विद्या बालनची मुख्य भूमिका असलेला शेरनी चित्रपट पुढच्या महिन्यात प्रदर्शित होणार आहे. या चित्रपटाचा ग्लोबल प्रिमिअर पुढच्या महिन्यात अॅमझॉन प्राईम व्हिडिओवर होणार आहे. अमित मसूरकर हा शेरनी चित्रपटाचा दिग्दर्शक आहे. तर अबंडनतिया इंटरटेंटमेंट शेरनीची निर्मिती करत आहे. शेरनीचा फर्स्ट लुक प्रदर्शित झाला असून या चित्रपटात विद्या बालनसोबत शरद सक्सेना, मुकुल चड्डा, विजय राज, इला अरूण, बिजेंद्र काला, नीरज काबी यांच्या मुख्य भूमिका आहेत. अमेझॉन प्राईम व्हिडिओच्या वतीने या चित्रपटाच्या प्रदर्शित होण्याबाबत अधिकृत घोषणा करण्यात आली आहे. या चित्रपटाचे कथानक प्रेक्षकांना खिळवून ठेवणारे असून विद्या बालन एका निश्चयी अधिकाऱ्याच्या रुपात आश्वासक भूमिकेत यात झळकणार आहे. अत्यंत प्रतिकूल परिस्थितीत बाणेदार भूमिकेत विद्या बालन लवकरच प्रेक्षकांच्या भेटीला येणार आहे.
काय आहे शेरनीचे कथानक –
आगामी अमेझॉन ओरीजनल मुव्हीबद्दल बोलताना अमेझॉन प्राईम व्हिडीओचे डायरेक्टर अँड हेड, कंटेंट विजय सुब्रमण्यम म्हणाले की, “मागील अनेक वर्षांपासून अबंडनतिया एंटरटेनमेंट कथाकारांचे पॉवरहाऊस बनले आहे, ताज्या दमाची आणि गुंगवून ठेवणाऱ्या कथा आमचे त्यांच्या सोबतचे नाते आणखी दृढ करतात. ‘शकुंतला देवी’ची यशोगाथा प्रस्तुत केल्यानंतर आम्ही ‘शेरनी’करिता उत्साही आहोत. भारत आणि जगभरातील ग्राहकांसाठी पुन्हा एकदा विद्या बालन अभिनीत चित्रपट घेऊन आम्ही येत आहोत. हा सिनेमा विलक्षण विजयश्रीची कहाणी सांगणारा आहे. ही कथा केवळ प्रेक्षकांचे मनोरंजन करणार नाही, तर त्यांना आरामात घरी बसून साहसी अनुभव देखील देईल.”
याविषयीचा उत्साह शब्दांत मांडताना अबंडनतिया एंटरटेनमेंटचे निर्माते आणि सीईओ विक्रम मल्होत्रा म्हणाले की, “2020 मध्ये ‘शकुंतला देवी’वर प्रेमाचा वर्षाव झाला, इतक्या यशानंतर अबंडनतिया एंटरटेनमेंटची नवीनकोरी कलाकृती जगासमोर घेऊन येताना आणि पुन्हा एकदा अमेझॉन प्राईम व्हिडीओ आणि टी-सिरीजसोबत भागीदारी करताना मला आनंद होतो आहे. आम्ही प्रस्तूत करत असलेल्या ‘शेरनी’चे कथानक फारच स्पेशल आणि महत्त्वाचे आहे. या विषयाला समर्पकता प्राप्त करून देण्यासाठी कायमच अमितची मार्गदर्शक भूमिका लाभली आहे. व्यंगात्मक टिप्पणी ही त्याची शैली सिनेमाला अधिक रोचक करत जाते. विद्या बालनच्या चाहत्यांकरिता हा सिनेमा म्हणजे अक्षरशः मनोरंजनाची मेजवानीच असणार आहे. कारण यापूर्वी कधीही न साकारलेल्या वनाधिकाऱ्याच्या भूमिकेत विद्या प्रेक्षकांच्या भेटीला येणार आहे. त्यामुळे तुम्हाला नक्कीच वाटेल की शेरनी’च्या‘फर्स्ट डे फर्स्ट स्ट्रीम’करिता आता आणखी प्रतीक्षा नको!”
टी सिरीजचे निर्माते भूषण कुमार म्हणाले की, “शेरनी ही वेगळ्या पद्धतीची कथा आहे, ती मनाला गुंतवून ठेवते. मला निर्माता म्हणून काम करण्याची संधी मिळाली आणि हा सिनेमा जगभरातील प्रेक्षकांकरिता अमेझॉन प्राईम व्हिडीओवर प्रीमियर होतो आहे, याकरिता मी आनंदी आहे. विक्रम मल्होत्रा सोबत काम करणे नेहमी आनंददायक अनुभव असतो. अबंडनतिया एंटरटेनमेंट’सोबत आणखी मनोरंजक व हटके कथांवर काम करण्यासाठी मी यापुढेही उत्सुक आहे”.
फोटोसौजन्य – इन्स्टाग्राम
अधिक वाचा –
PUBG पुन्हा सुरु होणार, पण या नावाने
तरीही मालिकांचा ‘शो मस्ट गो ऑन’….कलाकार करत आहेत अविरत काम
‘कोरोना काळातील प्रेम’ म्हणत शिल्पाने हटके स्टाईलने केलं राज कुंद्राला किस
