एखादा नवा बॉलीवूड चित्रपट येण्याआधी त्याचं प्रमोशन कपिल शर्मा शोमध्ये केलं जातंच. त्यामुळे चित्रपट प्रदर्शित होण्याआधी चित्रपटाची टीम दी कपिल शर्मा शोमध्ये आवर्जून हजेरी लावते. कपिल शर्मा शोमध्ये विनोद आणि खुमासदार शैलीत प्रेक्षकांचं मनोरंजन केलं जातं आणि सहज आगामी चित्रपटाचं प्रमोशनही होतं. मात्र अभिनेता अक्षय कुमारने त्याच्या आगामी चित्रपट बच्चन पांडेच्या प्रमोशनसाठी कपिल शर्मा शोमध्ये येण्यास नकार दिला आहे. याआधी अक्षय कपिलच्या शोमध्ये बऱ्याचदा त्याच्या चित्रपटांच्या प्रमोशनसाठी सहभागी झाला होता. सूत्रांनी दिलेल्या माहितीनुसार अक्षय आणि कपिलमध्ये काहीतरी वाद झाला आहे. मग आता असं नेमकं काय बिनसलं की तो कपिल शर्मावर खूप नाराज झाला.
सुनिल ग्रोव्हरच्या उपचारांसाठी सलमान खानचा मदतीचा हात
कपिल शर्मावर का नाराज आहे अक्षय कुमार
अक्षय कुमार त्याच्या कामाच्या प्रामाणिकपणा, वेळ व्यवस्थापन, फिटनेस, स्टंट, अभिनय आणि मेहनतीसाठी खूप प्रसिद्ध आहे. वर्षातून तो चार ते पाच चित्रपट एकत्र शूट करतो. शिवाय या चित्रपटांच्या प्रमोशनसाठीही आवर्जून वेळ काढतो. त्यामुळे अक्षय वर्षातून चार ते पाच वेळा कपिल शर्माच्याझळकत असतो. एवढंच नाही तर त्याच्या हजर जबाबी स्वभावामुळे तो बऱ्याचदा कपिल शर्माचं तोंडही बंद करताना दिसतो. मात्र आता असं काही घडलं आहे की तो त्याच्या आगामी चित्रपट ‘बच्चन पांडे’च्या प्रमोशनसाठी कपिल शर्माच्या शोमध्ये उपस्थित राहणार नाही.
Mermaid In M-Town! रीना मधुकरने केलेलं हे अंडरवॉटर फोटोशूट पाहाच…
अर्चना पुरन सिंहने केला खुलासा
काही दिवसांपूर्वी अतरंगी चित्रपटाच्या प्रमोशनचा कपिल शर्मामधील एक व्हिडिओ व्हायरल झाला होता. ज्यामध्ये अक्षय कुमार आणि सारा अली खान कपिल शर्मा शोमध्ये प्रमोशनसाठी आले होते. कपिल शर्मामधील अक्षयचा हा व्हिडिओ सोशल मीडियावर खूपच व्हायरल झाला होता. या व्हिडिओ क्लिपमध्ये कपिल शर्मा पंतप्रधान नरेंद्र मोदींच्या मुलाखतीचा उल्लेख करतो जो अक्षय कुमारने घेतला होता. सूत्रांनी दिलेल्या माहितीनुसार हा व्हिडिओ व्हायरल झाल्यामुळे अक्षय कुमार कपिल शर्मावर नाराज आहे. सहाजिकच त्यामुळे अक्षयने त्याच्या आगामी चित्रपट ‘बच्चन पांडे’साठी कपिल शर्माच्या शोमध्ये येण्यास नकार दिला अशी चर्चा आहे. मात्र याबाबत या शोची जज अर्चना पूरन सिंहने मात्र वेगळाच खुलासा केला आहे. तिच्या मते या सर्व अफवा असून अक्षय वेळेअभावी कपिलच्या शोमध्ये हजर राहू शकत नाही. कारण अर्चनाच्या मते अक्षय वर्षातून चार ते पाच चित्रपट एकत्र करत असतो. त्यामुळे तो चित्रपटाच्या प्रमोशनसाठी कपिलच्या शोमध्ये येणार नाही असं कधीच होणार नाही.
संजय दत्तने लाँच केले प्रोडक्शन हाऊस थ्री डायमेंशन मोशन पिक्चर्स
