त्वचेचे सौंदर्य अबाधित ठेवण्यासाठी आपण बऱ्याच गोष्टी करतो. आता फिटनेसचे महत्व लक्षात घेता अनेक जण फिटनेसच्या बाबतीतही फार सजग झालेले आहेत. पण फिटनेस आणि त्वचेची तुम्ही जितकी काळजी घेता तुम्ही दातांच्या स्वच्छतेकडे तितके लक्ष देता का? आजही अनेकांच्या कामांच्या किंवा काही करण्याच्या यादीमध्ये दातांची काळजी फारच कमी असते. खूप जण केवळ दात दुखल्यानंतरच दातांच्या डॉक्टरांकडे जातात. त्यामुळे दातांच्या बाबतीत आपण किती सजग असतो हे आपल्याला यातून लक्षात आलेच असेल. अगदी साध्या साध्या गोष्टीतून आणि काळजींमधून दातांची स्वच्छता राखता येते. दातांच्या स्वच्छतेसाठी मिळणारा ‘डेंटल फ्लॉस’ चा उपयोग नेमका कसा करायला ते आज आपण जाणून घेऊया.
दातांवर प्लाक साचण्यास हे खाद्यपदार्थ असतात कारणीभूत
डेंटल फ्लॉस म्हणजे काय? ( What Is Dental Floss? )
डेंटल फ्लॉस हा एक पांढऱ्या रंगाचा पातळसा दोरा असतो. ज्याच्या मदतीने दोन दातांमधील अडकलेली घाण काढण्यास मदत होते. तुमच्या दातांमध्ये जर अजिबात फट नसली असे जरी तुम्हाला वाटत असेल तरी देखील अशा फटींमध्ये जाऊन दातांमध्ये अडकलेले अन्न कण काढून टाकतो. दातांच्या फटींमध्ये अन्नकण अडकले की, दात कुसण्याची, दातांना दुर्गंधी येण्याची शक्यता असते. पण डेंटल फ्लॉसच्या मदतीने दातांमध्ये अडकलेले कण काढण्यास मदत होते. डेंटल फ्लॉस हे वेगवेगळ्या प्रकारामध्ये मिळतात. यामध्ये रिळ किंवा एखाद्या ट्विझरला लावलेल्या तारेप्रमाणेही डेंटल फ्लॉस मिळते. या दोन्ही फ्लॉसचे काम तुमच्या दातांची स्वच्छता करणे असते.
जाणून घ्या दात पांढरे करण्याचे उपाय (Teeth Whitening At Home In Marathi)
असा करा डेंटल फ्लॉसचा उपयोग
आता डेंटल फ्लॉस म्हणजे असा घट्ट दोरा जो काही केल्या तसा तुटत नाही. त्यामुळे तुम्हाला तशी घाबरण्याची शक्यता नसते. तुम्ही अगदी सहज यांचा वापर करु शकता. याचा वापर कसा करायचा ते आता जाणून घेऊया.
- तुमचं जेवण झाल्यानंतर याचा वापर करायचा असतो किंवा ज्यावेळी तुम्हाला वाटेल की, दाताची स्वच्छता आता महत्वाची आहे त्यावेळी त्याचा उपयोग करा. दोन्ही हाताच्या एका एका बोटाला ते गुंडाळून ज्या दातांच्या फटीत घालून तसाच अलगद ओढून काढा. त्या फ्लॉसला दातात अडकलेले अन्न लागते आणि बाहेर येते.
- काही जणांना दातात काही अडकले की, पीन किंवा सुई दातांमध्ये घुसवण्याची सवय असते. जर तुम्हाला ही सवय असेल तर दातांसाठी ती फारच हानिकारक आहे. कारण दातांमधील अन्नकण काढण्यासाठी जर तुम्ही पीन किंवा टोकदार घालण्याची सवय असेल तर तुम्ही ही सवय बंद करा. कारण त्यामुळे दातांमधील फट वाढण्याची शक्यता असते. शिवाय दातांना दुखापत होण्याची शक्यता असते.
- जर तुमच्या दाढा किंवा दातांमध्ये फटी असतील तर तुम्ही डेंटल फ्लॉसचा उपयोग करायला हवा. कारण अशांनी सतत खाल्ल्यामुळे त्यांच्या दातात अन्नकण जाते. त्यामुळे अशांनी दातांची स्वच्छता करायलाच हवी.
- डेंटल फ्लॉस हे सतत करणे गरजेचे नाही. कारण तितका वेळही आपल्याला नसतो. त्यामुळे डेंटर फ्लॉस दिवसातून एकदा रात्री झोपताना किंवा बाहेरुन काही खाऊन आल्यावर करा. म्हणजे तुमचे तोंडांचे आरोग्य चांगले तर राहीलच. शिवाय तुम्हाला दिवसभर फ्रेश वाटेल.
- डेंटल फ्लॉस हे कुठेही कॅरी करता येईल इतके लहान असते. ते तुम्हाला बॅगमधून कॅरी करुन नेता येईल .
आता दातांची स्वच्छता करण्यासाठी तुम्ही अशाप्रकारे फ्लॉसचा उपयोग करा.
जाणून घ्या दात दुखीवर उपाय- Home Remedies For Toothache In Marathi
