दररोज एक ग्लास ताक पिण्याने होतात हे फायदे | POPxo

दररोज एक ग्लास ताक पिण्याने होतात हे फायदे

दररोज एक ग्लास ताक पिण्याने होतात हे फायदे

दही अथवा ताक शरीरासाठी उत्तम आहे आपल्याला माहीतच असेल. कारण अगदी प्राचीन काळापासून जेवणासोबत ताक पिण्याची पद्धत आहे. विशेषतः जड जेवणासोबत फोडणीचे अथवा मसाला ताक पिणे फायदेशीर ठरते. आयुर्वेदात तर ताकाला अमृतपेय असं म्हटलं जातं. कारण ताकामुळे तुमच्या शरीरातील टॉक्सिन्स अर्थात विषद्रव्ये बाहेर टाकली जातात. शरीरातील उष्णता आणि दाह कमी करण्यासाठी ताक एखाद्या औषधाप्रमाणे काम करतं. दह्यात भरपूर पाणी टाकून घुसळून ताक केलं जातं. त्यामुळे दही आणि ताक यांचे शरीरावर होणारे फायदे नक्कीच वेगवेगळे आहेत. ताक प्यायल्यामुळे शरीर हायड्रेट राहतं. ज्यामुळे शरीराची पाण्याची पातळी संतुलित राहण्यास मदत होते.यासाठीच ताकाचे हे आरोग्यदायी फायदे जरूर जाणून घ्या. 

Instagram
Instagram

ताकाचे आरोग्यदायी फायदे

  • ताक प्यायल्यामुळे तुमची पचनशक्ती सुधारते. म्हणूनच जड जेवणासोबत ताक पिणे योग्य ठरते. अशा  ताकात जिरेपूड, आलं आणि सैंधव मीठ असेल तर ताकाचा चांगला परिणाम शरीरावर लवकर होतो.
  • ताकामध्ये कॅल्शियम, लोह, फॉस्फरस, पाणी  असते ज्यामुळे तुम्हाला त्वरीत उर्जा मिळते. यासाठी अशक्तपणा अथवा थकवा दूर करण्यासाठी ताक पिणे फायदेशीर ठरते.
  • ताक हे दह्यापासून तयार केलं जातं. ज्यामुळे ताकात पुरेशे कॅल्शियम असतं. ताक नियमित पिण्यामुळे तुमच्या शरीराची कॅल्शियमची कमतरता भरून निघू शकते. 
  • दह्यात भरपूर पाणी मिसळून आणि घुसळून ताक केले जाते ज्यामुळे ताक पिण्याने तुमच्या शरीरातील पाण्याची पातळी नियंत्रित राहते आणि तुम्हाला डिहायड्रेशनचा त्रास होत नाही. यासाठी उन्हाळ्यात ताक दररोज प्यावे. 
  • जुलाब होत असतील तर अशा व्यक्तीने ताप पिणे योग्य ठरते. कारण ताकामुळे शरीरात पाण्याची झालेली झीज भरून निघण्यास मदत होते. 
  • काही लोकांना दही खाण्यामुळे सर्दी, खोकल्याचा त्रास होतो मात्र अशा लोकांनी ताक प्यायल्यास त्यांना हा त्रास नक्कीच होत नाही.
  • ताकामुळे वजन कमी होण्यास मदत होते. जर तुम्ही वजन कमी करण्यासाठी प्रयत्न करत असाल तर दररोज जेवणाच्या मधल्यावेळात भुक लागल्यावर ताक प्या. यामुळे तुमची भुक तर भागेलच शिवाय तुमचे वजनदेखील वाढणार नाही. 
  • दह्यामध्ये प्रोबायोटिक्स असतात जे तुमच्या शरीरातील हानिकारक जीवजंतूच्या वाढीस प्रतिरोध करतात. ज्यामुळे तुम्हाला आजारपणाचा धोका कमी होतो. 
  • ताक पिण्यामुळे शरीरात बॅड कोलेस्ट्रॉल नियंत्रित राहते. ज्यामुळे तुमचा रक्तदाबदेखील नियंत्रणात राहण्यास मदत होते. रक्तदाब नियंत्रित असल्यामुळे ह्रदयाचे आरोग्य सुधारते. 
  • ताक चवीला आंबटगोड लागते. ताक पाचक असल्यामुळे ते शरीरातील इतर पदार्थांचे योग्य पचन करण्यास मदत करते.
  • ताकामुळे वातविकार, पित्तविकार आणि कफविकार बरे होतात. त्यामुळे ते त्रिदोषनाशक आहे. 
Instagram
Instagram

ताक कसे तयार करावे

चांगले विरझलेले अथवा अधमुरे दही घ्यावे. जास्त शिळे दही असेल तर ताक आंबट होते. आंबट दही अथवा ताक शरीरासाठी बाधक असते. यासाठी शक्य असल्यास ताजे दही वापरावे. दह्याच्या तीनपट पाणी दह्यात मिसळावे. दही आणि पाणी एकजीव होईपर्यंत ते चांगले घुसळून घ्यावे. घुसळण्यासाठी मिक्सरचा अथवा घुसळणीचा वापर करावा. घुसळल्यामुळे ताक आणि पाणी एकत्र होऊन एक पाचक द्रव्य तयार होते त्याला ताक असं म्हणतात. चवीसाठी तुम्ही त्यामध्ये मीठ, साखर, जीरेपावडर, सैंधव, कोथिंबीरी टाकू शकता. ताक शरीरासाठी अतिशय उत्तम असते. ताक शक्य असल्यास जेवताना अथवा दोन जेवणाच्या मधल्यावेळेत घ्यावे. सकाळी आणि रात्री उशीरा ताक पिऊ नये. 

फोटोसौैजन्य - इन्साग्राम 

हे ही वाचा -

खास तुमच्यासाठी आम्ही घेऊन आलो आहोत #POPxoEverydayBeauty. POPxo Shop's मध्ये तुम्हाला सुंदर त्वचेसाठी आणि मजबूत केसांसाठी वेगवेगळे प्रोडक्ट मिळतील. जे 100% तुम्हाला रिझल्ट देतील शिवाय हे प्रोडक्ट वापरण्यास फारच सोपे आहे. तुम्ही या प्रोडक्टचा लाभ घ्यावा यासाठी आम्ही तुम्हाला 25% पर्यंतची सूट देणार आहोत. मग वाट कसली पाहताय लगेचच POPxo Shop च्या https://www.popxo.com/shop/beauty लिंकवर क्लिक करा.

अधिक वाचा -

रोज दही खाताय? मग तुमच्या शरीराला येऊ शकते 'सूज'

केस आणि त्वचेच्या सौंदर्यासाठी दही आहे उपयुक्त

घट्ट दही तयार करण्याची घरगुती पद्धत