चेहऱ्यावर ग्लो येण्यासाठी फॉलो करा हे 'मॉर्निंग ब्युटी केअर रूटीन' (Morning Skin Care Routine In Marathi)

सकाळी उठल्यावर प्रत्येकाचं एक मॉर्निंग रूटीन असतं. दिवसभर फ्रेश दिसण्यासाठी काहीजणी योगासने करतात, काहींना पोटभर नास्ता केल्यावर फ्रेश वाटतं, तर काहीजणी सुंदर दिसण्यासाठी ठराविक ब्युटी रूटीन्स फॉलो करतात. दिवसभर सुंदर दिसावं असं प्रत्येकीलाच वाटत असतं. मग त्यासाठी तुम्ही रोज निरनिराळी हेअरस्टाईल करता, टापटीप दिसण्यासाठी निरनिराळ्या स्टाईलचे कपडे घालता अथवा परफेक्ट मेकअप करण्यावर भर देता. सुंदर दिसण्यासाठी हे सगळं करणं जितकं गरजेचं आहे तितकंच गरजेचं आहे तुमच्या त्वचेची काळजी घेणं. कारण जर तुम्हाला नॅचरल ब्युटी हवी असेल तर दररोज त्वचेची काळजी घेणं फार आवश्यक आहे.

नितळ आणि चमकदार त्वचा प्रत्येकीलाच हवीहवीशी वाटत असते. पण आजकालच्या धावत्या जीवनशैलीमुळे आणि वाढत्या प्रदूषणामुळे तुम्हाला तुमच्या त्वचेची विशेष काळजी घेणं अवघड जातं. याचा परिणाम तुमच्या चेहऱ्यावर दिसू लागतो. रात्री झोपताना तुम्ही तुमच्या त्वचेची काळजी नक्कीच घेता मात्र सकाळी उठल्यावरदेखील तुम्हाला तुमच्या त्वचेची निगा राखण्याची सवय लावता यायला हवी. यासाठीच आम्ही तुम्हाला त्वचेची काळजी घेण्यासाठी काही मॉर्निंग ब्युटी केअर रूटीन टीप्स देत आहोत

मॉर्निंग ब्युटी केयर रूटीन

निरोगी त्वेचेसाठी फॉलो करा हे मॉर्निंग हेल्थ रुटीन

मॉर्निंग ब्यूटी ट्रिक्स

FAQs

मॉर्निंग ब्युटी केयर रूटीन (Morning Beauty Care Routine)

जर तुम्ही सकाळी उठल्यावर या ब्युटी टीप्स फॉलो केल्या तर तुमची त्वचा दिवसभर फ्रेश दिसेल. कारण सकाळी आपल्या त्वचेवर नैसर्गिक चमक असते आणि जसा जसा दिवस पुढे जाऊ लागतो तसा तसा तुमचा चेहरा निस्तेज आणि कोरडा दिसू लागतो. जर तुम्ही सकाळी उठल्यावर काही गोष्टींची काळजी घेतली तर सकाळचे नैसर्गिक तेज तुमच्या चेहऱ्यावर दिवसभर राहू शकते. दिवसभर चेहऱ्यावर ग्लो हवा असेल तर या या मॉर्निग ब्युटी टीप्स तुमच्यासाठी फायदेशीर ठरू शकतात. काही स्कीन केअर स्टेप्स फॉलो करून तुम्ही तुमच्या दिवसाची सुरूवात फ्रेश करू शकता.

लवकर उठण्यासाठी टिप्स देखील वाचा

स्टेप 1 - क्लिंजर (Cleanser)

सकाळी उठल्यावर केवळ पाण्याने तोंड धुतल्याने चेहरा स्वच्छ होतोच असं नाही. कारण त्यामुळे तुमची त्वचा वरवर स्वच्छ दिसते. मात्र त्वचेच्या आतमधील धुळ आणि प्रदूषण तसेच राहिल्यामुळे ती पुन्हा निस्तेज दिसू लागते. त्वचा मुळापासून स्वच्छ करण्यासाठी केवळ फेसवॉशने चेहरा धुणे पुरेसे नाही. यासाठी एखाद्या चांगल्या क्लिंजरने चेहरा स्वच्छ करा. ज्यामुळे तुमच्या त्वचेवरील डेडस्कीन, धुळ, टॅनिंग स्वच्छ होईल. जर तुमची त्वचा संवेदनशील असेल आणि तुम्हाला बाजारात मिळणारं क्लिंजर वापण्याची भीती वाटत असेल तर तुम्ही घरीच क्लिंजर तयार करू शकता. यासाठी कच्चा दूधामध्ये लिंबूरस टाका आणि त्या मिश्रणाने तुमचा चेहरा स्वच्छ करा. सकाळीच चेहरा क्लिंजरने स्वच्छ करण्याची सवय लावल्यास तुमचा चेहरा दिवसभर फ्रेश राहील.

