लोकांनी न्यू नॉर्मल जीवनशैली आत्मसात केली असली तरीही वर्क फ्रॉम होम आणि व्हर्च्युअल शिक्षण पद्धतीने मोठ्या व्यक्ती आणि लहान मुलांमध्ये अती प्रमाणात खाणे आणि ताण तणावामुळे वजन वाढण्याच्या समस्या वाढल्या आहेत. कोविडने खरंतर प्रत्येकाला चांगले आरोग्य, आहार आणि बळकट प्रतिकार शक्ती कमावण्याचे महत्त्व पटवून दिले आहे. त्यामुळे काही जणांनी शारीरिक स्वास्थ्य राखण्यासाठी घरीच मोठ्या प्रमाणावर प्रयत्नही केले आहेत. मात्र तरिही भारतात लठ्ठपणाचा आलेख चढा असल्याने आरोग्य विषयक समस्येकडे तातडीने लक्ष देण्याची गरज निर्माण झाली आहे. सूत्रांनी दिलेल्या माहितीनुसार 2010 ते 2040 दरम्यान आरोग्य बिघडण्याच्या तक्रारींच्या आकडेवारीत तिप्पट वाढ होण्याचा अंदाज व्यक्त केला जात आहे. याचा अर्थ सध्या आपल्या लोकसंख्येच्या 30% व्यक्ती लठ्ठ असू शकतात. आयसीएमआर-इंडियाबी’ ने 2015 दरम्यान केलेल्या अभ्यासानुसार आज 135 दशलक्ष व्यक्ती लठ्ठपणा आणि वजन व्यवस्थापन समस्येने त्रस्त आहेत. डिसेंबर 2020 दरम्यान प्रकाशित करण्यात आलेल्या 5 व्या राष्ट्रीय कुटुंब आणि आरोग्य सर्व्हेक्षणानुसार, बहुसंख्य महिला लठ्ठपणाच्या विकाराने त्रस्त आहेत आणि ग्रामीण भागांमध्ये ही आरोग्य समस्या वेगाने वाढते आहे. एवढंच नाही तर आपल्यावर घोंगावणाऱ्या या भयंकर पडछायेपासून दूर राहण्यासाठी आताच या दृष्टीने राष्ट्रीय आणि जागतिक स्तरावर प्रयत्न आणि निरोगी आरोग्य व्यवस्थापनेच्या अनुषंगाने अधिकाधिक संवाद लोकांसोबत करणे गरजेचं आहे.
काय आहे याबाबत तज्ञ्जांचे मत
ओमरॉन हेल्थकेअर इंडिया’ चे एमडी मसानोरी मत्सुबारा यांच्या मते, “लठ्ठपणाच्या समस्यांचा जीवनशैली विषयक विकारांशी संबंध आहे. सहाजिकच अती लठ्ठपणामुळे आपल्या आरोग्य यंत्रणेवर मोठा ताण निर्माण होऊ शकतो. यासाठी प्रामुख्याने वैयक्तिक स्तरावर प्रतिबंधात्मक उपाय करण्याची गरज आहे. सध्या लोकांना वाटते की आपल्या आरोग्याचा आलेख तपासण्यासाठी फक्त वजन व्यवस्थापन हा एकच मुख्य निकष आहे. मात्र यासाठी फक्त वजन व्यवस्थापन नक्कीच पुरेसे नाही. यासाठी आपले बीएमआय, शरीराचे वयोमान, चरबीचे प्रमाण, स्नायूंची घनता इत्यादी इतर अनेक गोष्टींचा विचार करावा लागतो. ज्यांना याबाबत फार माहिती नाही त्यांच्यासाठी एक महत्त्वाची गोष्ट म्हणजे आता या सर्व गोष्टी सहज आरामात घरबसल्या मोजणे शक्य आहे. बॉडी कम्पोजीशन मॉनिटर्स’ सारख्या देखरेख उपकरणामुळे