.jpg)
पॉर्न बघणे आताच्या काळात फार काही नवे राहिलेले नाही. सोशल मीडिया आणि इंटरनेटमुळे हल्ली अगदी सहज पॉर्न उपलब्ध होतात. पॉर्न बघणे हा गुन्हा नाही. सगळ्यांनीच आतापर्यंत पॉर्न पाहिले असतील. पण पहिल्यांदा पॉर्न बघण्याचा तुमचा अनुभव नेमका कसा होता?पहिल्यांदा पॉर्न पाहिल्यावर तुम्हाला काही वेगळे वाटले का? काही लोकांना त्यांचा पॉर्न पाहण्याचा अनुभव आम्ही जाणून घेतला पॉर्नबद्दल त्यांचे नेमके वाटले ते वाचा.
… आणि माझी घाबरगुंडी उडाली
मी आणि माझ्या मित्रांनी एक दिवस पॉर्न बघायचे ठरवले. ब्लु फिल्म्स म्हणून त्याची ओळख होती. एका मित्राने घरात कोणी नाही याची संधी साधत पॉर्नच्या सीडीज मिळवल्या. दुपारच्या वेळी अगदी थिएटरमध्ये बसावे असा काळोख करुन आम्ही सगळे बसलो होतो. माझ्या मित्राने सीडी हातात घेतली. ती सगळ्यांना दाखवून एक विचित्र हसू देत त्याने सीडी प्लेअरमध्ये सीडी घातली. आम्ही सगळे आपआपले कोपरे पकडून टीव्हीसमोर बसलो. सीडी जशी प्ले झाली आणि समोर जे काही सुरु होतं ते पाहून पहिल्यांना विश्वासच बसला नाही. हे काय आहे ते कळायला मार्ग नव्हता. पॉर्न म्हणजे असंच काहीतरी असणार हे माहीत होतं पण तरीसुद्धा ते इतकं भयानक पद्धतीने दाखवण्यात येईल हे माहीत नव्हतं. आम्ही अगदीच शाळेतली मुलं होतं. तो आवाज आणि समोर चाललेला सगळा प्रकार पाहून आम्हा सगळ्यांचीच चुळबूळ होऊ लागली. मी इतका घाबरुन गेलो की, मला नेमकं काय होतंय हे मला कळत नव्हतं. माझे हात पाय गरम होऊ लागले. मी तिथून धूम ठोकली आणि घरी येऊन झोपून गेलो. त्यानंतर वयात आल्यावर पॉर्न पाहिले असतील पण त्याचे आकर्षण कधीच वाटले नाही.
किळसवाणा प्रकार
मुलीमुलींमध्ये शाळेत असताना बॉयफ्रेंड, किस, डेट अशा चर्चा या स्वाभाविकपणे होत असतात. त्यातच एकदा आमच्या एका मैत्रिणीने पॉर्न बघायचे का विचारले? मग काय काहीतरी नवीन म्हणून सगळ्यांनी माना डोलावल्या. शाळा सुटल्यानंतर घरी आई- बाबा नसायचे त्यामुळे माझ्याच घरी सगळ्यांनी हे सगळं करायचे ठरवले. माझ्या मैत्रिणीचा बॉयफ्रेंड हा कॉलेजचा विद्यार्थी होता. त्यामुळे त्याच्याकडे या सगळ्या गोष्टी असायच्या. त्याने पेनड्राईव्हमधून त्या क्लिप्स आणून दिल्या. आम्ही खूप अपेक्षेने ते पाहायला घेतलं. पण ते समाेर जे काही सुरु होतं ते प्रेम नव्हतं. त्यात सगळं काही इतक ओरबाडून आणि घाणेरडा आवाज काढून केले जात होते ते पाहून आम्हाला धक्का बसला. इंग्रजी चित्रपटांमध्ये काही सीन्स पाहिले होते. पण त्यात प्रेम दिसायचे यामध्ये प्रेम काही दिसत नव्हते. उलट यामध्ये काहीतरी चुकीचे घडत आहे असेच जाणवत होते. त्यामुळे पुरुष आणि स्त्रियांच्या खासगी अवयवाचे जे काही दर्शन घडवण्यात आले होते. ते फारच चुकीचे आणि पटण्यासारखे नव्हेते. त्यानंतर ते पुन्हा पाहिले नाही. लग्नानंतर नवऱ्यासोबत पाहण्याचा योग आला परत पण त्यावेळी या सगळ्या गोष्टीसाठी मन आधीच तयार झालेले होते. त्यामुळे मग त्याचे काही नावीण्य वाटले नाही.
पुन्हा पुन्हा बघण्याची इच्छा झाली
पॉर्नबद्दल मी खूप जणांकडून ऐकले होते. त्यामुळे ते बघण्याचे आकर्षण मला कायम होते. खूप जणांनी मला पाहिल्यावर असे होते तसे होते सांगितले होते. पण मी ज्यावेळी ते पाहिले त्यावेळी मला त्यात काही वेगळे किंवा नवल वाटले नाही. एखादी गोष्ट खूप जास्त करुन दाखवतात हीच भावना मनात आली. पण मी त्यानंतर पॉर्न पाहिले नाही असे झाले नाही. उलट मला ते सतत पाहण्याची इच्छा होऊ लागली.ते पाहण्याची सवय लागले ही सगळ्यात वाईट गोष्ट आहे. जर तुम्हाला यावर नियंत्रण मिळवता आले नाही तर मात्र याचा त्रास होऊ शकतो. हे माझ्या बाबतीत झाले त्यामुळे मी नंतर यावर नियंत्रण मिळवले. पण आजही मला पॉर्न बघण्याची इच्छा होते.
हा काही लोकांचा पॉर्न बघण्याचा अनुभव होता. तुम्ही कधी पॉर्न पाहिले आहे का?आणि तुमचा अनुभव नेमका असाच होता का?.... आम्हाला नक्की सांगा.