स्टेप 2-  टोनर (Toner)

चेहरा क्लिंजरने स्वच्छ केल्यावर तुम्ही त्वचेला टोनिंग करणे फार गरेजेचे आहे. कारण यामुळे तुमच्या त्वचेवर जमा झालेले अतिरिक्त तेल कमी होते. शिवाय टोनिंग केल्यामुळे तुमची त्वचा चमकदार दिसू लागते. त्वचा टोन करण्यासाठी क्लिंजींग केल्यावर लगेच त्यावर गुलाबपाणी, काकडीचा रस अथवा बटाट्याचा रस लावू शकता.

लवकर जागृत करण्यासाठी टिपा देखील वाचा

स्टेप 3 - सीरम  (Serum)

Also Read Ayurvedic Skin Care Tips In Marathi

क्लिंजींग, टोनिंग आणि मॉश्चराईझ करणं त्वचेसाठी फार गरजेचं असतं. मात्र टोनिंग केल्यावर मॉश्चराईझ करण्यापूर्वी त्वचेवर एक उत्तम सीरम लावण्याची सवय हातांना लावा.कारण निरोगी त्वचेसाठी फक्त मॉश्चराईझर क्रीम पुरेसं नाही. म्हणून दररोज अंघोळ केल्यावर तुमच्या त्वचेला एखादं चांगलं सीरम लावत जा. सीरम लावल्यामुळे तुमची त्वचा हायड्रेट राहण्यास मदत होईल. सीरम अप्लाय केल्यामुळे तुमचा मेकअपदेखील जास्त वेळ टिकू शकतो. शिवाय सीरममुळे तुमची त्वचा दिववसभर उजळ आणि चमकदार दिसते.

स्टेप 4 - मॉइश्चराईझर (Moisturiser)

त्वचेची काळजी घेण्यामध्ये सर्वात महत्वाची स्टेप आहे ती म्हणजे त्वचा मॉश्चराईझ करणे. त्वचा मऊ राहण्यासाठी एखादं चांगलं मॉश्चराईझर क्रीम त्वचेवर अप्लाय करा. ज्यामुळे तुमची त्वचा दिवसभर मऊ राहील आणि तुम्ही फ्रेश दिसू शकाल. लक्षात ठेवा चेहऱ्याप्रमाणेच संपूर्ण शरीराच्या त्वचेला मॉश्चराईज करण्यासाठी गरज आहे. त्यामुळे सकाळी त्वचेवर मॉश्चराईझ क्रीम लावण्यास मुळीच विसरू नका. नियमित त्वचा मॉश्चराईझ केल्यामुळे तुमच्या त्वचेवरील डाग, पिंपल्स आणि ब्लॅकहेड्स कमी होऊ लागतात. त्वचा मॉश्चराईझ केल्यामुळे तुमच्या चेहऱ्यावर लवकर सुरुकुत्या पडत नाहीत.

स्टेप 5 - सनस्क्रीन (Sunscreen)

संपूर्ण शरीराच्या त्वचेला मॉश्चराईझ केल्यावर त्वचेवर सनस्कीन लावण्याय विसरू नका. सनस्क्रीन लावल्यामुळे तुमची त्वचा टॅन होत नाही. मॉश्चराईझ केल्यावर त्वचेवर दहा मिनीटांनी एखादं चांगलं सनस्क्रीन लावा. उन्हाळ्या व्यतिरिक्त पावसाळा आणि हिवाळ्यातही त्वचेला सनस्क्रीन लावण्याची तितकीच गरज असते. उन्हाळ्यात मात्र चेहऱ्यासोबत, मान आणि हात अशा इतर भागांवरील त्वचेलाही सनस्क्रीन लावा.

वाचा - बेसन हलडी उबटन

स्टेप 6- आय क्रीम (Eye cream)

सकाळी तुमच्या डोळ्याच्या खालील त्वचा सुजल्याप्रमाणे दिसत असते. ज्याला आपण पफीनेस असं म्हणतो. हा पफीनेस कमी दिसण्यासाठी एखादं चागलं आयक्रीम अथवा जेल तुमच्या डोळ्याखाली लावा.

