#Lucky2020: मस्तीखोर असतात या राशीच्या व्यक्ती, नव्या वर्षातही मस्ती कायम

#Lucky2020: मस्तीखोर असतात या राशीच्या व्यक्ती, नव्या वर्षातही मस्ती कायम

प्रत्येक राशीच्या व्यक्तीचा स्वभाव हा वेगळा असतो. ज्योतिषशास्त्रानुसार प्रत्येक व्यक्ती ही वेगळी असते आणि त्या व्यक्तीचा स्वभाव हा राशीनुसार ठरवण्यात येतो. आपल्याकडे ज्योतिषशास्त्राला अनन्यसाधारण महत्त्व आहे.  असं म्हटलं जातं की, ज्योतिषशास्त्रानुसार तुम्ही कोणत्याही व्यक्तीचा भूतकाळ, वर्तमान आणि भविष्यकाळ सांगू शकता. इतकंच नाही तर व्यक्तीचा स्वभाव आणि इतर बऱ्याच गोष्टी जाणून घेता येतात. वास्तविक ज्योतिषानुसार एकूण बारा राशी आहेत. प्रत्येक राशीचं कनेक्शन हे कोणत्या ना कोणत्यातरी नक्षत्राशी जोडलेलं असतं. अशावेळी एखाद्या बाळाचा जन्म होतो तेव्हा त्याच्या राशीनुसार त्याचे नक्षत्र आणि त्याचे भविष्य ठरते. हे लक्षात ठेवूनच आपण या लेखातून सर्वात मस्तीखोर राशी कोणत्या असतात आणि यावर्षातदेखील त्यांची मस्ती कशी राहणार आहे ते पाहणार आहोत. खरं तर मस्ती ही प्रत्येकामध्ये थोड्याफार प्रमाणात असते. पण बारा राशींपैकी अशा काही राशी आहेत ज्या राशीच्या व्यक्ती या प्रचंड मस्तीखोर आणि मिश्किल असतात.  कोणत्याही प्रकारे मस्ती केल्याशिवाय त्यांचा दिवस जातच नाही. कोणत्या आहेत त्या राशी आपण पाहूया - 

मिथुन

GIPHY

मिथुन राशीच्या व्यक्ती या मुळातच सर्वांच्या आवडत्या असतात कारण यांचा स्वभाव अतिशय मजेशीर असतो. कोणत्याही कारणावरून या व्यक्ती हसवू शकतात. कायम हसतमुख राहणाऱ्या व्यक्तींची ही रास आहे. मिथुन राशीच्या व्यक्ती या लहानपणापासूनच अतिशय चंचल आणि मस्तीखोर स्वभावाच्या असतात. आपल्या मस्तीने या व्यक्ती लोकांचं मनोरंजन तर करतातच त्याशिवाय आपल्या बोलण्यानेही लोकांना जिंकून घेण्यात या व्यक्ती माहीर असतात. मिथुन राशीच्या व्यक्ती इतक्या मस्तीखोर असतात की, त्यांना मस्ती करताना कोणत्याही प्रकारची लाज वाटत नाही. त्यामुळेच या व्यक्ती इतर व्यक्तींना आपल्याकडे पटकन आकर्षित करून घेतात. तसंच या व्यक्ती अतिशय बोलक्या असतात. 2020 हे वर्षदेखील या व्यक्तींना अशाच मस्तीचं आणि मजेचं जाणार आहे. फक्त कोणत्याही व्यक्तीबरोबर मस्ती करताना समोरच्या व्यक्तीला ती मस्ती चालणार आहे की नाही याकडे या व्यक्तींनी थोडं लक्ष देण्याची गरज आहे. 

कन्या

GIPHY

कन्या राशीच्या व्यक्ती या अतिशय अॅक्टिव्ह असतात. प्रत्येक तऱ्हेच्या कामामध्ये या व्यक्ती पुढे असतात. कोणतंही काम हाती घेतलं की ते अगदी आनंदाने पार पाडण्यात या व्यक्तींची रास पुढे आहे. आपल्या जवळच्या व्यक्तींबरोबर मजामस्ती करणं या राशीच्या व्यक्तींना खूपच आवडतं. या व्यक्तींचं वैशिष्ट्य हे आहे की, कोणत्याही व्यक्तींबरोबर या व्यक्ती पटकन मिसळतात. यांना कोणत्याही व्यक्तीची जास्त ओळख लागत नाही. समोरच्या व्यक्तीला पटकन आपलंसं करून घेण्याची हातोटी या राशीच्या व्यक्तींमध्ये आहे.  कोणत्याही व्यक्तीबरोबर इतके मिसळतात की, समोरच्या व्यक्तीलाही आपण फारच वर्षापासून एकमेकांना ओळखत आहोत असं वाटावं. त्यामुळे यांची मस्ती समोरच्या व्यक्तीलाही हवीहवीशी वाटते. यामुळेच आयुष्यात अनेक मित्रमैत्रिणी बनवणारी ही एक रास आहे. येत्या वर्षातही कन्या राशीच्या व्यक्ती अतिशय मस्ती करणार असल्याचं दिसून येत आहे. या राशीचं अजून एक वैशिष्ट्य आहे की, कोणालाही दुःख होईल अथवा हानी पोहचेल अशा प्रकारची मस्ती या व्यक्ती करत नाहीत. मर्यादेमध्ये राहूनच या व्यक्ती मस्ती करतात. 

