शिल्पा शेट्टीने केली चित्रीकरणाला सुरूवात, धैर्याने आली समोर

राज कुंद्रा (Raj Kundra) प्रकरणानंतर शिल्पा शेट्टीने कोणतेही बोलणे अथवा मीडियासमोर येणेही टाळले होते. याबाबत आपली भूमिका काय आहे हे शिल्पाने काही दिवसांपूर्वीच सोशल मीडियावर जाहीर केले असून ही बाब खासगी असून किमान आमच्या मुलांसाठी तरी सर्वांनी आम्हाला मोकळा श्वास घेऊ द्या अशा आशयाची पोस्ट शिल्पाने केली होती. त्याशिवाय याबाबत जे सत्य आहे ते लवकरच बाहेर येईल आपला न्यायव्यवस्थेवर विश्वास आहे असंही शिल्पाने म्हटलं होतं. गेल्या काही दिवसांपासून ‘सुपर डान्सर 4’ च्या चित्रीकरणापासून शिल्पा दूर होती. मात्र आता पुन्हा एकदा धैर्याने परिस्थितीला सामोरं जात शिल्पाने चित्रीकरणाला सुरूवात केली आहे.

अधिक वाचा – ‘इंडियन आयडल’फेम सायली कांबळेचे ‘कोल्हापूर डायरीज’ द्वारे सिनेसृष्टीत पदार्पण

शिल्पाने लावली चित्रीकरणाला हजेरी

राज कुंद्राच्या अटकेनंतर शिल्पा कोणत्याही चित्रीकरणात अथवा कोणत्याही सामाजिक कार्यक्रमात दिसली नव्हती. मात्र आता शिल्पाने पहिल्यांदाच चित्रीकरणाला हजेरी लावल्याचे व्हिडिओ व्हायरल होत आहेत. या आठवड्याच्या चित्रीकरणासाठी शिप्लाने उपस्थित राहून ‘शो मस्ट गो ऑन’ आणि आपण किती व्यावसायिक आहोत हेच दाखवून दिलं आहे. शिल्पाने आपल्या वैयक्तिक आयुष्यातील गोष्टी बाजूला ठेऊन कामाकडे लक्ष केंद्रीत करायला सुरूवात केली असल्याचे दिसून आले आहे. सुपर डान्सरच्या अगदी पहिल्या सीझनपासून शिल्पा या शो ची परीक्षक म्हणून काम पाहात आहे. तिच्या अनुपस्थितीत तिच्या जागी काही सेलिब्रिटींना पाहुणे म्हणून आमंत्रित करण्यात आले होते. मात्र शिल्पाच्या जागी कोणत्याही अन्य सेलिब्रिटीला घेणे निर्मात्यांना पटले नाही. त्यामुळे शिल्पाच्या येण्याने निर्माते आणि संपूर्ण टीम सध्या आनंदी झाली आहे. तसंच ती या सीझनच्या शेवटपर्यंत आता राहील अशी आशाही निर्मात्यांनी यावेळी व्यक्त केली आहे. राज कुंद्रा तुरूंगात असतानाही धैर्याने कामावर परत येण्याचा निर्णय हा नक्कीच शिल्पासाठी अत्यंत भावनिक आहे असंच सर्वांना वाटत आहे. पण तिच्या जागी आता दुसऱ्या कोणालाही वेगळ्या सेलिब्रिटीला शोधण्याची गरज नाही याचेही निर्मात्यांना समाधान आहे. शिल्पा हीच त्यांची पहिली आणि शेवटची पसंती राहिली आहे हेदेखील सांगण्यात आले आहे. 

अधिक वाचा – मन झालं बाजिंद मालिकेत प्रेमाचा रंग आहे पिवळा… सांगतेय श्वेता राजन

शिल्पा नसताना सांभाळली अनेकांनी धुरा

शिल्पा शेट्टी गेल्या काही दिवसांपासून शो मध्ये नव्हती. त्यावेळी रितेश देशमुख, जेनेलिया देशमुख, सोनाली बेंद्रे, मौसमी चॅटर्जी, जॅकी श्रॉफ, संगीता बिजलानी या सेलिब्रिटींनी हजेरी लावली होती. मात्र शो मध्ये शिल्पा ही शो चा प्राण आहे. शो ला रंगत आणण्याचे काम नेहमीच शिल्पाने गेली आहे. त्यामुळे हा शो तिच्याशिवाय अपूर्णच आहे असं निर्मात्यांनीही म्हटलं आहे. शिल्पा नसताना अनेक सेलिब्रिटींनी हजेरी लावली असली तरीही शिल्पाची अनुपस्थिती नेहमीच जाणवत राहिली आहे. आता शिल्पा पुन्हा एकदा चित्रीकरणासाठी तयार झाली असून या आठवड्यात ती पुन्हा शो मधून दिसून येणार आहे. तसंच आता पुढे शिल्पा शेवटपर्यंत राहील अशी अपेक्षाही निर्मात्यांना आहे. तर शिल्पा अजूनही राज कुंद्रा प्रकरणाता काहीही बोलली नसून तिने केवळ यावर मौन बाळगले आहे आणि आपला देशाच्या न्यायावर पूर्ण विश्वास असल्याचेही म्हटले आहे. तर शिल्पाच्या चाहत्यांसाठी नक्कीच ही आनंदाची बातमी आहे. 

अधिक वाचा – आता राखीचा नवा ड्रामा, बनली स्पायडर वुमन

तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र.  आमच्या  The Great Glamm Survey मध्ये सहभागी व्हा आणि जिंका  रुपये 1,000 हजार पर्यंतचा फायदा  आणि सोबत मिळवा एक  MyGlamm कडून मोफत लिपस्टिक