लवंग तेलाचे फायदे मराठीतून (Lavang Oil Benefits in Marathi)

Lavang Oil Benefits In Marathi

भारतीय स्वयंपाकघरात मसाल्यांना फार महत्वाचं स्थान आहे. खाद्यपदार्थांमध्ये विविध प्रकारचे मसाले वापरले जातात मात्र यामध्ये मोठ्या प्रमाणावर वापरली जाते मसाल्यांमध्ये लवंग. कारण लवंग खाद्यपदार्थांना रूचकर करतेच. शिवाय लवंग आरोग्य समस्या दूर करण्यासाठी आणि सौंदर्य वाढवण्यासाठी उपयुक्त आहे. त्वचेच्या काही समस्या, दातदुखी, खोकला, अस्थमा, ताणतणाव दूर करण्यासाठी लवंग फायदेशीर ठरते. लवंग पासून लवंग तेल काढलं जातं. लवंगतेलाचा वापर अनेक सौंदर्यप्रसाधने आणि औषधांमध्ये केला जातो. यासाठी जाणून घ्या लवंग तेलाचे फायदे (lavang oil benefits in marathi) आणि लवंग तेलाचा उपयोग कसा करावा.

Table of Contents

    Lavang Oil Benefits in Marathi

    दातदुखीपासून आराम मिळतो (Relieves Teething Pain)

    एका संशोधनानुसार लवंगमध्ये बॅक्टेरिया मारण्याचे गुणधर्म असतात. दाताला कीड लागल्यामुळे दातदुखी जाणवते. दातदुखी, तोंड येणं, हिरड्या आणि जीभेला होणाऱ्या दुखापती कमी करण्यासाठी लवंगतेलाचा वापर करण्यात येतो. आश्चर्य म्हणजे लवंगतेलाचा वापर करून तुम्ही तुमची दातदुखी त्वरीत बरी करू शकता. यासाठी एक थेंब ऑलिव्ह ऑईल आणि दोन थेंब लवंग तेल कापसाच्या तुकड्यावर घ्या. कापसाचा तुकडा तुमच्या दुखण्याऱ्या दातावर ठेवा. थोड्या वेळाने हे तेल तुमच्या दातांच्या किडलेल्या भागावर लागून इनफेक्शन कमी होते. दहा मिनीटांनी चांगली चुळ भरा ज्यामुळे तुम्हाला चांगला आराम मिळेल.  चुळ भरण्यासाठी गरम पाणी आणि मीठाचा  वापर करा. 

    रोग प्रतिकारशक्ती वाढते (Boosts Immune System)

    लवंग तेलाचे उपयोग अनेक आहेत यामुळे तुमच्या प्रतिकारशक्तीवर आश्चर्यकारक परिणाम जाणवतो. कोरोनापासून दूर राहण्यासाठी प्रतिकारशक्ती वाढवणं फार आवश्यक आहे.  लवंग तेलात मोठ्या प्रमाणावर अॅंटि ऑक्सिडंट गुणधर्म असतात. ज्यामुळे आजारपणात विषाणू आणि जीवजंतूंशी लढण्यासाठी लवंग तेल फायदेशीर ठरते. कोणत्याही संसर्गजन्य आजारापासून दूर राहण्यासाठी खाद्यपदार्थांमध्ये लवंग आणि लवंग तेलाचा वापर अवश्य करावा. लवंग वापरल्यामुळे शरीरातील पांढऱ्या रक्तपेशी पटकन वाढतात आणि शरीर निरोगी राहते. 

    अल्सरपासून संरक्षण मिळते (Prevents Ulcers)

    लवंग तेलावर करण्यात आलेल्या काही संशोधनानूसार यामुळे अल्सरसारखे दुर्धर विकारदेखील बरे होऊ शकतात. लवंग तेलामुळे तुमची पचनशक्ती सुधारते. आतड्यांना आराम मिळतो ज्यामुळे अल्सरसारख्या आजारापासून तुम्ही दूर राहता. लवंग तेल आतड्यांमधील नाजूक भागाचं योग्य संरक्षण करतं. ज्यामुळे आतड्यांमध्ये गॅस निर्माण होत नाही आणि पचनाच्या समस्या कमीम होतात. एवढंच नाही जर तुम्हाला अयोग्य आहारामुळे वारंवार अपचनाच्या समस्या होत असतील. त्याचप्रमाणे डायरिया, पोटात गोळा येणं, बद्धकोष्ठताच्या समस्या जाणवत असतील तर लवंग तेल तुमच्या समस्या दूर करण्यासाठी नक्कीच फायदेशीर आहे. असं झाल्यास लवंग तेल पोटाला लावा आणि हलक्या हाताने तुमच्या पोटावर मसाज करा. ज्यामुळे पोटातील गॅस बाहेर पडण्यास मदत होईल. 