स्टेप 7 - लिप बाम (Lip Balm)

चेहऱ्याकडे पाहिल्यावर सर्वात आधी डोळे आणि ओठ याकडे लगेच लक्ष जातं. त्यामुळे डोळ्यांप्रमाणे तुम्ही तुमच्या ओठांचीदेखील तितकीच काळजी घेणं गरजेचं आहे. हिवाळ्याप्रमाणे सर्वच ऋतूंमध्ये ओठांना लिपबाम लावण्याची गरज असते. त्यामुळे ओठांना मॉश्चराईझ करण्यासाठी सकाळी त्यांच्यावर लिपबाम लावण्यास विसरू नका. लिपबाम लावल्यावर मग त्यावर तुमच्या आवडीची लिपस्टिक तुम्ही नक्कीच लावू शकता. ज्यामुळे तुमचे ओठ कोरडे दिसणार नाहीत.

Face Sheet Mask : चेहऱ्यावर इंन्स्टंट ग्लो येण्यासाठी वापरा ‘हे’ फेस शीट मास्क

निरोगी त्वेचेसाठी फॉलो करा हे मॉर्निंग हेल्थ रुटीन (Morning Skin Care Routine In Marathi)

एक ग्लास कोमट पाणी प्या (Drink Warm Water Every Morning)

दररोज सकाळी उठल्यावर एक ग्लास कोमट पाणी प्या. जरी तुम्हाला कोमट पाणी पिण्यास आवडत नसलं तरी त्याचे अनेक आरोग्य फायदे आहेत हे जरूर लक्षात ठेवा. कोमट पाण्यामुळे तुमचं शरीर डिटॉक्स होतं. शरीरातील अशुद्धता बाहेर टाकण्यासाठी कोमट पाणी वरदान ठरू शकतं. सकाळी पाणी प्यायल्याने तुमच्या घामावाटे शरीरातील अशुद्धता बाहेर टाकली जाते आणि दिवसभर तुम्ही फ्रेश दिसता.

दररोज सकाळी चेहरा धुवा (Wash Your Face With Water)

दररोज सकाळी उठल्यावर चेहरा स्वच्छ पाण्याने धुवा. ज्यामुळे चेहऱ्यावरील धुळ आणि प्रदूषण कमी होईल. सकाळी चेहरा धुताना साबण अथवा फेसवॉश वापरण्याऐवजी तुम्ही नैसर्गिक क्लिंजरचा वापर करू शकता. बेसण, दही, दूधाने चेहरा स्वच्छ केल्यास तुमची त्वचा मऊ आणि चमकदार दिसेल.

Concealers: तुमच्या त्वचेसाठी योग्य कन्सिलर कसं निवडाल

नियमित व्यायाम करा (Exercise Regularly)

त्वचा नितळ दिसण्यासाठी दररोज सकाळी एक्सरसाईज करण्यासाठी वेळ काढी. धावपळीच्या रुटीनमधून यासाठी वेळ काढणं कठीण असलं तरी अशक्य नक्कीच नाही. त्यामुळे दररोज सकाळी कमीतकमी तीस मिनीटे व्यायाम करा. तुम्ही यासाठी योगासने, प्राणायम, स्ट्रेचिंग, धावणे असे व्यायामप्रकार करू शकता. ज्यामुळे तुमचं रक्ताभिसरण सुधारेल. त्वचेला ऑक्सिजनचा पुरवठा झाल्यामुळे तुम्ही दिवसभर फ्रेश दिसाल.

बेलीफॅट कमी करण्यासाठी सोप्या टीप्स- Tips To Reduce Belly Fat

हेल्दी नास्ता करा (Eat Healthy Breakfast)

सकाळचा नास्ता तुमच्या आरोग्यासोबत त्वचेसाठीदेखील अत्यंत महत्त्वाचा आहे. मात्र घाईगडबडीत तुम्ही नास्ता घेण्याची टाळटाळ करता. सकाळी पौष्टिक नास्ता केल्यामुळे तुम्ही दिवस फ्रेश राहता. शरीरात पुरेशी उर्जा असेल तर तुमचा चेहरादेखील टवटवीत दिसतो. यासाठी सकाळी कमी मसालेदार आणि पौष्टिक अन्न खा. दररोज सकाळी फळे अथवा फळांचा रस घेण्यास मुळीच विसरू नका. दिवसभर न थकता फ्रेश दिसण्यासाठी हे मॉर्निंग रुटीन अवश्य फॉलो करा.

चांगलं बीबी क्रीम वापरा (Use Good BB Cream)

सकाळी घराबाहेर पडताना मेकअपमधील फॉऊंडेशन ऐवजी एखादं चांगलं बीबी क्रीम वापरा. यामुळे तुम्हाला मॉश्चराईझर, सनस्क्रीन आणि फाऊंडेशन या तिन्ही गोष्टींचा इफेक्ट मिळेल. चेहऱ्यावर पफच्या मदतीने बीबी क्रीम लावा आणि अक क्लीन लुक मिळवा. मात्र लक्षात ठेवा बीबी क्रीम आणि सीसी क्रीम या दोन वेगवेगळ्या क्रीम आहेत. बीबी क्रीम एक मल्टीटास्किंग स्कीन केअर उत्पादन आहे आणि सीसी क्रीम डस्की कॉम्बिनेशनला फेअर इफेक्ट देण्यासाठी वापरण्यात येणारं सौंदर्य उत्पादन आहे.

