बॉलिवूडचे अनेक ज्येष्ठ कलाकारांची पिढी आता या क्षेत्रात पदार्पण करु लागली आहे. आतापर्यंत अनेक स्टार किड हे चित्रपटांमधून झळकले आहेत .आता या यादीत आणखी एका कलाकाराची भर पडणार आहे. मिळालेल्या माहितीनुसार एका ज्येष्ठ अभिनेत्याचा नातू हा लवकरच चित्रपटातून पदार्पण करणार आहे. कपूर घराण्याशी संबधित असलेल्या या कलाकारांच्या नावाची आणि त्याच्या प्रोजेक्टची घोषणा देखील सगळीकडे होऊ लागली आहे. त्यामुळे आता हा नवा चेहरा कोण? असा प्रश्न तुम्हाला पडणे देखील अगदी साहजिकच आहे. चला जाणून घेऊया या विषयी अधिक माहिती
पुन्हा एकदा एकत्र येणार गोविंदा आणि रविनाची सुपरहिट जोडी
हा नवा चेहरा दिवंगत अभिनेत्याचा नातू
बॉलिवूडमध्ये कपूर घराण्याचा चांगलाच दबदबा आहे. आतापर्यंत करिश्मा कपूर, करिना कपूर, रणबीर कपूर असे काही चेहरे आलेले आहेत. आता यामध्ये आणखी एकाची भर पडणार आहे. कपूर घराण्याचा हँडसम असा चेहरा म्हणजेच दिवंगत शशी कपूर यांचा नातू हा लवकरच चित्रपटात येणार आहे. शशी कपूर यांचा मुलगा पृथ्वीराज कपूर यांचा हा मुलगा असून त्याचे नाव जहान पृथ्वीराज कपूर असे आहे. त्याचे फोटो हे आता सगळीकडे व्हायरल होऊ लागले आहेत.जहानने एक प्रोजेक्ट साईन केला असून तो लवकरच कामाची सुरुवात करणार आहे. त्याच्यासोबत आणखी कलाकार असल्याची माहिती देखील मिळाली आहे. पण अजूनही चित्रपटाच्या नावाविषयी काहीच माहिती समोर आलेली नाही.
आमीर खानच्या घटस्फोटावर मुलगी इराची प्रतिक्रिया,शेअर केली पोस्ट
अनुभव सिन्हाच्या चित्रपटात झळकणार हा चेहरा
मिळालेल्या माहितीनुसार जहान हा अनुभव सिन्हा यांच्या चित्रपटात काम करणार आहे. त्याच्यासोबत आदित्य स्क्रिन शेअर करणार आहे. अनुभव सिन्हांनी या विषयी माहिती दिली आहे. त्यांनी यामध्ये म्हटले आहे की, नव्या चेहऱ्यांसोबत काम करण्यास ते फारच उत्सुक आहेत. चित्रीकरणाचे काम सुरु झालेले आहे. लवकरच हा प्रोजेक्ट आणि त्याविषयीची अधिक माहिती ही दिली जाणार आहे. त्यामुळे आता या चित्रपटाची सगळ्यांनाच प्रतिक्षा आहे.
शशी कपूरची झलक
शशी कपूर हे त्यांच्या काळातील चॉकलेट हिरो म्हणून प्रसिद्ध होते. त्यांनी अनेक हिट चित्रपटात कामे केली आहेत. शशी कपूरची झलक ही पूर्णपणे जहानमध्ये पाहायला मिळते.जहानचा चेहरा हा अगदी तसाच मिळता जुळता आहे. त्यामुळे त्यालाही नक्कीच प्रेक्षक पसंती मिळेल अशी अपेक्षा आहे. जहानची इन्स्टाग्राम प्रोफाईल पाहिल्यानंतर तो थिएटर आणि मनोरंजन क्षेत्राशी निगडीत असलेला दिसतो. त्यामुळे नक्कीच तो लोकांना आवडेल अशी अपेक्षा आहे.
स्टार किड आणि नेपोटिझम
स्टार किड आल्यानंतर नेहमीच त्याची जोरदार चर्चा होते. वारसा हक्काने मिळालेली कला आणि त्यांना मिळणाऱ्या संधी यामुळे ही लोकं नेहमीच ट्रोल होत असतात. काहीच वर्षांपूर्वी श्रीदेवींची मुलगी जान्हवी कपूर,सैफ अली खानची मुलगी सारा अली खान चित्रपटात आली आहे. त्यांनी आपली जागा यामध्ये निर्माण केली आहे. आता यामध्ये जहानची भर पड्ल्यामुळे नक्कीच त्याचीही जोरदार चर्चा होणार यात काही शंका नाही.
आता तुम्हाला जहान कसा वाटला आम्हालाही नक्की कळवा.
सेलिब्रिटींचे लग्न आणि घटस्फोट….समाजातील घटकांवर होतो का परिणाम
