आता राखीचा नवा ड्रामा, बनली स्पायडर वुमन

राखी सावंत हा एक तडकता फडकता ड्रामा आहे. ती कधी काय करेल याचा अंदाज तिलाही कधी येऊ शकत नाही. बिग बॉसच्या घरातून बाहेर आल्यापासून राखीच्या आजुबाजूला लोकांचा चांगलाच गराडा वाढू लागला आहे. ती जिथे जाते तिथे लोकं तिला फॉलो करतात. तिच्यासोबत फोटो काढतात. आता पुन्हा एकदा बिग बॉस सुरु झाले आहे. या वर्षी OTT ड्रामा सगळ्यांना पाहायला मिळणार आहे. हा रिअॅलिटी शो सुरु होऊन 10 दिवस झाले आहेत. आता पुन्हा एकदा या शोमध्ये राखी सावंत येणार आहे अशी चर्चा होऊ लागली आहे. गेल्यावेळी ड्रामा क्वीन म्हणून आलेली राखी यंदा स्पाडर वुमन म्हणून येणार असल्याचे म्हटले जात आहे. याला कारणीभूत राखीचा हा नवा अवतार आहे. जाणून घेऊया राखी सावंतच्या या नव्या लुक विषयी

मन झालं बाजिंद मालिकेत प्रेमाचा रंग आहे पिवळा… सांगतेय श्वेता राजन

 राखी बनली स्पायडर वुमन

राखी सावंतचा एक नवा लुक सगळीकडे व्हायरल होत आहे. यामध्ये ती स्पाडरवुमन बनलेली दिसत आहे. तिने स्पायडर वुमनचे निळे- लाल रंगातील कपडे घातले आहेत. या कपड्यात ती सगळ्यांचे मनोरंजन करताना दिसत आहे. तिने घातलेला ड्रेस आणि स्पाडरमॅनचा मास्क पाहून अनेकांना हसूही आवरेनासे झाले आहे. राखीने एक पोस्ट केली आहे ज्यामध्ये तिने स्पाडरवुमनचा लुक घेतला आहे. यामध्ये तिने तिच्या फॅन्ससाठी हा लुक घेतला असे म्हटले आहे. तर दुसरीकडे राखीने एक व्हिडिओ पोस्ट करुन फॅन्सला ती बिग बॉसला येणार असल्याचे सांगितले आहे. पण ती  बिग बॉसमध्ये येईल यावर शिक्कामोर्तब झालेले नाही.पण राखीला OTT करण्यासाठी या सीझनमध्ये यायचे आहे. त्यासाठी ती तयार देखील झाली आहे. तिने या कार्यक्रमामध्ये जाण्यासाठी हा सगळा ड्रामा केल्याचेही अनेकांनी म्हटले आहे. तर काहींनी मात्र तिला परत पाहण्याची इच्छा व्यक्त केली आहे. 

राखी करते डान्स

राखी सावंत सोशल मीडियावर हल्ली सतत अॅक्टिव्ह असते. ती तिचे कितीतरी डान्स रिल्ज पोस्ट करत असते. जीममध्ये गेल्यानंतर ती त्या ठिकाणी डान्स व्हिडिओ शूट करते. हे डान्स व्हिडिओ ती तिच्या जीममध्ये केल्यानंतर करते. तिचे डान्स व्हिडिओही फारच हसण्यासारखे आणि फनी असतात. पण एक गोष्ट खरी की राखी आता कॉन्ट्राव्हर्सी कमी त्या ऐवजी असे मनोरंजक व्हिडिओ करण्याकडे जास्त लक्ष देते. फटकळ बोलणारी राखी तिच्या स्पष्ट मतांसाठीही ओळखली जाते. तुम्ही राखीचा डान्स पाहिला नसेल तर आताच पाहा.

राखीला मिळाले काम

मध्यंतरीच्या काळात राखीला काहीही काम मिळत नव्हते.पण बिग बॉसमधून बाहेर आल्यानंतर तिला चक्क दोन गाणी मिळाली आहेत. ड्रिम मे एंट्री आणि लॉकडाऊन लग जाए ही तिची दोन गाणी आली असून तिला प्रेक्षकांनी भरभरुन प्रतिसाद दिला आहे. त्यामुळे सध्या तरी राखीचा बोलबाला आहे. 

 आता राखी सावंत या नव्या सीझनमध्ये आली तर इतरांचे काहीही खरे नाही… हे मात्र नक्की!