लाडक्या बहिणीला वाढदिवसाच्या शुभेच्छा (Birthday Wishes For Sister In Marathi)

Birthday Wishes For Sister In Marathi

आई प्रमाणेच तुमच्यापाठी कायम प्रेमाची पखरण करणारी व्यक्ती म्हणजे बहीण. लहान असो वा मोठी तुमची बहीण तुमच्या कायम ह्रदयाच्या जवळ असते. अशा लाडक्या बहिणीचा वाढदिवस म्हणजे तुमच्यासाठी एक महत्त्वाचा दिवस असतो. कारण या दिवशी परमेश्वराने तुम्हाला बहिणीच्या रूपात जणू खास भेटच दिलेली असते. अशा या खास दिवशी घरातला आनंद आणखी द्विगुणित करण्यासाठी  तुम्ही खास बेत आखता. जर तुमची बहीण कामानिमित्त अथवा लग्नानंतर दूर राहत असेल तर तिच्या वाढदिवशी तुमचा पहिला शुभेच्छा संदेश जायलाच हवा. यासाठीच आम्ही तुमच्यासोबत तुमच्या लाडक्या बहिणीला वाढदिवसाच्या हार्दिक शुभेच्छा देणारे काही शुभेच्छा संदेश आणि कविता शेअर करत आहोत. 

Table of Contents

    बहिणीला वाढदिवसाच्या शुभेच्छा संदेश (Happy Birthday Wishes For Sister In Marathi)

    लाडक्या बहिणीचा वाढदिवस म्हणजे जणू काही एखादा सणच. हा क्षण साजरा करण्यासाठी  हे  खास शुभेच्छा संदेश

    १. हे जग खूपच सुंदर वाटतं जेव्हा तु माझ्या सोबत असतेस... माझ्या लाडक्या बहिणीला वाढदिवसाच्या शुभेच्छा

    २. तू फक्त माझी बहीणच नाही तर एक सुंदर व्यक्ती आणि विश्वासू मैत्रीण आहेस... तुझ्यासोबत माझा प्रत्येक क्षण नेहमीच खास असतो. वाढदिवसाच्या खूप खूप शुभेच्छा

    ३. दिवस आहे खास, माझ्या बहिणीचा वाढदिवस आज.. वाढदिवसाच्या खूप मनापासून शुभेच्छा

    ४. आई भवानी तुला उदंड आयुष्य देवो आणि तुझी माझी साथ जन्मोजन्मी राहो... लाडक्या बहिणीला वाढदिवसाच्या  मनःपूर्वक शुभेच्छा

    ५. आज तुझा वाढदिवस, लाख लाख शुभेच्छा... जे जे हवं  ते सारं काही मिळो तुला. ताई वाढदिवसाच्या खूप खूप शुभेच्छा

    ६. मी खूप भाग्यवान आहे कारण मला तुझ्यासारखी बहीण मिळाली, माझ्या मनातील भावना समजणारी आणि आईप्रमाणेच माझ्यावर प्रेम करणारी... ताई तुला वाढदिवसाच्या शुभेच्छा

    ७. माझ्या गोड, काळजीवाहू, वेड्यासारखं प्रेम करणाऱ्या प्रेमळ बहिणीला वाढदिवसाच्या शुभेच्छा

    ८. अभिमान आहे मला तुझी धाकटी बहीण असल्याचा ताई तुला वाढदिवसाच्या शुभेच्छा

    ९. सर्वात वेगळी आहे माझी बहीण, सर्वात प्रेमळ आहे माझी बहीण, माझ्यासाठी तर माझं सर्वस्व आहे माझी बहीण. वाढदिवसाच्या शुभेच्छा

    १०. तुझ्या चेहऱ्यावर सतत आनंद असावा, तुझं जीवनात सुखाचा वर्षाव व्हावा, तु इतकी मोठी आणि किर्तीवान व्हावीस की मी साऱ्या जगाला तुझा अभिमान वाटावा. माझ्या बहिणीला वाढदिवसाच्या शुभेच्छा

    बहिणीसाठी भावनिक शायरी

    बहिणीच्या वाढदिवसासाठी मजेशीर शुभेच्छा (Funny Birthday Wishes For Sister In Marathi)