दिवसभर स्वतःला हायड्रेट ठेवा (Keep Yourself Hydrate Throughout The Day)

जर तुम्हाला नितळ आणि सतेज त्वचा हवी असेल तर दिवसभर भरपूर पाणी प्या. दिवसभरात कमीतकमी आठ ग्लास पाण्याची शरीराला गरज असते. मुबलक पाणी प्यायल्यास तुमची त्वचा मऊ राहण्यास मदत होते. पाणी पिण्याची सवय लावल्यास तुम्ही निरोगी राहू शकता. त्वचा समस्यांपासून सुटका मिळविण्यासाठी सतत थोडं थोडं पाणी प्या.

मॉर्निंग ब्यूटी ट्रिक्स (Morning Beauty Tricks)

1. सकाळी चेहरा धुताना कोमट पाण्याऐवजी थंड पाण्याचा वापर करा. ज्यामुळे तुम्हाला लवकर फ्रेश वाटू लागेल

2. आठवड्यातून एकदा मध आणि दही किंवा दही आणि लिंबू मिक्स करून चेहऱ्यावर मसाज करा. ज्यामुळे चेहऱ्यावर नैसर्गिक चमक येईल.

3. चेहऱ्यासोबत दातांचीदेखील काळजी घ्या. दात स्वच्छ असतील तर तुम्ही मनापासून हसू शकाल. स्माईलमुळे तुमच्या चेहऱ्यावर एक तेज दिसू लागेल. कारण मन प्रसन्न असेल तर त्याचा तुमच्या चेहऱ्यावर लगेच परिणाम दिसू शकतो.

4. मेकअप करण्यास वेळ नसेल तर फक्त एखाद्या चांगल्या शेडची लिपस्टीक लावा. ज्यामुळे तुम्ही फ्रेश दिसाल.

5. हेअरस्टाईल करायला वेळ नसेल तर केसांना थोडं ओलं करून वरच्या दिशेने एक बन बांधा आणि थोड्यावेळाने तो सोडा. ज्यामुळे तुमचे केस नॅचरल कर्ली दिसू शकतील.

6. चेहऱ्यावर इन्संंट ग्लो हवा असेल तर घराबाहेर पडण्यापूर्वी पेट्रोलियम जेली गालावर लावा. ज्यामुळे तुमच्या चेहऱ्यावर एक ग्लो दिसू लागेल.

FAQS 

मेकअप न करताही सुंदर दिसण्यासाठी काय करू ?

जर तुम्हाला मेकअप न करता सुंदर दिसायचं असेल तर त्वचेची काळजी घ्या. मॉर्निंग स्कीन केअर फॉलो केल्यास तुमच्या चेहऱ्यावर एक नैसर्गिक ग्लो येईल ज्यामुळे तुम्हाला मेकअप करण्याची मुळीच गरज नाही. उन्हात फिरताना सनस्क्रीन लावायला मात्र विसरू नका. शिवाय प्रत्येकवेळी थंड पाण्याने चहऱ्या धुतल्यावर मॉश्चराईझर क्रीम अवश्य लावा.

दररोज सकाळी चेहरा धुणे गरजेचे आहे का?

होय, दररोज सकाळी उठल्यावर थंड पाण्याने चेहरा स्वच्छ धुवा. कारण रात्री झोपल्यावर बेड आणि उशीवरील धुळ आणि प्रदूषण तुमच्या चेहऱ्यावर लागण्याची शक्यता असते. ज्यामुळे त्वचा समस्या निर्माण होऊ शकतात.

चेहरा नैसर्गिक पद्धतीने स्वच्छ कसा करावा?

जर तुम्हाला बाजारातील क्लिंजर वापरायचे नसेल तर तुम्ही चेहरा क्लिंजींग करण्यासाठी कच्चे दूध आणि टोनिंग करण्यासाठी गुलाबजल वापरू शकता.

अधिक वाचा

‘या’ लाईफ चेजिंग मेकअप टीप्स तुम्हाला माहित असायलाच हव्या

पावसाळ्यात अशी घ्या त्वचेची काळजी

संवेदनशील त्वचेची काळजी

केसांचा मसाज करण्यासाठी उत्कृष्ट तेल

हिवाळ्यात कोरड्या त्वचेसाठी स्किन केअर

फोटोसौजन्य - इन्स्टाग्राम