इंडियन आयडलच्या बाराव्या पर्वाचे व्यासपीठ गाजवून आपल्या सुरेल स्वरांनी करोडो हृदयांवर अधिराज्य गाजवणारी गायिका सायली कांबळेच्या स्वप्नवत प्रवासाला आता सुरूवात झाली आहे. सायलीचे इंडियन आयडल संपताना सिनेसृष्टीत पदार्पण करायचे स्वप्न पूर्ण झाले आहे असंच म्हणावं लागेल. फिल्ममेकर जो राजन दिग्दर्शित ‘कोल्हापूर डायरीज’ या चित्रपटासाठी सायलीने नुकतेच गाणे गायले आहे. आपलं स्वप्न पूर्ण होत आहे यावर आपला विश्वासच बसत नसल्याची भावना सायलीने व्यक्त केली आहे.
अधिक वाचा – नव्या हाथी मोर खण साडीतील सोनालीच्या लुकने चाहते घायाळ
अवधूत गुप्तेंची चाहती
सुमधूर गळ्याची गायिका सायली कांबळेने मिळालेल्या संधीबद्दल आपल्या भावना व्यक्त केल्या, “मला विश्वासच बसत नाही आहे,की माझं स्वप्न पूर्ण झालंय. इंडियन आयडलमध्ये जाण्याचं कारणचं होतं, लोकांनी मला ओळखावं आणि माझं संगीत क्षेत्रात करीयर सुरू व्हावं. इंडियन आयडलचा ग्रँड फिनाले झाल्याझाल्या हातात काम असणं, हे भाग्याचं आहे. लहानपणापासून अवधूत गुप्तेंची मी चाहती आहे. आणि त्यांच्यासोबत मला काम करायची संधी मिळतेय. चित्रपटाचे दिग्दर्शक जो राजन ह्यांनी मला ही संधी दिली ह्याबद्दल मी त्यांची खूप खूप आभारी आहे.”
जो राजन दिग्दर्शित कोल्हापूर डायरीजच्या या गाण्याला अवधूत गुप्तेनी संगीत दिलंय. तर सायलीसह स्वप्नील बांदोडकरने हे रामँटिक गाणं गायलंय. सुरूवातीलाच अशी संधी मिळणं हे नक्कीच सायलीसाठी भाग्याचं आणि अभिमानचे आहे. हे गाणे लवकरच गायत्री दातार आणि भूषण पाटील यांच्यावर चित्रीत होणार आहे. सायलीसाठी हा नक्कीच मोठा ब्रेक आहे. त्याशिवाय आपण ज्यांचे चाहते आहोत त्यांच्याबरोबर काम करायला मिळणे यापेक्षा मोठी संधी कोणतीच असू शकत नाही. याशिवाय या गाण्यात सुप्रसिद्ध गायक स्वप्नीलही सायलीबरोबर गाणार असल्याने तिचा आनंद नक्कीच द्विगुणित झाला असणार यात शंका नाही.
अधिक वाचा – राणू मंडल इज बॅक, बचपन का प्यार व्हिडिओ व्हायरल
सायलीच्या आवाजात जादू
निर्माते जो राजन यांनीदेखील यावेळी आपल्या भावना व्यक्त केल्या. ते म्हणाले, “सायलीच्या गळ्यात जादू आहे. तिचा इंडियन आयडलचा संगीत प्रवास मी गेले कित्येक महिने पाहिलाय. त्यामुळेच मला तिचा अभिमान आहे. या महाराष्ट्राच्या लाडक्या मुलीला मराठी चित्रपटासाठी ब्रेक देताना मला खूप आनंद होतोय.” तर संगीतकार, गायक, फिल्ममेकर अवधूत गुप्तेने सायलीबाबत आपले मत व्यक्त केले, “आमचे दिग्दर्शक जो राजन यांना सायलीचा आवाज खूप आवडला होता. त्यामुळे त्यांनीच मला सायलीचे नाव या गाण्यासाठी सुचवले. ती किती उत्तम गायिका आहे, ते ती दरवेळी सिद्ध करत आली आहे. सायलीच्या रूपाने एक प्रतिभावान गायिका महाराष्ट्रालाच नाही तर संपूर्ण जगाला मिळाली आहे, असं मला वाटतं.” त्यामुळे सध्या सायलीचा आनंद नक्कीच गगनात मावत नसणार. रियालिटी शो मधून बाहेर पडल्यानंतर त्वरीत गाणे मिळणे हे फारच कमी जणांच्या वाट्याला आले आहे. सायलीसाठी हा नक्कीच नवा अनुभव असणार आणि हे गाणे आता कसे असणार आणि सायलीचा सुमधूर आवाज आता कधी ऐकायला मिळणार यासाठीच तिचे चाहतेही नक्कीच उत्सुक असणार. मात्र त्यासाठी अजून थोडी वाट पाहावी लागणार आहे हे नक्की.
अधिक वाचा – रितेश देशमुखचा डिजिटल डेब्यू, प्रदर्शित झाला फर्स्ट लुक
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा एक MyGlamm कडून मोफत लिपस्टिक
