कॉमेडीयन भारती सिंह सध्या काही दिवसांपासून तिच्या वेट लॉस जर्नीमुळे चर्चेत आहे. तिने पोस्ट केलेल्या फोटोजमधून तिचे ट्रान्सफॉर्मेशन पाहून चाहत्यांना धक्काच बसला आहे. कारण तिने जवळजवळ 15 किलो वजन कमी केले आहे. असे ट्रान्सफॉर्मेशन करण्यासाठी खूप मेहनत आणि सातत्याची गरज असते. सहाजिकच भारतीची वेट लॉस जर्नी कौतुकास्पद आहे. विशेष म्हणजे भारतीचा हा बदलेला लुक पाहून आता तिला ओळखणंही कठीण झालं आहे. त्यामुळे चाहत्यांना या वेट लॉस जर्नीबाबत जाणून घेण्याची उत्सुकता नक्कीच लागली आहे.
सलमान खानने कतरिना-विकीच्या लग्नासाठी पुढे ढकललं का ‘टायगर 3’ चं शूटिंग
भारतीची वेट लॉस जर्नी
भारती सिंहने नुकतेच तिच्या इन्स्टाग्रामवर काही फोटो अपलोड केले आहेत. ज्यामध्ये ती तिचा पती हर्ष निबांचियासोबत दिसत आहे. पण भारतीचे फोटो पाहून ती नेहमीची भारती नाही असं लोकांना वाटत आहे. कारण भारती खूप बारीक आणि सुडौल दिसू लागली आहे. हे फोटो पाहून चाहते खूपच हैराण झाले आहेत. वास्तविक भारती खूप दिवसांपासून तिचे वजन कमी करण्याचा प्रयत्न करत होती. ही वेट लॉस जर्नी भारतीसाठी नक्कीच त्रासदायक आणि कठीण होती. प्लस साईज असल्यामुळे तिला वजन कमी करण्यासाठी खूप मेहनत घ्यावी लागली. मात्र शेवटी तिने तिचे ध्येय गाठले आणि जवळ जवळ पंधरा किलो वजन कमी केले. ज्यामुळे या फोटोमध्ये भारती खूप बारीक आणि सुडौल दिसत आहे. या फोटोजला भारतीने कॅप्शन दिली आहे, “एकत्र आणि मजबूत” या कॅप्शनवरून तिने तिच्या ट्रान्सफॉर्मेशनची थोडी हिंट दिली आहे असं वाटत आहे. थोडक्यात आता भारती कॉमेडीसोबत तिच्या लुक्सनेही लोकांना घायाळ करणार आहे.
‘पांडू’मध्ये दिसणार प्रविण तरडेंचा करारी बाणा
भारतीचे करिअर
भारती सिंहने तिचे करिअर ‘इंडिअन लाफ्टर चॅलेंज’पासून केले होते. या शोमध्ये भारतीची विनोदबुद्धी लोकांना इतकी आवडली की लोकांनी तिला अक्षरशः डोक्यावर घेतलं. आज ती अनेक शोमधून यशस्वीपणे तिचे करिअर करताना दिसत आहे. कॉमेडी सर्कस, कॉमेडी सर्कस महासंग्राम, कॉमेडी सर्कस का जादू, कहानी कॉमेडी सर्कस की, कॉमेडी नाईट्स अशा कॉमेडी शोप्रमाणे ‘झलक दिखला जा’ सारख्या डान्सिंग शोमधूनही भारती झळकली आहे. आज भारतीला ‘लाफ्टर क्वीन’ म्हणून ओळखलं जातं. अनेक कार्यक्रमाचे सूत्रसंचालनही भारतीने तिच्या खुमासदार शैलीत केलेलं आहे. आता तिचा बदललेला लुक आणिल खुसखुशीत कॉमेडी पाहण्यास चाहते नक्कीच उत्सुक आहेत.
रोहीत शेट्टी लागला ‘सिंघम 3’ च्या तयारीला, सूर्यवंशीमध्ये दिली होती हिंट