हे शक्य होत आहे.” बॉडी मास इंडेक्स (बीएमआय) म्हणजेच शरीराच्या घनतेवरून तुमच्या लठ्ठपणाचा अंदाज घेता येतो. यामध्ये शरीरातील चरबी आणि गंभीर आरोग्य जोखमीचे चांगले सूचकबिंदू अंदाज नोंदवले जातात. भारतात शरीराचा बीएमआय 30 किंवा त्याच्यावर असल्यास लठ्ठपणा आणि 25-30 बीएमआय असल्यास अती वजन असण्यावर शिक्कामोर्तब केले जाते. आपल्या शरीरात कमरेच्या खालच्या भागातील अवयवांच्या भोवती जमलेली चरबी म्हणजे बीएमआय संबंधी चरबी होय. उच्च बीएमआय आणि सभोवती साठलेली चरबी म्हणजे हृदय रोग, उच्च रक्त दाब, श्वसनाच्या समस्या आणि अन्य विकारांना आमंत्रित करणारी भयंकर जोखीम ठरू शकते. यासाठी या सर्व गोष्टींची माहिती आणि या घटकांचे व्यवस्थापन करून तुम्ही अधिक प्रभावीपणे वजन कमी आणि आरोग्याचे योग्य व्यवस्थापन करू शकता “
आता घरच्या घरी करा तुमच्या लठ्ठपणावर मात
ओमरॉन’ च्या वतीने बॉडी कंपोजिशन मॉनिटर्स सादर करण्यात आले आहे. ज्याद्वारे उपभोक्त्याला त्याच्या एकंदर आरोग्याचे बीएमआय, घनतेच्या सभोवती जमलेली चरबी, सांध्यांचे स्नायू आणि तत्सम घटक काही सेकंदांत अगदी सहज जाणून घेणे शक्य होते. हे उपकरण अभिनव आणि उद्योग क्षेत्रातील एकमेव जपानी फोर पॉइंट, एट सेन्सर- आधारीत फूल बॉडी सेन्सिंग टेक्नोलॉजीने युक्त आहे. याशिवाय त्यात ब्ल्यूटूथ कनेक्टिव्हीटी असल्याने उपकरणातून जमवलेली माहिती थेट ओमरॉन कनेक्ट अॅपवर पाठवता येते. जगभरातील लोकांना आरोग्यपूर्ण आणि आरामदायक आयुष्याची जाणीव करून देण्यात मदत म्हणून ओमरॉन हेल्थकेअरने सातत्याने उच्च गुणवत्तापूर्ण उत्पादने तयार करून जगभरात उपलब्ध करून देण्याचे उद्दिष्ट समोर ठेवले आहे. घरच्या घरी सहज उपलब्ध असणारे घरगुती आरोग्य व्यवस्थापन कंपनी उपलब्ध करून देण्यासाठी प्रयत्नरत आहे. डब्ल्यूएचओ अनुसार जगभरात 1975 पासून लठ्ठपणा वाढण्याच्या वारंवारतेत 3 पटीने वृद्धी झाली. 2016 च्या आकडेवारी अनुसार, 18 वर्षे आणि त्याहून अधिक वयाच्या 1.9 अब्जहून अधिक प्रौढ अति वजनदार तर त्यापैकी सुमारे 650 दशलक्ष लठ्ठ होते. 2020 च्या आकडेवारीनुसार 5 पेक्षा खालील वयाची जवळपास 39 दशलक्ष बालके लठ्ठ आढळून आली.
फोटोसौजन्य –
अधिक वाचा –
लठ्ठपणा (बेरिएट्रिक) शस्त्रक्रियेनंतर जीवनशैलीत करा हे चांगले बदल
लठ्ठपणा ठरतोय वंधत्वाचे मुख्य कारण, जाणून घ्या तथ्य
लठ्ठपणा कमी करण्यासाठी बॅरिएट्रिक शस्त्रक्रियेआधी आणि नंतर काय काळजी घ्याल
