‘बलात्कार संस्कृती’ म्हणजे ‘बलात्कार संस्कृती’ ही जगाच्या जवळपास प्रत्येक भागात आणि प्रत्येक समाजात कोणत्या ना कोणत्या स्वरूपात अस्तित्वात आहे. व्हीमास मराठीच्या ‘राडा राडा’ मधून प्राजक्ता आणि पूर्वा करतायत भारतीय बलात्कार संस्कृतीवर भाष्य. बलात्कार संस्कृती हे शब्द उच्चरायला विचित्र वाटतील कारण संस्कृती सामान्यतः पवित्र आणि सकारात्मक संदर्भात पाहिली जाते. पण संस्कृती हे केवळ सुंदर, रंगीबेरंगी आणि विविध प्रकारच्या परंपरा आणि चालीरीतींचे नाव नाही. बलात्कार संस्कृती’ म्हणजे अशी सामाजिक व्यवस्था ज्यामध्ये लोक बलात्काराच्या पीडितेला पाठिंबा देण्याऐवजी कोणत्या ना कोणत्या प्रकारे बलात्कार करणाऱ्याच्या समर्थनार्थ उभे राहतात. बलात्कार संस्कृतीचा संदर्भ आहे ती परंपरा ज्यामध्ये बलात्कारासाठी स्त्रीला जबाबदार धरले जाते. ‘बलात्कार संस्कृती’ म्हणजे अशी संस्कृती ज्यामध्ये बलात्कार आणि महिलांवरील हिंसाचार या गंभीर गुन्ह्यांऐवजी किरकोळ आणि दैनंदिन घटना म्हणून पाहण्याचा प्रयत्न केला जातो.
राडा राडा टॉक शो येतोय भेटीला
अशाच भारतीय बलात्कार संस्कृतीविषयी भाष्य करण्यासाठी अभिनेत्री प्राजक्ता माळी आणि अभिनेत्री पूर्वा शिंदे व्हीमास मराठीचा राडा राडा या टॉक शो अंतर्गत प्रेक्षकांसमोर येणार आहेत. बलात्कार संस्कृतीला आळा घालण्यासाठी या अभिनेत्रींनी दिलेले सल्ले साऱ्या भारतीयांना नक्कीच मोलाचा संदेश देऊन जातील यांत शंकाच नाही. प्राजक्ता आणि पूर्वा व्हीमास मराठीच्या राडा राडा या शो अंतर्गत प्रेक्षकांना सामाजिक विषय कसा हाताळायचा याचे उत्तम मार्गदर्शन करणार आहेत. व्हीमास मराठीचा राडा राडा हा शो प्रत्येक एपिसोडमध्ये नवीन चालू विषय हाताळणार असून नवनव्या कलाकारांचे, विचारवंताचे मत या प्लॅटफॉर्मवरून प्रेक्षकांना कळणार आहे. सत्य परिस्थिती सांगणारा व्यंगात्मक शो मधून प्राजक्ता आणि पूर्वाच एक वेगळंच रूप तुम्हाला सामाजिक विषय हाताळताना पाहणे रंजक ठरणार आहे.
वेगळा आणि मोलाचा संदेश देणारा शो
आतापर्यंत वेगवेगळे आणि मनोरंजनात्मक शो पाहायला आपल्याला मिळाले आहेत. मात्र अशा विषयाला हात घालून एका वेगळ्या शो ची निर्मिती करण्यात आली आहे. सामाजिक विषय हाताळण्यासाठी प्रत्येक जण तयार नसतो. पण यासाठी आपण कशा पद्धतीने तयारी करायला हवी अथवा असे विषय कसे हाताळायचे याबाबत या शो मधून कळणार आहे. प्राजक्ताने नेहमीच आतापर्यंत वेगवेगळ्या भूमिका साकारल्या आहेत. तर आता पूर्वा शिंदेसह प्राजक्ता या शो मधून प्रेक्षकांसमोर येत आहे. पूर्वानेदेखील आतापर्यंत अनेक मालिकांमधून प्रेक्षकांचे मनोरंजन केले आहे. मात्र आता एका वेगळ्या रूपात आणि वेगळ्या विषयांवर भाष्य करण्यासाठी या दोघीजण सज्ज आहेत. तर प्रेक्षकांनाही हा शो नक्की आवडेल अशी अपेक्षा या दोघींना आहे. प्राजक्ताची ‘रानबाजार’ ही वेबसिरीज सध्या खूपच गाजते आहे आणि त्यातील प्राजक्ताचे कामही प्रेक्षकांना आवडले आहे. तर प्राजक्ता सध्या कॉमेडी, गंभीर अशा सर्व स्तरांवरील भूमिकेतून दिसून येत असल्यामुळे तिच्या चाहत्यांनाही आवडत आहे. प्राजक्ताला वेगवेगळ्या प्रोजेक्ट्समध्ये काम करताना पाहून तिचे चाहतेही सध्या खूष झाले आहेत.
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा एक MyGlamm कडून मोफत लिपस्टिक