    बहीण भावाचं नातं हे जितकं प्रेमाचं तितकंच एकमेकांची खोडी काढण्याचं त्यामुळे या नात्यात नेहमीच मजेशीर गोष्टी घडतात. तुमच्या अशा लाडक्या बहिणीच्या वाढदिवसानिमित्त मजेशीर संदेश

    १. नातं आपले बहीणभावाचं, सतत  एकमेकांची खोडी काढण्याचं, न सांगताही तुला कळतं सारं माझ्या मनातलं, मात्र तुला का नाही करमत ते जर आईला नाही सांगितलं... असो, वाढदिवसाच्या खूप खूप शुभेच्छा

    २. तुझं माझं जमेना आणि तुझ्या वाचून करमेना कारण तु आहेस माझी लाडकी बहैना... हा.. हा..हा... लाडक्या बहिणीला वाढदिवसाच्या शुभेच्छा

    ३. तुझ्यासाठी एक महागडं गिफ्ट आणणार होतो, मात्र अचानक लक्षात आलं की तुझं आता वय झालंय... उगाच माझं गिफ्ट वाया गेलं असतं म्हणून या वर्षी फक्त शुभेच्छाच आणल्या... वाढदिवसाच्या मनःपूर्वक शुभेच्छा

    ४. जिला फक्त पागल नाही तर महा पागल हा शब्द सूट होतो अशा माझ्या लाडक्या पागल बहिणीला वाढदिवसाच्या खूप खूप शुभेच्छा

    ५. सगळ्यात जास्त भांडलोय म्हणून सर्वात जास्त प्रेमही आपल्यात नेहमीच असेल, माझी सगळी सिक्रेट जपणारी, मला आत्मविश्वास देणारी, माझ्या पाठीशी खंबीरपणे उभी राहणारी. ताई तुला वाढदिवसाच्या शुभेच्छा

    ६. प्रत्येक क्षणी भांडणारी, बाबांना सतत नाव सांगणारी, वेळ आल्यावर माझ्या पाठी उभी राहणारी.. अशा माझ्या क्यूट बहिणीला वाढदिवसाच्या शुभेच्छा

    ७. स्वतःही नाचेन आणि तुलाही नाचवेन, धूमधडाक्यात तुझा वाढदिवस साजरा करेन, गिफ्ट फक्त...मागू नको, सारखं सारखं असं छळू नको. लाडक्या बहिणीला वाढदिवसाच्या शुभेच्छा

    ८. माझ्या लाडक्या, सतत लहान बाळासारखं बोलणाऱ्या, खूप खूप रागावणाऱ्या पण हळव्या मनाच्या छोटाश्या ताईस वाढदिवसाच्या शुभेच्छा

    ९. तुझ्या वाढदिवसाच्या क्षणी देवाजवळ एकच मागणं आहे तुझं लवकर लग्न ठरू दे... म्हणजे मला माझी स्पेशल बेडरूम मिळेल... वाढदिवसाच्या खूप खूप शुभेच्छा ताईसाहेब

    १०. पाठीत सतत धपाटा घालणाऱ्या, लोकांसमोर हट्ट केल्यावर रागाने पाहणाऱ्या, स्वतःचा खाऊ माझ्यासाठी राखून ठेवणाऱ्या माझ्या प्रेमळ ताईस वाढदिवसाच्या शुभेच्छा

    मोठ्या बहिणीला वाढदिवसाच्या शुभेच्छा (Birthday Wishes For Elder Sister In Marathi)

    मोठी बहीण म्हणजे आईचं एक रूपंच. कारण आईनंतर तुमच्या पाठीशी तिचा आर्शीवाद सतत असतो. यासाठी अशा तुमच्या ताईला पाठवा हे वाढदिवसाचे शुभेच्छा संदेश

    १. माझ्या प्रत्येक वेदनेचं मलम आहेस तू, माझ्या चेहऱ्यावरील आनंदाचं कारण आहेस तू, काय सांगू ताई माझ्यासाठी कोण आहेस तू.... माझ्या लाडक्या बहिणीला वाढदिवसाच्या हार्दिक शुभेच्छा

    २. आयुष्याच्या वाटेवर तुझ्या सर्व स्वप्नांना बहर येऊ दे, तुझ्या प्रयत्न आणि आशा आकांशांना भरभरून यश मिळू दे, परमेश्वराजवळ एकच इच्छा माझ्या ताईला उदंड आयुष्य लाभू दे... ताई तुला वाढदिवसाच्या खूप खूप शुभेच्छा

