तुमच्या त्वचेला चमक येते. अनेक शक्तिशाली आयुर्वेदिक औषधी वनस्पतींनी समृद्ध असलेले कुमकुमादी तेल मुरुमांना कारणीभूत असलेल्या जीवाणूंना मारण्यास सक्षम आहे. त्यामध्ये असलेल्या औषधी वनस्पतींपैकी मंजिष्ठा हे एक उत्कृष्ट सौंदर्यवर्धक आहे. हे रक्त आणि लिम्फॅटिक ड्रेन सिस्टम शुद्ध करण्यास मदत करते. यातील केशर त्वचेची छिद्रे बंद करण्यास मदत करतात. तिळाचे तेल आणि मुलेठी सिबमची पातळी संतुलित करतात. तर, हरितकी आणि हरिद्रा मुरुम, पुरळ इत्यादी त्वचेच्या संसर्गाशी लढतात. हे तेल त्वचेच्या पृष्ठभागावर रक्तप्रवाह वाढवते आणि पिगमेंटेशन कमी करते. हे मुरुमांना प्रतिबंधित करते आणि भविष्यात हे काळे डाग तयार होण्याची शक्यता देखील कमी करते. त्यातील नैसर्गिक औषधी वनस्पती मुरुम, डाग, रक्त प्रवाह, सन टॅन यासारख्या त्वचेच्या अनेक समस्यांना तोंड देण्यासाठी एकत्र काम करतात. अशाप्रकारे, हे तेल आपल्या त्वचेची वृद्धत्व प्रक्रिया अनेक स्तरांवर थांबवण्याचे काम करते.
तसे बाजारात कुमकुमादी तेलयुक्त अनेक प्रॉडक्ट्स आहेत. पण ऑरगॅनिक हार्वेस्टचे ऑरगॅनिक कुमकुमादी ऑइल हे संपूर्णतः नैसर्गिक घटकांनी युक्त असे तेल आहे जे त्वचेसाठी अत्यंत फायदेशीर आहे. हे ऑरगॅनिक कुमकुमादी तेल हे केशर पावडर आणि 9 तेले एकत्र करून अद्वितीय फॉर्म्युलेशनसह तयार केले आहे, हे तेल त्वचेच्या असंख्य आजारांवर उपचार करण्यासाठी अत्यंत प्रभावी आहे. काळे डाग, वृद्धत्वाची लक्षणे आणि पुरळ बरे करण्यासाठी हे चांगले आहे. हे त्वचेचा पोत सुधारण्यास देखील मदत करते.
ऑरगॅनिक कुमकुमादी क्रीम हे केशर पावडर आणि 4 समृद्ध तेलांच्या मिश्रणाने एक अद्वितीय फॉर्म्युलेशनसह तयार केले आहे. हे क्रीम काळे डाग, वृद्धत्वाची त्वचा आणि पुरळ बरे करण्यासाठी फायदेशीर आहे.
इतर कुठलेही रासायनिक उत्पादन वापरण्यापेक्षा ही नैसर्गिक उत्पादने वापरून बघा.
Photo Credit – istockphoto
