मोस्ट अवेटेड अशा बिग बॉस मराठीच्या तिसऱ्या सीझनची सुरुवात झाली आहे. अनंत चतुर्दशीच्या दिवशी हा दिमाखदार सोहळा पार पडला आहे. बरेच दिवसापासून या घरात कोण जाणार ? कोण स्पर्धक असणार याची चर्चा रंगली होती. वेगवेगळ्या सेलिब्रिटींची नावे या निमित्ताने पुढे येत होती. पण आता या सगळ्यावरुन पडदा उठला आहे. आता या स्पर्धकांची एंट्री घरात झालेली आहे. एकूण १६ स्पर्धकांची यात एंट्री झाली असून या सगळ्यांची ओळख करुन घेणे हे बिग बॉसच्या फॅन्ससाठी जाणून घेणे फारच गरजेचे आहे.
उर्वशी रौतेला आगामी चित्रपटासाठी शिकत आहे मार्शल आर्ट
सोनाली पाटील
सोनाली पाटील ही मराठी अभिनेत्री असून तिने अनेक मराठी मालिकांमध्ये काम केले होते. ‘वैजू नंबर वन’ या मालिकेतून ती अनेकांना आवडली होती. त्याशिवाय ती सोशल मीडियावरही प्रसिद्ध असते. अस्सल कोल्हापुरी असलेली सोनाली पाटील हिचे रिल्स हे फारच प्रसिद्ध आहेत. त्यामुळे या घरात पहिले येण्याचा मान तिला मिळाला आहे.
विशाल निकम
फिट अँड हँडसम असा चेहरा आहे. त्यानेही बिग बॉसच्या घरात प्रवेश केला आहे. विशाल निकम याने साकारलेली दख्खनचा राजा ज्योतिबा ही भूमिका फारच सुंदर गाजवली होती. त्याने अनेक मराठी चित्रपटातून काम केले आहे. त्यानेही उत्तम परफॉर्मन्स करत या घरात प्रवेश केला आहे.
स्नेहा वाघ
अनेक मराठी आणि हिंदी मालिकांमधून काम केलेली अभिनेत्री स्नेहा वाघ ही देखील या घरात आहे. वीरा, ज्योति, मेरे साई, कहत हनुमान, चंद्रगुप्त मौर्य या मालिकांमधून तिने काम केले आहे. स्नेहा वाघने घरात एंट्री केली असून ती सध्या तरी घरात बबली दिसून आली आहे.
उत्कर्ष शिंदे
शिंदेशाही म्हटली की, आनंद शिंदे हे डोळ्यासमोर आल्यावाचून राहात नाही. आनंद शिंदे यांचा मुलगा आदर्श शिंदे हा आपल्या सगळ्यांना माहीत आहे. पण त्यांचा लहान मुलगा डॉ. उत्कर्ष शिंदे हा देखील या नव्या सीझनमध्ये आहे. उत्कर्ष आणि आदर्श यांनी गाणे गात या शोची शान वाढवली. डॉक्टर असलेला आदर्श हा स्वभावाने अगदी मिश्किल आहे.
मीरा जगन्नाथ
मोमो नावे प्रसिद्ध असलेली अभिनेत्री म्हणजे मीरा जगन्नाथ ही अभिनेत्री देखील या शोमध्ये दिसणार आहे. मोमो नावाचे पात्र तिचे पात्र चांगलेच गाजले होते. पण आता हा हॉट आणि सिझलींग चेहरा या शो मध्ये पाहायला मिळणार आहे.
अविष्कार दारव्हेकर
मराठी मालिकांमधील एक चेहरा हा असा चेहरा सगळ्यांच्या ओळखीचा आहे. अनेक मालिका आणि चित्रपटांतून त्याने काम केलेले आहे. अनेकदा साईड ॲक्टर म्हणून काम करणारा हा कलाकार घराघरात पोहोचलेला आहे. भाऊ, मित्र असा भूमिका त्याने साकारलेल्या आहेत. दामिनी, या गोजिरवाण्या घरात अशा मालिकांमधून काम केले आहेत. सुबोध भावेंना टक्कर देणारा हा अभिनेता इंटरकॉलेजिएट स्पर्धेत नाव कमावले आहे.
Bigg Boss Marathi: स्नेहा वाघ आणि आविष्कारमध्ये नक्की काय होतं नातं
तृप्ती देसाई
वादग्रस्त व्यक्तिमत्त्व म्हणून प्रसिद्ध असलेली सामाजिका कार्यकर्ती तृप्ती देसाई हा चेहरा देखील यामध्ये सहभागी झालेली आहे. भूमाता ब्रिगेडच्या संस्थापिका तृप्ती देसाई यामध्ये सहभागी झाल्या आहेत. मंदिरात स्त्रियांना प्रवेश मिळवून देणारी ही कार्यकर्ती फारच चर्चेत असलेला असा राजकारणी चेहरा आहे.
