त्वचेवर येईल ग्लो, वापरा लाल भोपळ्याचा होममेड फेसपॅक

त्वचेवर येईल ग्लो, वापरा लाल भोपळ्याचा होममेड फेसपॅक

त्वचेची काळजी घेण्यासाठी आणि सौंदर्य खुलवण्यासाठी तुम्ही नेहमीच प्रयत्न करत असता. मात्र यासाठी महागड्या ट्रिटमेंट करण्यापेक्षा घरातच अनेक उपाय तुम्हाला करता  येऊ शकतात. जर घरी करता येण्यासारखे नैसर्गिक उपाय तुम्हालाही आवडत असतील तर तु्म्ही लाल भोपळ्याचा वापर फेसपॅक तयार करण्यासाठी अवश्य करा. कारण  लाल भोपळ्यामध्ये अनेक पोषक घटक असतात जे तुमच्या त्वचेसाठी उत्तम ठरतात. भोपळ्यातील अॅंटि ऑक्सिडंट आणि व्हिटॅमिन सी मुळे तुमची त्वचा स्वच्छ तर होतेच शिवाय तुमच्या त्वचेवर ग्लो देखील येतो. घरच्या घरी अशी त्वचा स्वच्छ, नितळ आणि चमकदार करण्यासाठी लाल भोपळ्यापासून  तुम्ही फेसपॅक, फेसमास्क तयार करू शकता. यासाठीच जाणून घ्या लाल भोपळ्याचा वापर फेस मास्कसाठी कसा करावा.

लाल भोपळ्यापासून बनवा हा होममेड फेसमास्क

घरच्या घरी असं तयार करा लाल भोपळ्याचा फेसपॅक

साहित्य -

  • अर्धा वाटी लाल भोपळ्याची प्युरी 
  • पाव चमचा जायफळ पावडर
  • चिमुटभर हळद
  • एक चमचा मध
  • एक चमचा अॅपल सायडर व्हिनेगर

लाल भोपळ्याचा होममेड फेस मास्क बनवण्याची पद्धत -

  • एका मोठ्या बाऊलमध्ये लाल भोपळ्याची प्युरी घ्या
  • त्यात चमचाभर मध घाला
  • या मिश्रणात जायफळ पावडर, हळद, अॅपल सायडर व्हिनेगर मिसळा आणि मिश्रण एकजीव करून एक पेस्ट तयार करा
  • चेहरा आणि मान स्वच्छ धुवून कोरडी करा
  • चेहरा आणि मानेवर हा फेसमास्क लावा
  • वीस ते पंचवीस मिनिटांनी कोमट पाण्याने चेहरा स्वच्छ करा
  • आठवड्यातून एकदा अथवा दोनदा या फेसमास्कचा वापर केल्यामुळे तुमच्या चेहऱ्यावर चांगला परिणाम दिसू लागेल

लाल भोपळ्याच्या फेसमास्कचा फायदा -

लाल भोपळ्यामध्ये भरपूर अॅंटि ऑक्सिडंट, बीटा कॅरेटीन, व्हिटॅमिन ए, सी आणि ई  असते. जे तुमच्या त्वचेच्या आरोग्यासाठी लाभदायक ठरते. लाल भोपळ्यामुळे तुमची त्वचा नैसर्गि पद्धतीने स्वच्छ होते. शिवाय त्वचेचं योग्य पोषण झाल्यामुळे त्वचेवर चमक दिसते. जायफळ हा मसाल्याचा एक पदार्थ असला तरी जायफळचा वापर अनेक सौंदर्यप्रसाधनांमध्ये केला जातो. कारण त्यामध्ये व्हिटॅमिन बी 1, बी 6, मॅग्ननीज, मॅग्नेशिअम, कॉपर असे अनेक घटक असतातत. त्वचेवरील काळे डाग, व्रण, डार्क सर्कल्स, सनटॅन कमी करण्यासाठी जायफळ त्वचेसाठी फायदेशीर ठरते.मध, हळद आणि अॅपल सायडर व्हिनेगर मुळे त्वचेला फायदा होतो. या सर्व घटकांच्या एकत्र मिश्रणामुळे त्वचेवरील मृत त्वचा निघून जाते आणि त्वचेच्या कोलेजीनच्या निर्मितीला चालना मिळते. तुम्ही लाल भोपळा आणि जायफळ पावडरसोबत इतर नैसर्गिक पदार्थ वापरून निरनिराळ्या प्रकारचे फेस मास्क, फेस स्क्रब आणि क्लिंझर तयार करू शकता. ज्यामुळे तुमच्या त्वचा स्वच्छ आणि टवटवीत होईल. 


आम्ही शेअर केलेला हा लाल भोपळ्याचा फेसपॅक तुम्हाला कसा वाटला आणि तो वापरून तुम्हाला काय फायदा झाला हे आम्हाला कंमेट मध्ये जरूर कळवा. त्याचप्रमाणे यासोबतच मायग्लॅमचे ब्युटी प्रॉडक्टदेखील वापरा. 

Skin Care

MyGlamm GLOW Iridescent Brightening Essence

INR 1,195 AT MyGlamm