    सर्दी - खोकल्यावर घरगुती औषध (Natural Remedy For Cough And Cold)

    लवंग तेलामध्ये थंडावा आणि दाह कमी करणारे गुणधर्म असतात. सर्दी खोकला झाल्यावर तुमचा श्वास मोकळा होण्यासाठी हे गुणधर्म फारच उपयुक्त ठरतात. सर्दी खोकल्यामुळे नाकपुड्या आणि श्वसनमार्गात अडथळे निर्माण होतात. यासाठीच सर्दी, खोकला, अस्थमा, सायनस अशा आजारपणात लवंग तेल औषधाप्रमाणे काम करतं. यासाठी एका भांड्यात अथवा स्टीमरमध्ये पाणी गरम करा. त्यात काही थेंब लवंगतेल टाका. या पाण्याने नाक आणि नाकाकडील भागावर वाफ द्या. ज्यामुळे तुमचा श्वसनमार्ग मोकळा होईल. 

    shutterstock

    डोकेदुखी कमी होते (Eases Headaches)

    अती काम अथवा कामाची दगदग, ताणतणाव अथवा आरोग्य समस्येमुळे तुमचे डोके दुखू लागते. शरीरावरचा ताण आणि त्यातून निर्माण होणारी डोकेदुखी कमी करण्यासाठी तुम्ही लवंग तेलाचा वापर करू शकता. लवंग तेलाला एक प्रकारचा सुंदर अॅरोमा येतो. ज्यामुळे तुमचा थकवा कमी होतो आणि फ्रेश वाटण्यास मदत होते. यासाठी नारळाच्या अथवा ऑलिव्ह ऑईलमध्ये लवंग तेलाचे काही थेंब टाका. या मिश्रणाने तुमच्या डोके आणि कपाळावर हळू हळू मसाज करा. ज्यामुळे काही वेळाने तुम्हाला ताण कमी झाल्याचे वाटू लागेल आणि शांत झोप लागेल.

    त्वचेसाठी उत्तम (Good For Your Skin)

    लवंग तेलामध्ये जीवजंतू मारण्याचे सामर्थ्य असते. यासाठीच त्वचेवरीलल पिंपल्स कमी करण्यासाठी वापरण्यात येणाऱ्या औषधांमध्ये लवंग तेलाचा वापर केला जातो. लवंग तेलामुळे त्वचेवरील पुरळ, अॅक्ने, काळे डाग, रॅशेस कमी होतात. पिंपल्स कमी करण्यासाठी लवंग तेलाचे काही थेंब नारळाचे तेल अथवा जोजोबा तेलात मिक्स करा. हे मिश्रण एकत्र करून कापसाच्या मदतीने तुमच्या पिंपल्सवर लावा जर तुम्हाला एखाद्या तेलाची अॅलर्जी असेल तर तुम्ही मधातून लवंग तेल तुमच्या त्वचेवरील पिंपल्स कमी करण्यासाठी वापरू शकता. हे मिश्रण अर्धा तास चेहऱ्यावर ठेवून चेहरा स्वच्छ पाण्याने धुवून टाका. याचप्रमाणे त्वचेच्या अनेक समस्या लवंग तेलाने कमी होतात. 

