बरेचदा स्वयंपाकघरात जाऊन काहीही बनविण्याचा कंटाळा येतो किंवा शाळेत जाणाऱ्या मुलांना रोज डब्यात काय द्यायचे असाही प्रश्न पडतो. तर रोज सकाळी नाश्त्यामध्ये कोणता पदार्थ बनवावा असाही प्रश्न गृहिणींच्या मनात असतो. पण सर्वात मोठा प्रश्न म्हणजे मुलांना डब्यात काय देणे आणि दिलेला पदार्थ मुलांनी संपवणं. कारण मुलांना आवडेल असा पदार्थ बनवणे आणि डब्यात दिलेला पदार्थ पूर्ण संपवून घरी डबा आणणे हा एक मोठा टास्क असतो. पण तुम्ही मुलांना पौष्टिक पदार्थ देण्यासाठी कोणताही पर्याय शोधत असाल तर हेल्दी पुदीना पराठा (Healthy Pudina Paratha) हा चांगला पर्याय आहे. सकाळच्या घाईत पटकन तयार होणारा आणि मुलांनाही खायला आवडणारा असा पुदीना पराठा तुम्ही बनवू शकता. हेल्दी नाश्ता काय बनवायचा याचा तुम्ही विचार करत असाल तर तुमच्यासाठी ही खास पुदीना पराठा रेसिपी (Pudina Paratha Recipe).
असा बनवा पुदीना पराठा – रेसिपी
पुदीना पराठा बनवणं अत्यंत सोपं आहे. तुम्हाला ही रेसिपी अगदी घाईघाईमध्येही पटकन करता येते. पुदीना पराठा कसा बनवायचा हे तुम्ही जाणून घ्या –
- सर्वात पहिल्यांदा तुम्ही घरात पुदीना मसाला तयार करून घ्या. हा मसाला तुम्ही करून ठेवला की, पुदीना पराठा बनवणं अत्यंत सोपं होईल
- पुदीना मसाला तयार करण्यासाठी तुम्हाला 3 मोठे चमचे सुक्या पुदिन्याच्या पानांची पावडर, 1 मोठा चमचा धने पावडर, 1 मोठा चमचा आमचूर पावडर, 1 लहान चमचा मीठ, 1 लहान चमचा काळे मीठ, 1 लहान चमचा भाजलेले जिरे, चिमूटभर हिंग, 1 लहान चमचा लाल मिरची पावडर हे सर्व घेऊन एकत्र करा
- एका परातीमध्ये गव्हाचे पीठ घ्या आणि त्यामध्ये तुमच्या आवडीनुसार वरील पुदिना मसाला घालून मिक्स करा
- त्यामध्ये कापलेला कांदा, हिरवी मिरचीचे तुकडे, ठेचलेल्या लसणीच्या पाकळ्या मिक्स करा आणि पाणी घालून व्यवस्थित पीठ भिजवून घ्या
- साधारण 5 मिनिट्स तुम्ही पीठ सेट होण्यासाठी ठेवा
- त्यानंतर पोळपाटावर या पीठाचे लहान गोळे करून घ्या आणि पराठे लाटा
- तव्यावर तेल सोडा आणि मग पराठे शेकून घ्या. तुम्हाला हवं असेल तर शिजल्यावर बटर लावा आणि मग हिरवी चटणी आणि लोणचं, दही यासह पुदीना पराठा तुम्ही तुमच्या मुलांना डब्यात द्या
टीप – तुमची मुलं किती तिखट खातात यानुसार तुम्ही पराठ्यामध्ये तिखटाचा वापर करा. मात्र या पद्धतीने तुम्ही पराठे केल्यास, सकाळच्या वेळात हे पटकन होतात.
पुदिन्याचे फायदे
पुदिन्याचे अनेक फायदे शरीराला मिळतात. त्यामुळे तुमच्या मुलांच्या आरोग्यासाठीही पुदिना पराठा चांगला ठरतो. याचे नक्की शरीराला काय फायदे होतात ते जाणून घ्या –
- पुदीना खाल्ल्याने पचनशक्ती सुधारते आणि तसंच लहान मुलांना बऱ्याचदा गॅसची समस्या होते आणि ती सोडविण्यासाठी पुदिना पराठा हा उपयुक्त ठरतो. गॅसची समस्या याने दूर होण्यास मदत मिळते
- उन्हाळी लागण्यापासून वाचण्यासाठीही पुदिन्याचा फायदा होतो (Mint Benefits In Summer). उन्हाळ्याच्या दिवसात पुदिन्याचा पराठा अत्यंत उपयुक्त ठरतो
- पुदिन्यामुळे त्वचा अधिक चांगली होते आणि मुलांच्या पोटात पुदिना सहजपणाने जातो
लहान मुलांना डब्यात देण्यासाठी तुम्ही या सोप्या रेसिपीचा वापर करावा आणि तुम्हाला ही रेसिपी कशी वाटली हे नक्की आम्हाला कळवा आणि आम्हाला टॅग करा.
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा एक MyGlamm कडून मोफत लिपस्टिक