    ३. हे बंध रेशमाचे एका नात्यात गुंफलेले, लहानपणी हातात हात घालून वाढवलंस आणि आयुष्यभर तुझी साथ लाभू दे. माझ्या लाडक्या बहिणीला वाढदिवसाच्या शुभेच्छा

    ४. तुझ्या वाढदिवसाचे हे सुखाचे क्षण, तुझ्यावर आयुष्यभर आनंदाचा वर्षाव करत राहो आणि आयुष्यभर मी तुझ्या ऋणातच राहो... ताई वाढदिवसाच्या खूप खूप शुभेच्छा

    ५. ताई तू मनाने, विचाराने आणि सौंदर्याने किती श्रीमंत आहेस... तुझ्या या ऐश्वर्यसंपन्नेत अशीच वाढ होऊ दे आणि तुझी किर्ती जगभर पसरू दे... ताई वाढदिवसाच्या खूप शुभेच्छा

    ६. नाती जपलीस, प्रेम दिलेस आम्हा भावंडांना परिपूर्ण केलंस, आज तुझा वाढदिवस आम्हा सगळ्यांकडून तुला वाढदिवसाच्या खूप खूप शुभेच्छा

    ७. यशस्वी आणि औक्षवंत हो... ताई तु दीर्धायुषी हो... वाढदिवसाच्या मनापासून शुभेच्छा

    ८. आईने जन्म दिला, ताईने  घास भरवला, सोबत नसताना आई, ताई तू तिच्या कर्तव्याचा भार उचलला. अशा माझ्या मोठ्या ताईस वाढदिवसाच्या शुभेच्छा

    ९. सागरासारखी अथांग माया भरलीय तुझ्या ह्रदयात

    कधी कधी त तू मला माझी आईच वाटतेस

    माझ्या भावनांना, केवळ तूच समजून घेतेस

    हळवी असलीस तरी कठीण प्रसंगी खंबीर होऊन बळ देतेस... ताई, तुझ्या वाढदिवसा निमित्त शुभेच्छा

    १०. प्रत्येक वाढदिवसागणिक तुमचं आयुष्य आभाळभर वाढत जावो, तुमची यश, किर्ती सातासमुद्रापार जावो. वाढदिवसानिमित्त मनापासून शुभेच्छा ताईसाहेब

    जर तुमची बहीण तुमच्यापेक्षा मोठी असेल तर मोठी भावंडे असण्याचे फायदे जरूर जाणून घ्या.

    लहान बहिणीसाठी वाढदिवसाच्या शुभेच्छा (Birthday Wishes For Little Sister In Marathi)

    लहान बहीण म्हणजे तुमच्यासाठी एक अनमोल गिफ्टच… कारण तुम्ही तिच्याशी भांडू शकता, तिचे लाड करू शकता. अशा तुमच्या छाकट्या बहिणीला वाढदिवसाच्या शुभेच्छा देण्यासाठी शुभेच्छा संदेश 

    १. दिवस आहे खास तुला उदंड आयुष्य लाभो हाच माझ्या मनी ध्यास... माझी लाडकी बहीण नाही नाही... माझ्या चिमणे तुला वाढदिवसाच्या खूप खूप शुभेच्छा

    २. सर्वात लहान असूनही वागतेस मोठ्यांसारखी... आजीबाईपेक्षा तुझ्याच शब्दाला मानतात घरातील सगळी... अशा माझ्या लाडक्या बहिणीला वाढदिवसाच्या शुभेच्छा

    ३. तुझ्यासारखी लहान बहीण मिळणं म्हणजे भाग्यच... परमेश्वराने हे भाग्य मला दिलं याबद्दल त्याचा मी कृतज्ञ आहे. माझ्या लाडक्या बहिणीला वाढदिवसाच्या शुभेच्छा

    ४. परीसारखी सुंदर आहेस तू, तुझ्या येण्यामुळे मी झालो धन्य, परमेश्वराजवळ एकच मागणं आयुष्यभर मला तुझे लाड पूरवता येवो... माझ्या लाडक्या बहिणीस वाढदिवसाच्या शुभेच्छा