राशीनुसार जाणून घ्या तुमच्या जोडीदाराचा स्वभाव

वृश्चिक

GIPHY

या राशीच्या व्यक्तींची गोष्टच वेगळी आहे. या राशीच्या व्यक्ती ज्या ठिकाणी असतात तिथे हास्याचे फवारे सतत चालूच राहतात. कोणत्याही पार्टी, घरातील समारंभामध्ये जर वृश्चिक राशीची व्यक्ती असेल तर तिथे मस्ती आणि मजा ही असणारच. कंटाळवाण्या समारंभाला मजेशीर बनवण्यात या राशीच्या व्यक्तींची हातोटी आहे. या व्यक्ती कामाच्या बाबतीत जितक्या गंभीर असतात तितक्याच मस्तीखोर स्वभावाच्या असतात. कोणालाही पटकन आपलंसं करून घेण्याची ताकद यांच्यामध्ये असते. फटकळ असूनही या व्यक्तींच्या मस्तीखोर आणि लाघवी स्वभावामुळे या राशीच्या व्यक्तींना अनेक मित्रमैत्रीणी असतात. या व्यक्ती ज्या ग्रुपमध्ये असतात त्या ग्रुपची शान ठरतात. त्यांच्याशिवाय कोणतीही पिकनिक आणि कार्यक्रम पूर्ण होऊच शकत नाही. गेले काही वर्ष या राशीची मस्ती साडेसातीमुळे कमी झाल्याचं कदाचित जाणवलं असेल पण आता साडेसाती संपल्यामुळे पुन्हा  या राशीच्या व्यक्तींची मस्ती आणि मजा यावर्षापासून सुरू होणार हे निश्चित. साडेसातीच्या दरम्यानही कितीही दुःख असेल तर लपवण्याची ताकद या राशीच्या व्यक्तींमध्ये असते. ते दुःख लपवत नक्कीच क्षणोक्षणी मस्ती या राशीच्या व्यक्तींनी केलेली असणार. 

राशीनुसार जाणून घ्या कोणता नंबर आहे तुमच्यासाठी भाग्यशाली

कुंंभ

GIPHY

या राशीच्या व्यक्ती मस्ती करण्याच्या बाबतीत सर्वात पुढे असतात. अतिशय बिनधास्त स्वभावाच्या या व्यक्ती असतात. तसंच बोलक्या असल्याने यांची मस्ती ही सतत चालू असते. या राशीच्या व्यक्तींच्या चेहऱ्यावर तुम्हाला नेहमी हसू दिसेल. आपली मस्ती आणि मजा करण्याच्या प्रवृत्तीने वातावरण सतत आनंदी आणि खेळकर ठेवायचं हे या व्यक्तींचं स्वभाववैशिष्ट्य  आहे. तसंच या व्यक्ती सतत हसवत राहतात. यांचा स्वभाव दुसऱ्यांना सतत आनंदी ठेवण्याचा आहे. तसंच आपल्या ग्रुपमध्येही या व्यक्ती खूपच प्रसिद्ध असतात. यांचं तोंड सतत चालू राहिल्याने समोरच्या व्यक्तीही त्यांच्याकडे आकर्षित होतात. पण मस्तीच्या बाबतीत या व्यक्ती कोणत्याही स्तरापर्यंत पोहचतात हा त्यांचा एक दुर्गुण आहे. मस्ती करताना दुसऱ्याला काही त्रास होईल का याचा जास्त विचार या व्यक्ती करत नाहीत. त्यामुळे यांच्या मस्तीने एखाद्याला दुःखही पोहचू शकतं. यावर्षीदेखील या राशीच्या व्यक्तींची मस्ती अशीच चालू राहणार  आहे. त्यामध्ये कोणत्याही प्रकारची बाधा येणार नाही. 

राशीनुसार जाणून घ्या कोणाला कसली वाटते भीती

मीन

GIPHY

या राशीच्या व्यक्ती मस्तीखोर तर असतात. पण या राशीच्या व्यक्तींच्या मस्तीचा स्तर हा थोडा उंच असतो. त्यामुळे या राशीच्या व्यक्ती जी मस्ती करतात त्यामुळे बऱ्याचदा त्यांच्या स्वतःसाठी ते त्रासदायक ठरतं. वास्तविक यांच्या मनात काहीच वाईट नसतं. पण त्यांची मस्तीच अशा तऱ्हेची असते जेणेकरून समोरच्याला त्रास होईल. मस्ती करताना त्यामध्ये पूर्णतः स्वतःला या राशीच्या व्यक्ती झोकून देतात. कोणत्याही तऱ्हेच्या मर्यादा मस्ती करताना या व्यक्ती स्वतःला आखून घेत नाहीत. त्यामुळे त्यांना स्वतःला आणि समोरच्या व्यक्तींंनाही त्रास होतो. मात्र यावर्षी काही प्रमाणात या व्यक्तींची मस्ती कमी राहील. वर्षभर थोडा उतार चढाव असल्याने आपल्या मस्तीला या व्यक्ती थोडाफार लगाम घालू शकतात असा अंदाज आहे. 

खास तुमच्यासाठी आम्ही घेऊन आलो आहोत #POPxoEverydayBeauty. POPxo Shop's मध्ये तुम्हाला सुंदर त्वचेसाठी आणि मजबूत केसांसाठी वेगवेगळे प्रोडक्ट मिळतील. जे 100% तुम्हाला रिझल्ट देतील शिवाय हे प्रोडक्ट वापरण्यास फारच सोपे आहे. तुम्ही या प्रोडक्टचा लाभ घ्यावा यासाठी आम्ही तुम्हाला 25% पर्यंतची सूट देणार आहोत.

मग वाट कसली पाहताय लगेचच POPxo च्या https://www.popxo.com/shop/beauty लिंकवर क्लिक करा.