मिलिंद सोमण (Milind Soman) हे नाव माहीत नाही अशी व्यक्ती विरळाच! विशेषतः मॉडेलिंग आणि अल्बम पाहायची आवड ज्यांना आहे त्यांना तर हे नाव नक्कीच माहीत असणार. वयाची पन्नाशी उलटून गेली तरीही मिलिंदचा हॉटनेस मात्र कुठेच कमी झालेला नाही. आजही मिलिंद सोमणवर तितक्याच मुली फिदा होतात. या वयातही मिलिंदने आपला फिटनेस राखून ठेवला आहे आणि याची प्रचिती आली ती म्हणजे सध्या चालू असणाऱ्या त्याच्या रियालिटी शो मध्ये. ‘मेड इन इंडिया’ (Made In India) या आलिशा चिनॉयच्या अल्बममधील मिलिंद सोमणचा लुक 26 वर्षांपूर्वी खूपच व्हायरल झाला होता आणि त्याच डेब्यू लुकमध्ये पुन्हा एकदा मिलिंद सोमण दिसला असून त्याचा हा फोटो खूपच व्हायरल होत आहे.
मिलिंदने रिक्रिएट केला लुक
मिलिंदने आपला हा लुक रिक्रिएट केला. हा म्युझिक व्हिडिओ 1995 मध्ये आला होता. त्यावेळी अनेक महिला मिलिंदच्या फॅन झाल्या होत्या आणि आजही मिलिंदच्या दिसण्याची तितकीच क्रेझ आहे. सध्या एका रियालिटी शो चा परीक्षक म्हणून मिलिंद सोमण दिसून येत आहे. या शो मध्ये त्याच्यासह मलायका अरोरा (Malaika Arora) आणि अनुषा दांडेकरही (Anusha Dandekar) आहेत. पुन्हा एकदा हा लुक मिलिंदने रिक्रिएट केल्यानंतर तिथे उपस्थित असणाऱ्या सगळ्यांचेच लक्ष मिलिंदने वेधून घेतले. आपल्या सोशल मीडिया अकाऊंटवर मिलिंदने हा व्हिडिओ शेअर केला असून 26 वर्षांनंतर पुन्हा एकदा असे कॅप्शन दिले आहे. तर तिथे उपस्थित असणाऱ्या सगळ्यांचेच होश मिलिंदने उडवले असे म्हटले तर वावगं ठरणार नाही.
अधिक वाचा – पैंजण तुझं’ रोमँटिक कोळीगीतामध्ये दिसणार DID फेम दीपक हुलसुरे
55 वर्षांचा मिलिंद अजूनही देतोय टक्कर
मिलिंद सोमण 55 वर्षांचा असून आपल्या लुक्स आणि फिट शरीरामुळे आजही सर्वांना हैराण करत आहे आणि सध्याच्या नव्या हिरोंनादेखील मिलिंद टक्कर देतोय असं म्हणावं लागेल. हा व्हिडिओ ‘सुपर मॉडेल ऑफ द इअर 2’ मधील आहे. मिलिंदचा हा लुक आयकॉनिक आहे. इतकंच नाही तर या दरम्यान मलायका अरोरा मिलिंदकडे पाहून अचंबित होताना दिसली. आपल्या लुक्सने मिलिंदने उपस्थित सर्वांनाच घायाळ केले. इतकंच नाही तर सोशल मीडियावरदेखील हा व्हिडिओ पोस्ट केल्यानंतर सर्वच ललना मंत्रमुग्ध झालेल्या दिसून येत आहेत आणि त्याचा परिणाम म्हणजे मिलिंदला मिळालेल्या कमेंट्स.
अधिक वाचा – Bigg Boss मराठी: दुसऱ्या आठवड्यात रंगणार ‘जोडी की बेडी’ टास्क
लग्नानंतरही मिलिंद चर्चेत
काही वर्षांपूर्वी आपल्यापेक्षा वयाने खूपच लहान असणाऱ्या अंकिता कोनवरसह मिलिंद विवाहबद्ध झाला. हे त्याचे दुसरे लग्न आहे. तर अनेक अभिनेत्रींसह त्याचे नाव जोडण्यात आले होते. 2018 मध्ये अंकिताशी लग्न करताना त्याला अनेक उलटसुलट चर्चांना आणि कमेंट्सना सामोरे जावे लागले होते. मात्र मिलिंदने कधीच इतर कोणत्याही गोष्टींचा विचार न करता आपल्याला हवे तेच केले आहे. आपल्या सोशल मीडिया अकाऊंटवर तो नेहमी अंकिताबरोबर फोटोही शेअर करत असतो. दरम्यान मिलिंदने अधिकाधिक दिसावे असेही त्याच्या चाहत्यांना वाटत असते. मात्र मिलिंद सामाजिक जागरूकतेसाठी नेहमी मॅरेथॉनमध्ये धावतानाही दिसून येतो. अनेक वेगवेगळे रेकॉर्ड्स त्याने सेट केले आहेत. मात्र मिलिंदच्या हॉटनेसला मॅच करणे आतापर्यंत कोणाला जमले असेल असं वाटत नाही.
अधिक वाचा – सारा अली खानचं ‘साडीप्रेम’ आलं उफाळून, फोटो पोस्ट करत म्हणाली…
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा एक MyGlamm कडून मोफत लिपस्टिक
