बॉलीवूडचा भाईजान सलमान खान एक कुटुंबवत्सल माणूस आहे हे एव्हाना सर्वांनाच माहीत झालं आहे. कारण बॉलीवूडमध्ये तर त्याची भाईजानसोबतच ‘फॅमिली मॅन’ म्हणून एक खास ओळख आहे. जरी त्याने आजवर लग्न करून स्वतःचं कुटुंब वाढवलं नसलं तरी त्याचं त्याच्या आईवडिल आणि भावंडांवर खूप प्रेम आहे. कामाच्या बिझी शेड्यूलमधून जसा वेळ मिळेल तसा तो त्याच्या कुटुंबासोबत वेळ घालवताना दिसतो. एवढंच नाही तर त्याच्या कुटुंबातील प्रत्येक व्यक्ती त्याच्यासाठी खास आहे. या प्रत्येकाचं आयुष्य सुखाचं व्हावं यासाठी तो सतत प्रयत्न करत असतो. सलमान त्याच्या आईवडिलांबद्दल जरा जास्तच हळवा आहे. त्याने नुकतंच त्याच्या आईच्या मांडीवर झोपत एक भावनिक फोटो चाहत्यांसोबत शेअर केला आहे. या फोटोवर चाहत्यांनी अक्षरशः लाईक्स आणि कंमेट्सचा वर्षाव केला आहे.
आईच्या मांडीवर स्वर्गाची अनुभूती
आईच्या मांडीत स्वर्ग असतो असं मानलं जातं. कारण आई बाळासाठी सर्वस्वाचा त्याग करत सर्व काही करत असते. सलमान खानला असं फक्त वाटतच नाही तर तो याचा नेहमी अनुभव घेताना दिसतो. म्हणूनच त्याने त्याच्या आईसोबत एक छानसा फोटो चाहत्यांसोबत शेअर केला आहे. ज्यामध्ये तो अगदी लहान बाळाप्रमाणे त्याची आई सलमा खान यांच्या मांडीवर पहुडला आहे. या फोटोत सलमान खानने हिरव्या रंगाचे टी-शर्ट घातलेले आहे तर त्याची आई सलमा खान नेहमी प्रमाणे सलवार सूटमध्ये क्युट दिसत आहे. वात्सल्याने परिपूर्ण अशा फोटोला सलमानने छान कॅप्शन देत स्वतःच्या मनातील भावना व्यक्त केल्या आहेत. सलमानने शेअर केलं आहे की, ” आईची मांडी….स्वर्ग” सलमान खानने हा फोटो पोस्ट करताच चाहत्यांनी लाईक्स आणि कंमेटचा त्यावर वर्षाव सुरू केला आहे. ज्यामुळे हा फोटो नेटवर सध्या खूप व्हायरल झालेला दिसत आहे. या फोटोमधून सलमान प्रमाणेच प्रत्येकाने आपल्या आईचा सन्मान करत तिच्यावर प्रेमाचा वर्षाव करण्याचा संदेश नक्कीच घ्यायला हवा. कारण उतार वयातच पालकांना मुलांची जास्त गरज असते.
सलमानचे आगामी चित्रपट
सलमान खान बिग बॉसमधून नुकताच मोकळा झाला आहे. त्यामुळे आता तो त्याच्या आगामी चित्रपटाच्या शूटिंगमध्ये व्यस्त होणार आहे. मागील काही दिवसांपासून तो टायगर 3 चं शूटिंग लवकरात लवकर पूर्ण करण्याच्या प्रयत्नात आहे. ‘टायगर 3’ मध्ये त्याच्यासोबत कतरिना कैफ पुन्हा एकदा झळकणार आहे. चित्रपटाचं अजूनही बरंच शूटिंग पूर्ण व्हायचं आहे. ‘कभी ईद कभी दिवाली’ या चित्रपटाचंही प्लॅनिंग सुरू झालं आहे. या चित्रपटात त्याच्या सोबत पूजा हेगडे मुख्य भूमिकेत असेल. चित्रपटाचं नाव मात्र बदलून भाईजान ठेवलं जाण्याची शक्यता आहे. या शिवाय सलमान लवकरच शाहरूखच खानच्या ‘पठाण’मध्येही कॅमियो साकारणार असल्याची चर्चा आहे. म्हणजे यावर्षी पुन्हा एकदा मोठ्या पडद्यावर सलमान खानची नेहमीप्रमाणेच दिमाखदार एन्ट्री चाहत्यांना पाहता येणार आहे.
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा एक MyGlamm कडून मोफत लिपस्टिक