    ५. व्हावीस तू शतायुषी, व्हावीस तू दीर्घायुषी ही एकच माझी इच्छा.... तुझ्या यश समृद्धीसाठी माझ्या तुला या वाढदिवशी खूप खूप शुभेच्छा

    ६. दुःख आणि वेदना तुझ्यापासून दूर राहाव्या, तुझ्या चरणी सुखाची लोळण असावी... माझ्या लाडक्या बहीणीची माझ्यासोबत आयुष्यभर साथ असावी. छकुली  तुला वाढदिवसाच्या शुभेच्छा

    ७. कितीही रागावले तरी समजून घेतेस मला, रूसले तरी जवळ घेतेस मला, कधी रडवलंस कधी हसवलंस तरिही केल्यास माझ्या सर्व पूर्ण तु इच्छा... लाडक्या बहिणीला वाढदिवसाच्या शुभेच्छा

    ८. सुख, समृद्धी, समाधान आणि दीर्घायुष्य लाभो तुला... माझ्या लाडक्या बहिणीला वाढदिवसाच्या शुभेच्छा

    ९. या जन्मदिनाच्या शुभक्षणांनी तुझी सारी स्वप्न साकार व्हावी...तुझा वाढदिवस आयुष्यभर लक्षात राहील अशा आठवणींची साठवण व्हावी... वाढदिवसाच्या खूप खूप शुभेच्छा

    १०. कधी हसणार आहे, कधी रडणार आहे, मी सारी जिंदगी माझी तुला जपणार आहे.... माझ्या लाडक्या बहिणीला वाढदिवसाच्या शुभेच्छा

    बहिणीप्रमाणेच भावाच्या वाढदिवसाला द्या हे शुभेच्छा संदेश

    बहिणीला वाढदिवसाच्या शुभेच्छा मराठी कविता (Poem For Sister On Her Birthday)

    बहिणीच्या वाढदिवसानिमित्त तिला आनंदी करण्यासाठी या काही कविता तुम्ही तिच्यासोबत शेअर करू शकता.

    १.बाबांची परी ती
    अन सावली जणू ती आईची
    कधी प्रेमळ कधी रागीट 
    ही कविता आहे माझ्या ताईची

    कधी चूक होता माझी
    ताई बाजू माझी घेते
    गोड गोड शब्द बोलून
    शेवटी फटका पाठी देते

    'ताई' शब्दातच आहे
    माया प्रेमळ आईची
    जन्मोजन्मा मज राहो
    साथ माझ्या या ताईची
    कवी - मयुर पाटील

    २. आईच्या मायेला जोड नाही
    ताईच्या मायेला तोड नाही
    मायेची सावली आहेस तू
    आपल्या घरची शान आहेस तू
    तुझं हास्य म्हणजे घरात नांदणारं सुख
    तुझं बोलणं म्हणजे सरस्वतीचं मुख
    घरात लक्ष्मी नांदते तुझ्या रूपाने
    तुझ्या पाठी जन्माला येण्याचे भाग्य दिलं आईबापाने
    प्रेम आणि जिव्हाळा तुझ्याकडून मिळाला
    उंदड आयुष्य लाभो जन्मोजन्मी तुला
    ताई तुला वाढदिवसाच्या खूप खूप शुभेच्छा

    ३. प्रिय दीदी,
    तुझं माझं नातं जरा खास आहे,
    कारण तुझं माझ्या जीवनात वेगळं स्थान आहे
    लहानपणी सगळ्यात जास्त भांडण झालं आपलं
    म्हणूनच की काय सगळ्यात जास्त प्रेम पण एकमेकांवर आहे आपलं
    न सांगता तू माझ्या मनातलं कन्फ्युजन ओळखते
    जास्त लक्ष देऊ नकोस म्हणून कमी शब्दात छान  समजावते
    तू बनवलेली साधी कोशिंबीर पण टेस्टी असते
    म्हणून तर तूच बनवलेली पाणीपुरी सगळ्यांना हवी असते
    तू सासरी जाताना पहिल्यांदा माझ्या जवळ रडली
    कधीच व्यक्त न केलेलं प्रेम त्या दिवशी करून गेलीस
    अशीच आनंदी राहा, सुखात राहा हिच आहे इच्छा
    वाढदिवसाच्या तुला दीदी  खूप खूप शुभेच्छा
    कवियित्री - नेहा खेडेकर