    केसांसाठी पोषक (Good For Your Hair)

    रक्ताभिसरण सुधारल्यामुळे तुमच्या केसांच्या समस्या कमी होतात आणि केसांची योग्य वाढ होते. लवंग तेलामुळे तुमच्या केसांच्या मुळांमधील रक्ताभिसरण चांगले होते. ज्याचा योग्य परिणाम तुमच्या केसांच्या वाढीवर होतो. यासाठी नारळाच्या तेलात काही थेंब लवंग तेल मिसळा आणि या तेलाने केसांना मालिश करा. चांगला परिणाम हवा असेल तर तेल लावल्यावर काही मिनिटे केस टॉवेलने गुंडाळून ठेवा आणि मग साध्या पाण्याने धुवा. लवंग तेलामुळे केस गळणे थांबते, केसांची वाढ चांगली होते, केसांमधील कोंडा कमी होतो आणि केस मजबूत होतात. 

    मळमळ कमी करण्यासाठी फायदेशीर (Can Help Treat Nausea)

    आजारपणात अथवा गरोदरपणात मळमळ उलटीचा त्रास जाणवतो. अशा वेळी लवंग तेलाने तुम्ही हा  त्रास कमी करू शकता. लवंग तेलाला एक प्रकारचा उग्र वास असतो. ज्यामुळे या तेलाचा वास घेतल्याने तुमची मळमळ कमी होते. रात्री झोपताना गरोदर महिलांनी उशीवर काही थेंब लवंग तेलाचे टाकल्यास त्यांना रात्री निवांत झोप लागते आणि मॉर्निंग सिकनेस जाणवत नाही. आजारपणामुळे चव अथवा अन्न खाण्याची इच्छा गेली असेल तर लवंग तेलाच्या वासाने तुम्हाला बरे वाटू शकते. 

    कानदुखीवर उपचार (Cures Ear Aches)

    वातावरणातील बदल आणि इतर आरोग्य समस्यांमुळे कानात दुखण्याचं प्रमाण दिवसेंदिवस वाढताना दिसत आहे. कानदुखीवर तुम्ही लवंग तेलाने उपचार करू शकता. यासाठी एक चमचा  मोहरीच्या तेलात काही थेंब लवंग तेल मिसळा आणि ते तुमच्या कानात सोडा. या तेलाने तुम्ही कानाला हलका मसाज करू शकता. या तेलाच्या प्रयोगामुळे तुम्हाला बरे वाटेल आणि कानदुखी काही प्रमाणात कमी होईल. 

    मधुमेहींसाठी उपयुक्त (Useful For Diabetics)

    मधुमेहींच्या शरीरात स्वादुपिंडाच्या कार्यात अडथळे आल्यामुळे इन्सुलीनची निर्मिती अनियंत्रित होते. ज्याचा परिणाम रक्तातील साखर वाढते आणि शरीराच्या दैनंदिन कामात अडथळे येतात. मात्र लवंग तेलामुळे मधुमेहींना या आरोग्य समस्येवर नियंत्रण मिळवता येऊ शकते. लवंग तेलामुळे मधुमेहींची रक्तातील साखर नियंत्रित होते. मात्र असं करत असताना डॉक्टरांनी सांगितलेले इतर वैद्यकीय उपचारही चालूच ठेवावेत. 

    shutterstock

    लवंग तेलाचे फायदे बाबत प्रश्न - FAQ's

    1. लवंग तेल खाणं आहारात वापरणं योग्य आहे का ?

    अनेक आरोग्य समस्यांमध्ये अख्खी लवंग दाताखाली ठेवण्याचा सल्ला दिला जातो. मात्र त्याचे प्रमाण एक किंवा दोनपेक्षा जास्त असू नये. त्याचप्रमाणे लवंग तेल अती प्रमाणात सेवन करणे हानिकारक ठरू शकते. शिवाय ते पाणी अथवा इतर खाद्यतेलात मिसळून वापरावे.

    2. लवंग तेल जंतूनाशक आहे का ?

    नक्कीच, कारण लवंगमध्ये अॅंटि बॅक्टेरिअल, अॅंटि फंगल आणि अॅंटि व्हायरल गुणधर्म असतात. यासाठीच अनेक आरोग्य समस्या दूर करण्यासाठी लवंग तेल वापरले जाते.

    3. दात अथवा हिरडीवर थेट लवंग तेल लावणे योग्य आहे का ?

    नाही, कारण लवंग तेल फारच उग्र असते. ते नेहमी इतर तेलांमध्ये मिसळून कापसावर घ्यावे आणि मगच दात अथवा हिरडीवर लावावे.