‘हिरोपंती 2’ मध्ये डान्ससोबत टायगर श्रॉफ हे कौशल्यही येणार प्रेक्षकांसमोर

हिरोपंती (Heropanti) चित्रपटातून टायगर श्रॉफ (Tiger Shroff) चं बॉलीवूडमध्ये पदार्पण झालं होतं. लवकरच या चित्रपटाचा सीक्वल  ‘हिरोपंती 2’ येत आहे. साजिद नाडियाडवालाच्या हिरोपंतीमध्ये जबरदस्त अॅक्शन आणि डान्सच्या मूव्हज पाहायला मिळाल्या होत्या. त्यामुळे साजिद आणि टायगर ही जोडी कमाल करू शकते याचा अंदाज प्रेश्रकांना आला होता. आता हिरोपंतीच्या सीक्वलमध्ये एक स्टेप पुढे जात काहितरी असावं असं निर्मात्याला वाटत आहे. म्हणूनच त्याने या चित्रपटात टायगर करून गाणंही गाऊन घेतलंय. ज्यामुळे आता टायगरची बॉलीवूडमध्ये गायक म्हणूनही ओळख निर्माण होणार आहे.

टायगरचे गायन कौशल्य

टायगर श्रॉफ या जगातील सर्वात लहान वयाचा अॅक्शन सुपरस्टार आहे. टायगरने अनबिलिवेबल आणि पंजाबी इंग्लिश सिंगल पुरी गल बात मधून लोकप्रियता मिळवली होती. आता असं पहिल्यांदा घडणार आहे की मल्टी टॅलेंटेड टायगर श्रॉफ एका चित्रपटाच्या ट्रॅकसाठी गाणं गाणार आहे. या गाण्याचं शीर्षक मिस हैरान असं आहे. महत्त्वाचं म्हणजे म्युजिक मेस्ट्रो ए आर रहमानने या गाण्याला कंपोज केलं आहे. या गाण्यासाठी शब्दरचना केली आहे महबूब यांनी, तर या गाण्यासाठी कोरिओग्राफी केली आहे अहमद खान आणि राहुल शेट्टी यांनी. टायगर सोबत निसा शेट्टीने हे गाणं गायलं आहे. सहाजिकच हे गाणं चाहत्यांसाठी एक चमत्कार असणार आहे. कारण हिरोपंती 2 मधून अशा निराळ्या गाण्याचा अनुभव लवकरच चाहत्यांना घेता येणार आहे. साजिद नाडियाडवालासाठी देखील हे गाणं खूप महत्त्वाचं असणार आहे. कारण हे गाणं गाण्यासाठी त्याने टायगरला मनवलं आहे. टायगरने ज्या दिग्दर्शकासोबत त्याचा पहिला चित्रपट केला त्यासोबतच तो गायन क्षेत्रातही आता डेब्यू करत आहे.

काय आहे हिरोपंती 2

हिरोपंती 2 साठी साजिद नाडियाडवालाने स्वतःचं सर्व कसब पणाला लावलं आहे. कारण त्याला नेहमी त्याचा प्रत्येक चित्रपट बेस्ट करायचा असतो. हिरोपंती 2 चं शूटिंग जगभरातील प्राईम लोकेशन्सवर करण्यात आलेलं आहे. एवढंच नाही तर या चित्रपटाच्या एक्शन सीक्वेंसेजसाठी त्याने हॉलीवूडच्या काही अॅक्शन दिग्दर्शकांना त्याच्या चित्रपटासोबत जोडण्याचा प्रयत्न केला आहे. हिरोपंती 2 चं भारत, इग्लैंड, रशिया, थायलॅंड आणि अबूधाबीमध्ये शूटिंग केलं गेलं आहे. शिवाय दिग्दर्शकांच्या मते हा चित्रपट प्रेक्षकांना एक वेगळा आणि अदभूत अनुभव देणारा असेल. बागी, बागी 2, बागी 3 आणि हिरोपंतीनंतर आता टायगरचा आणखी एक स्टेप पुढे असा अॅक्शन अवतार प्रेक्षकांना पाहायला मिळेल अशी आशा आहे. या चित्रपटाचं संगीत ए आर रहमान याचं असून गाणी रजत अरोडा यांनी लिहिलेली आहे. ईदच्या मुहूर्तावर आता 29 एप्रिल 2022 ला हिरोपंती 2 सिनेमागृहात प्रदर्शित होणार आहे. 

तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र.  आमच्या  The Great Glamm Survey मध्ये सहभागी व्हा आणि जिंका  रुपये 1,000 हजार पर्यंतचा फायदा  आणि सोबत मिळवा एक  MyGlamm कडून मोफत लिपस्टिक