खेळ हा अनेकांच्या आवडीचा आणि मनोरंजनाचा विषय आहे. सहाजिकच खेळावर आधारित विशेषतःल क्रिकेटवर आधारित चित्रपट पाहणे अनेकांच्या जिव्हाळ्याचा विषय असतो. या आठवड्यात रणवीर सिंहचा बहुचर्चित चित्रपट ’83’ प्रदर्शित होत आहे. शाहिद कपूरचा ‘जर्सी’ चित्रपटही लवकरच प्रेक्षकांसमोर येण्यास सज्ज होत आहे. त्यामुळे चित्रपट निर्मात्यांनाही क्रिकेटवर आधारित चित्रपटांचा धडाका लावण्यास सुरुवात केली आहे. लवकरच कार्तिक आर्यन देखील क्रिकेटरच्या भूमिकेत प्रेक्षकांसमोर येण्याची शक्यता आहे.
भारती सिंहला हवी आहे बेबी गर्ल, मजेशीर पद्धतीने शेअर केल्या भावना
कार्तिकने शेअर केला व्हिडिओ
कार्तिकने त्याच्या इन्स्टा अकाउंटवर एक व्हिडिओ शेअर केला होता. या व्हिडिओमध्ये कार्तिकने क्रिकेटरसारखा पेहराव केला असून तो बॅटिंग करताना दिसत होता. सहाजिकच यातून तो त्याच्या आगामी चित्रपटात क्रिकेटरच्या भूमिकेत असणार हे उघड झालं. या व्हिडिओला कार्तिकने कॅप्शन दिली होती, “लवकरच येत आहे” मात्र या कॅप्शनवरून कोणत्याच गोष्टीचा खुलासा होत नाही. कारण हा त्याचा नवा चित्रपट आहे की वेबसिरिज आणि त्याचे नाव काय, कधी प्रदर्शित होणार असे अनेक प्रश्न या व्हिडिओमुळे मनात निर्माण झाले आहेत. सूत्रांनी दिलेल्या माहितीनुसार हा चित्रपट एका खूप मोठ्या क्रिकेटरची बायोपिक असण्याची शक्यता आहे. त्यामुळे कार्तिक लवकरच विराट कोहलीची भूमिका साकारणार अशी चर्चा सध्या सुरू झाली. मात्र कार्तिक अथवा विराटने याबाबत कोणतीच गोष्ट जाहीर केलेलं नाही. त्यामुळे मग हा व्हिडिओ नेमका कोणत्या चित्रपटाचा आहे अशी चर्चा सुरू झाली.
‘देवमाणूस 2′ मालिकेची दणक्यात सुरुवात
कार्तिकच्या चित्रपटांचा एका पाठोपाठ एक धमाका
लॉकडाऊननंतर कार्तिकने एका पाठोपाठ एक चित्रपटांचा धमाकाच लावला आहे. राम माधवानीच्या ‘धमाका’मध्ये अफलातून अभिनय केल्यानंतर त्याने आता ‘शहजादा’चे खूप दिवसांचे शूटिंग पूर्ण केले आहे. या चित्रपटात त्याच्यासोबत कृती सेनन मुख्य भूमिकेत असेल. शहजादा चित्रपट तेलुगू ‘अला वैकुंठ पुरमुलु’ चा रिमेक आहे. या चित्रपटाच्या शूटिंगआधी कार्तिक गुरुद्वारा बंगला साहेबच्या दर्शनासाठी गेला होता. शहजादासोबत कार्तिक एकता कपूरच्या रोमॅंटिक थ्रिलर ‘फ्रेडी’मध्येही झळकणार आहे. ‘भुलभुलैया 2’ मध्ये तो असणार आहेच शिवाय त्याच्याजवळ ‘कॅप्शन इंडिया’ हा चित्रपटदेखील आहे. त्यामुळे या वर्षी कार्तिकच्या एका पाठोपाठ एक अशा चित्रपटाचा धुमधडाका असणार आहे. मात्र आता कार्तिकने शेअर केलेला व्हिडिओ कोणत्याही चित्रपटाचे टीझर नसून ते एका जाहिरातीचे टीझर आहे. कारण त्यानंतर लगेच कार्तिकने ती जाहिरातही त्याच्या अकाउंटवर शेअर केली. त्यामुळे कार्तिकच्या या नव्या लुकचा खुलासा चाहत्यांना झाला.