    ४. आईचे रूप जणू साक्षात मुर्ती देवाची
    वडिलांच्या प्रत्येक आवाजाला जोड असते संस्कारांची
    छोट्या भाऊ बहिणीला साथ मिळते घरभर मस्तीची
    गुरूजन वर्गही त्यात भर टाकणार मोठ्या जीवनप्रवासाची
    मित्र मैत्रिणी ओळख करून देणार नवनवीन गोष्टींची
    मात्र या सर्वात
    तुमच्याबरोबर भक्कम उभी राहणार ती जागा नेमकी मोठ्या बहिणीचा
    कवि - कल्पेश कविता प्रमोद मढवी

    ५. बहीण म्हणजे आईचं रूप
    बहीण म्हणजे प्रेम
    बहीण म्हणजे आनंद
    बहीण म्हणजे विश्वास
    बहीण म्हणजे हसवणारी आणि रडवणारी
    बहीण म्हणजे भावाचं मन राखणारी
    बहीण म्हणजे सुखदुःखाची साथीदार
    बहीण म्हणजे भावासाठी वेडी असणारी
    बहीण म्हणजे मस्ती धमाल
    बहीण म्हणजे कधी कधी डोक्यात जाणारी पण आयुष्यभर मनात असणारी
    कवि - राजेश 

    बहिणीसाठी वाढदिवसाचा संदेश (Birthday Messages For Sister In Marathi)

    बहिणीच्या वाढदिवसानिमित्त सोशल मीडियावर पाठवण्यासाठी हे शुभेच्छा संदेश आहेत परफेक्ट

    १. बहीण म्हणजे पृथ्वीवरील परी... माझ्यासाठी तू परीच आहेस... माझ्या लाडक्या बहिणीला वाढदिवसाच्या खूप खूप शुभेच्छा

    २. जगातील सर्व आनंद तुला मिळावा, तुझी सगळी स्वप्नं पूर्व व्हावीत... वाढदिवसाच्या खूप खूप शुभेच्छा तायडे

    ३. चंद्र चांदण्या घेऊन आला, पक्षी गात आहेत गाणी, फुलांनी उमलुन दिल्या आहेत शुभेच्छा कारण आज तुझा वाढदिवस आहे ताई... वाढदिवसाच्या शुभेच्छा

    ४. मी जेव्हा पडते तेव्हा सावरतेस तू, मी जेव्हा हसते तेव्हा त्यामागचं कारण असतेस तू... मला आयुष्यभर सुखी राहण्यासाठी सतत हवीस तू... ताई तुला वाढदिवसाच्या शुभेच्छा

    ५. आज आहे आमच्या ताईसाहेबांचा वाढदिवस... कतृत्वाने महान आणि मनाने प्रेमळ अशा माझ्या ताईला वाढदिवसाच्या आभाळभर शुभेच्छा

    ६. आई म्हणते तिचं ह्रदय आहेस तू, बाबा म्हणतात माझा श्वास आहेस तू...माझं तर सगळं जीवनच आहेस तू.. ताई तुला वाढदिवसाच्या शुभेच्छा

    ७. एखाद्या परिकथेला शोभावी अशी सुंदर माझी ताई, काहीच दिवसांमध्ये सासरी जाऊन नांदेल, माझ्या मनावर हळूवार फुंकर घालणारी माझी ही परी मला मग कधी मिळेल... वाढदिवसाच्या शु्भेच्छा

    ८. माझ्या मनातलं गुपित मी कोणलाही न सांगता ओळखणाऱ्या माझ्या ताईला वाढदिवसाच्या शुभेच्छा

    ९. तुझा वाढदिवस म्हणजे घरच्यांसाठी एक पर्वणीच असते, वाढदिवसाच्या महिनाभर आधीपासून तयारीला सुरूवात होते. ताई, अशा तुझ्या जंगी वाढदिवसाच्या आभाळभर शुभेच्छा 

    १०. हिऱ्यामधला हिरा कोहिनूर आहेस तू, माझ्या मनातलं सगळं ओळखणारी माझा सांताक्लॉज आहेस तू. ताई तुला वाढदिवसाच्या खूप खूप शुभेच्छा