प्रसिद्धी रियालिटी शो ‘खतरों के खिलाडी’ चा 11 वा सीझन (Khatron Ke Khiladi 11) खूपच गाजला. या आठवड्यातच या शो चा विजेता अथवा विजेती नक्की कोण आहे हे घोषित होणार आहे. टॉप – 5 फायनालिस्टसह ग्रँड फिनाले नुकताच चित्रीत करण्यात आला. पण या शो चा नक्की विजेता अथवा विजेती कोण होणार याची सर्वांनाच उत्सुकता असातना आता मात्र भागाचे चित्रीकरण येण्यापूर्वीच विजेत्याचे (Khatron Ke Khiladi 11 winner) नाव लीक झाले आहे. सोशल मीडियावर हा शो स्पर्धक अर्जुन बिजलानी (Arjun Bijlani) जिंकला असल्याचे म्हटले जाते आहे. धाकड गर्ल दिव्यांका त्रिपाठी दहिया (Divyanka Tripathi Dahiya) आणि अर्जुन बिजलानी यांच्यात अतिशय तगडा मुकाबला होऊन सरतेशेवटी हा किताब अर्जुनला मिळाल्याचे सध्या म्हटले जात आहे. एका टीव्ही समीक्षकाच्या ट्विटमुळे हे नाव आधीच लीक झाले आहे.
अधिक वाचा – दीपिका पादुकोण पी व्ही सिंधूसोबत खेळतेय बॅडमिंटन, सुरू झाली बायोपिकची चर्चा
दिव्यांकाचे झाले सगळीकडेच कौतुक
ट्रॉफी कोणाच्याही नावे झाली असली तरीही अनेक चाहत्यांसाठी खरी विजेती ही दिव्यांकाच आहे. केवळ चाहतेच नाही तर शो चा निवेदक रोहित शेट्टी (Rohit Shetty) यानेदेखील दिव्यांकाची वेळोवेळी स्तुती केली आहे. तर केवळ दिव्यांकाच नाही तर अर्जुनने प्रत्येक स्टंट आपल्या जीवावर उदार होऊन केला आणि कधी दाखवूनही दिले नाही असेही एका भागात अगदी मनापासून रोहितने मान्य करत अर्जुनचेही कौतुक केली. तर दिव्यांकाला ही ट्रॉफी मिळायला हवी होती असा ट्रेंड सध्या सोशल मीडियावर चालू आहे. मात्र हा शो पाहणाऱ्या चाहत्यांनाही माहीत आहे की, अर्जुननेही तगडी टक्कर प्रत्येक स्टंट करताना दिली आहे. त्यामुळे दोघांपैकी कोणीही शो जिंकला तरीही तितकीच मेहनत आणि तितकेच कौतुकास्पद आहे असे सध्या सोशल मीडियावरदेखील म्हटले जात आहे.
अधिक वाचा – Bigg Boss Marathi: पहिल्या भागापासून लक्ष वेधून घेतोय जय दुधाणे
टॉप 3 स्पर्धक दिव्यांका, विशाल आणि अर्जुन
‘खतरों के खिलाड़ी 11’ च्या ग्रँड फिनालेमध्ये टॉप 3 फायनालिस्ट म्हणून दिव्यांका त्रिपाठी दहिया, अर्जुन बिजलानी आणि विशाल आदित्य सिंह यांच्यामध्ये मुकाबला रंगला. शेवटी आदित्य यातून बाहेर झाला आणि फायनल झाली ती अर्जुन आणि दिव्यांका या दोघांमध्ये असे सांगण्यात येत आहे. अर्थात हे जरी खरे असले तरीही फायनल बघण्यातच खरी मजा आहे. या शनिवारी या रियालिटी शो चा ग्रँड फिनाले दाखविण्यात येणार आहे ज्याचे चित्रीकरण नुकतेच करण्यात आले आहे. शो मधील सर्व स्टंट्स हे आधीच दक्षिण आफ्रिकेतील केपटाऊन येथे करण्यात आले आहेत. मात्र फिनालेचे चित्रीकरण हे नुकतेच मुंबईत पार पडले. जरी अर्जुनचे नाव समोर येत असले तरीही अजून अधिकृतरित्या अर्जुनचे नाव सांगण्यात आलेले नाही. त्यामुळे चाहत्यांना आणि प्रेक्षकांना यापैकी नक्की कोण विजेता अथवा विजेती असणार याची नक्कीच उत्सुकता लागून राहिली आहे. अर्जुन बिजलानी आणि दिव्यांका त्रिपाठी या दोघांचाही खूपच जास्त चाहतावर्ग आहे. त्यामुळे सोशल मीडियावर दोघांचीही स्तुती आणि कौतुक होत असून कोणीही जिंकला तरीही Deserving Winner असेच म्हटले जात आहे. केवळ दोन दिवसातच आता नक्की विजेता कोण असणार हे घोषित होईल, ज्यासाठी प्रेक्षक नक्कीच उत्सुक आहेत.
अधिक वाचा – Bigg Boss मराठी : मीरा जगन्नाथ होऊ पाहतेय का निकी तांबोळी
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा एक MyGlamm कडून मोफत लिपस्टिक