सुरेखा कुडची
मराठीतील आणखी एक प्रसिद्ध चेहरा म्हणजे अभिनेत्री सुरेखा कुडची. अनेक मालिका, चित्रपटातून व्हिलन आणि महत्वाची भूमिका त्यांनी साकारली आहे. मिश्किल अशा स्वभावाची सुरेखा या घरातील एक वेगळा असा चेहरा ठरणार आहेत यात काही शंका नाही. सुरेखा कुडची ही एक उत्तम लावणी सम्राज्ञी सुद्धा आहे
गायत्री दातार
बिग बॉसच्या घरातील सगळ्यात लहान चेहरा म्हणजे गायत्री दातार आहे. ‘तुला पाहते रे’ या मालिकेतून घराघरात पोहोचलेली ही अभिनेत्री तिच्या हसण्यामुळे सगळ्यांच्या घराघरात पोहचली. तिने एकच मालिका केली पण त्यानंतर तिला खूप जास्त ओळख मिळाली. सध्या ती चला हवा येऊ द्या मध्येही होती. पण आता प्रेक्षकांना ती खरी कशी आहे ते बिग बॉसमध्ये पाहायला मिळणार आहे.
विकास पाटील
विकास पाटील हा चेहरा देखील खूप जणांनी मालिकांमधून पाहिला आहे. गोड असा हा चेहरा मराठी आणि हिंदी मालिका, चित्रपटातून दिसला आहे. गायत्री दातारसोबत त्याने मालिकेमध्ये एंट्र घेतली. एक चॉकलेट हिरो तुम्हाला यामध्ये पाहायला मिळणार आहे. तुझ्या वीन मरजावा, अय्या, तुकाराम, गोळाबेरीज यामालिकांमध्ये त्याने काम केले आहे.
जय दुधाणे
स्पिट्स व्हिला यामधून घराघरात पोहोचलेला एकदम दमदार असा चेहरा म्हणजे जय दुधाणे हा देखील या खेळामध्ये आला आहे. जय दुधाणेची एंट्री एकदम दमदार अशी झालेली आहे. त्याचा देखील यामध्ये समावेश आहे.
मीनल शाह
रोडीज या रिॲलिटी शोमधून आलेली ही सेलिब्रिटी एकदम बिनधास्त असा चेहरा आहे. खेळांमध्ये ङुशार असलेली अशी ही सेलिब्स या घरात नक्कीच रंगत आणणार आहे. तिने तिच्या एन्ट्रीसाठी अगदी दिमाखदार अशी एंट्री केली आहे. आता ती या घरात नेमकी कशी असेल ते पाहावे लागणार आहे.
अक्षय वाघमारे
अक्षय वाघमारे हा आणखी एक हँडसम चेहरा या रिॲलिटी शोमध्ये जाणार आहे. अनेक मराठी मालिका आणि चित्रपटांमधून त्याने काम केले आहे. नुकताच तो बाबा झाला असून त्याचे बाळ अवघ्या 5 महिन्यांचे आहे. फत्तेशिकस्त या चित्रपटातील त्याची भूमिका चांगलीच गाजली आहे. त्यांची आणखी एक ओळख म्हणजे तो अरुण गवळी यांचा जावई आहे.
शिवलिला पाटील
सुप्रसिद्ध किर्तनकार शिवलिला पाटील ही देखील बिग बॉसच्या घरातील स्पर्धक आहे. ह.भ.प. अशी प्रसिद्ध व्यक्ती जिच्या किर्तनाने सगळ्यांना वेड लावले आहे अशी ही शांत स्वभावाची व्यक्ती बिग बॉसच्या घरात आहे. पण आतल्या स्पर्धकांसोबत खेळताना तिचा संयमाचा बांध तुटेल का? हे पाहणे महत्वाचे ठरणार आहे.
संतोष चौधरी दादुस
दादुस नावाने प्रसिद्ध असलेली व्यक्ती म्हणजे गायक संतोष चौधरी. आग्री कोळी संगीताचा बादशाह म्हणून त्यांची ओळख आहे. त्यांचा देखील या घरात गृहप्रवेश झाला आहे. त्यामुळे आता दोन संगीतकार याठिकाणी पाहायला मिळणार आहे.
आता हे सगळे चेहरे नेमकी काय रंगत आणतात ते पाहायला मजा येणार आहे.
