सध्या सगळीकडे चर्चा आहे ती म्हणजे बिग बॉस मराठीच्या सीझन 3 ची (Bigg Boss Marathi Season 3). रविवारी या सीझनची दणक्यात सुरूवात झाली. यावेळी कोणकोणते कलाकार असणार याची सर्वानाच उत्सुकता होती. अनेक वेगवेगळे चेहरे या सीझनमध्ये दिसून येत आहेत. काही ओळखीचे कलाकार आहेत तर काही जण नक्कीच या सीझनमध्ये ओळख मिळवतील. पण यामध्ये सर्वांचेच लक्ष वेधून घेतले आहे ते म्हणजे स्नेहा वाघ (Sneha Wagh) आणि आविष्कार दारव्हेकर (Avishkar Darvekar) यांनी. स्नेहाने घरात आधी प्रवेश केला आणि त्यानंतर काही वेळातच प्रवेश झाला तो आविष्कारचा. मात्र त्याच्या येण्याने स्नेहा एकदम गप्प झाली असे स्पर्धकांच्याही लक्षात आले. पण असं नक्की का? असा प्रश्न काही प्रेक्षकांना नक्कीच मनात आला असेल. तर काय आहे स्नेहा आणि आविष्कारचं नातं?
अधिक वाचा – Bigg Boss OTT: राकेशने अखेर शमिताला म्हटले I Love U, शमिताची बोलती बंद
स्नेहा आणि आविष्कार यांचा झालाय घटस्फोट
दामिनी, आभाळमायासारख्या मालिकांमधून घराघरातील चेहरा झालेला आविष्कार दारव्हेकर अचानक मालिकांमधून आणि चित्रपटांमधून दिसेनासा झाला. तर स्नेहा वाघ हा केवळ मराठीतीलच नाही हिंदी मालिकांमधीलदेखील प्रसिद्ध चेहरा. काही वर्षांपूर्वी या दोघांचा प्रेमविवाह झाला होता. मात्र दोघांनीही घटस्फोट घेतला. याचं कारण कधीही त्यांच्या चाहत्यांसमोर आलं नाही. मात्र अचानक झालेल्या घटस्फोटामुळे चाहत्यांना त्यावेळी धक्का मात्र बसला होता. त्यानंतर स्नेहाने दुसरं लग्नही केलं. मात्र तिचं दुसरं लग्नही टिकू शकलं नाही. पण स्नेहा नियमित मालिका, जाहिराती यामधून चाहत्यांसमोर येत राहिली.
अधिक वाचा – उर्वशी रौतेला आगामी चित्रपटासाठी शिकत आहे मार्शल आर्ट
आता पुढे काय
अनपेक्षितपणे पुन्हा एकदा स्नेहा आणि आविष्कार आता बिग बॉसच्या घरात एकत्र आले आहेत. त्यामुळे आता जुन्या गोष्टी पुन्हा एकदा नव्याने भांडणांमधून बाहेर येणार की, दोघांमधील नातं सुधारणार याकडेच आता सर्वांचं लक्ष लागून राहिलं आहे. बिग बॉसचं घर हे अत्यंत विचित्र आहे. इथे कधी कोणाचं पटेल आणि कधी कोणाचं नातं बिघडेल हे काहीच सांगता येत नाही. त्यामुळे आता आधीच एका नात्यातून बाहेर पडल्यानंतर पुन्हा एकदा एकाच घरात राहणं हे स्नेहा आणि आविष्कारसाठी किती कठीण असेल हे येणारा आठवडाच ठरवेल. मात्र आता यावर चर्चा रंगू लागली आहे. तर घरातील काही स्पर्धकांनाही स्नेहामधील अचानक झालेला बदल जाणवला. यावर डॉ. उत्कर्ष शिंदे आणि अभिनेता विशाल निकम दोघेही चर्चा करताना पहिल्याच दिवशी दिसून आले. त्यामुळे आता या आठवड्यात नक्की काय काय घडणार आहे याचीही चर्चा सुरू झाली आहे. तर हा सीझनदेखील भांडणाने गाजणार का? यावरही चर्चा सुरू झाली आहे. काही जणांच्या म्हणण्याप्रमाणे हवे तसे तगडे स्पर्धक नाहीत तर काही जणांच्या म्हणण्याप्रमाणे जे स्पर्धक आहेत ते आपली वेगळी ओळख या शो मधून निर्माण करतील. त्यामुळे आता हा येणारा काळच ठरवेल. तर काही प्रसिद्ध चेहरेदेखील यावेळी दिसून येत आहे. अभिनेता विकास पाटील, गायत्री दातार, अक्षय वाघमारे, सुरेखा कुडची ही प्रसिद्ध नावे व्यक्ती म्हणून कशी आहेत हे लवकरच कळेल. तर स्प्लिट्सविला आणि रोडीजमधून आलेले चेहरे जय दुधाणे आणि मीनल शाह काय करणार याकडेही प्रेक्षकांचे लक्ष लागून राहिले आहे.
अधिक वाचा – मराठी बिग बॉस 3 ची दिमाखदार सुरुवात, हे कलाकार आहेत स्पर्धक
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा एक MyGlamm कडून मोफत लिपस्टिक
