कार्तिक आर्यन लवकरच एकता कपूरच्या रोमॅंटिक थ्रिलर फ्रेडीमध्ये मुख्य भूमिकेत झळकणार आहे. कार्तिकने फ्रेडीच्या शूटिंगला सुरूवातदेखील केली आहे. या चित्रपटात त्याच्यासोबत अभिनेत्री तारा सुतारिया मुख्य भूमिकेत दिसणार होती. मात्र तिच्या जागी आता अलाया एफ या चित्रपटात असेल. अलायाच्या आधी अनेक अभिनेत्रींचा या चित्रपटासाठी विचार करण्यात आला होता. निर्मात्यांनी या चित्रपटासाठी सर्वात आधी ताराची निवड केली होती. मात्र ताराला डावलून आता अलाया या चित्रपटात कार्तिक आर्यनसोबत स्क्रिन शेअर करणार आहे.
ताराने का नाकारलं कार्तिकसोबत काम
फ्रेडीसाठी निर्मात्यांना एका फ्रेश जोडीची गरज होती. ज्यामुळे त्यांनी कार्तिकसोबत तारा सुतारियाची निवड केली. मात्र ताराने या चित्रपटात काम करण्यासाठी नकार दिला. सूत्रांनी दिलेल्या माहितीनुसार तारा आधीच साजिद नाडियावालाच्या आगामी चित्रपटात काम करत आहे. सााजिद तारा सोबत हिरोपंती 2 आणि तडप हे दोन चित्रपट करत आहे. शिवाय साजिदचा आणखी एका चित्रपटासाठी ताराला साइन केलं जाण्याची शक्यता आहे. यासोबत तारा ए व्हिलन 2 मध्ये अर्जून कपूरसोबत झळकणार आहे. जेव्हा ताराला फ्रेडीची ऑफर मिळाली तेव्हा ताराच्या हिरोपंती 2 च्या डेट्समुळे तिच्याजवळ वेळ नव्हता. शिवाय तारा साजिदच्या तीन तीन चित्रपटाची हिरोईन असल्यामुळे त्याने ताराला तारखा अॅडजस्ट करू दिल्या नाहीत. ज्यामुळे नाईलाजाने ताराला फ्रेडीची ऑफर नाकारावी लागली.
काय आहे कार्तिकचा फ्रेडी
एकता कपूर आणि जय शेवाकरमणि फ्रेडीची निर्मिती करत आहेत. शशांक घोष या चित्रपटाचे दिग्दर्शन करणार आहे. फ्रेडी हा एक कंटेट बेस चित्रपट असून या चित्रपटाची शूटिंग ऑगस्टमध्ये सुरु झाली आहे. फ्रेडी 2022 ला प्रदर्शित होण्याची शक्यता आहे. एकताने तिच्या बालाजी मोशन पिक्चर्सच्या ऑफिशल पेजवरून या चित्रपटाचे अपडेट शेअर केले होते. या चित्रपटाचे शूटिंग वेगात सुरू असल्यामुळे पुढच्या महिन्यातच या चित्रपटाचे शूटिंग पूर्ण केलं जाण्याची शक्यता आहे. कार्तिक आर्यनदेखील त्याच्या इतर चित्रपटाच्या शूटिंगमध्ये व्यस्त आहे. मात्र तरिही तो ‘फ्रेडी’ आणि ‘भुलभुलैया’चं शूटिंग एकत्र करत आहे. याशिवाय कार्तिक ‘कॅप्टन इंडिया’मध्येही दिसणार आहे. त्याने या चित्रपटाती फर्स्ट लुक शेअर केला होता. हा चित्रपट सत्य घटनेवर आधारित आहे. ज्याची निर्मिती हंसल मेहता करत आहे. कार्तिक या चित्रपटात एका वायुसेना अधिकाऱ्याची भूमिका साकारणार आहे. त्याचप्रमाणे कार्तिकदेखील साजिदच्या ‘धमाका’मधून प्रेक्षकांसमोर येणार आहे.
