आपल्यापैकी जवळजवळ सगळ्याच्यांच टिपिकल नाश्ता म्हणजे इडली-सांबार (Idli-Sambhar). पण तुम्हाला हे जाणून आश्चर्य वाटेल की, इडली-सांबार खाल्ल्यास तुम्हाला वजन कमी (Weight Loss) करण्यात मदत होईल. आहे ना खूषखबर.
हलकीफुलकी इडली
इडली तर पचायला हलकी असते हे सर्वांना माहीत आहेच. कारण इडलीही तांदळापासून बनवलेली असते. त्यामुळे इडलीत कार्बोहायड्रेट, प्रोटीन, व्हिटॅमीन्स आणि मिनरल्स असतात. इडलीमधील कॅलरीजसुद्धा कमी असतात पण ती तेवढीच एनर्जी देणारी असते. याचमुळे इडली खाल्ल्याने वजन नियंत्रित राहतं. तसंच पचण्यासाठीही इडली हलकी असते. असं असूनही इडली खाल्ल्यावर तुम्हाला लगेच भूक लागत नाही. त्यामुळेच इडली भारतीयांच्या आवडत्या नाश्त्याच्या पर्यांयापैकी एक आहे.
पोषण करणारी इडली
उडीद डाळ, तांदूळ आणि रवा अशी विविध प्रकारे बनवली जाणारी इडली अनेकांना आवडते. आपल्या उच्च न्यूट्रिशन व्हॅल्यूमुळे इडलीला नाश्त्यासाठी सर्वात जास्त पसंती दिली जाते. वाफवलेली, टम्म फुगलेली आणि पचायला हलकी असणारी इडली आरोग्य आणि फिटनेस प्रती जागरूक असणाऱ्या लोकांमध्ये सर्वाधिक पसंत केली जाते. त्यामुळेच असं म्हणण्यात येतं की, इडली सांबार खाल्ल्यास तुमचं वजन कमी होण्यास मदत होते.
इडली आणि सांबारची जोडी
इडली ही नेहमी नारळाची चटणी आणि सांबारसोबत खाल्ली जाते. इडली सांबारसोबत खाणं फायदेशीर मानलं जातं. कारण यामध्ये असलेल्या भाज्या आणि डाळींमुळे तुम्हाला आवश्यक पोषण मिळतं. यात मसाले असले तरी सांबारमुळे कधीही अॅसिडीटी वाढत नाही.
कसं कराल इडली खाऊन वजन कमी Idli Sambhar for Weight Loss
- इडली सांबार वजन आटोक्यात आणण्यास मदत करतं कारण इडलीमध्ये काहीच तेल नसतं. इडलीही वाफेवर शिजवली जाते. इडली ही तांदळापासून बनवलेली असल्याने त्यात कार्ब्सची मात्रा अधिक असते. इडलीच्या पीठात तुम्ही बारीक चिरलेल्या भाज्या घालून ते अधिक चविष्ट आणि पौष्टीक बनवू शकता.
- इडलीमुळे वजन कमी होण्यास मदत होते कारण पचनासाठी आणि आतड्यांसाठीही इडली चांगली असते. आंबवून बनवण्यात आल्यामुळे यामध्ये लॅक्टिक एसिड असतं जे आतड्यातील पीएच स्तर बदलतं. जे आरोग्य आणि दीर्घायुष्याशी निगडीत आहे.
- इडलीमध्ये असतात प्रोटीन्स आणि भरपूर फायबर्स. जे तुमचं पोट बराच काळ भरलेलं असल्यासारखं भासवतं. ज्यामुळे तुम्हाला सारखी भूक लागत नाही.
सांबार वजन घटवण्यात करतं मदत
जशी इडली पौष्टीक आहे तसंच सांबारही आहे. सांबारमध्ये भरपूर फायबर प्रोटीन आणि अँटीऑक्सीडंट्स असतात. हे पचन सुधारतं आणि त्यामुळे वजन कमी होण्यास मदत होते. वजन घटवण्यासाठी तुम्ही सांबार बनवताना जास्तीत जास्त भाज्या घालून अजून पौष्टिक बनवू शकता.
इडली सांबार खाऊन वजन घटवण्यासाठी खास टिप
- विशेषज्ञांनुसार, तुमच्या शरीरांमध्ये कार्ब्स जमा न होऊ देण्यासाठी तुम्ही इडलीच्या पीठात सिट्रस ज्यूस (citrus juice) मिक्स करू शकता
- तसंच इडलीच्या पीठात ओट्स घालून अजून पौष्टीक बनवू शकता. ओट्स हे प्रोटीन आणि फायबरयुक्त असतात. जे तुमच्यात पोट भरलं असल्याची भावना निर्माण करतं.
तोंडाला चव आणणारा नाश्ता
बरेचदा आजारी असलेल्या किंवा आजारातून बरं होणाऱ्या पेशंट्सनाही इडली-सांबारचा नाश्ता देण्यासाठी डॉक्टर सांगतात. कारण इडली आणि सांबारमुळे तोंडाला चवही येते आणि पचनही सहज होतं. तसंच वजन कमी करतानाही जीभेवर नियंत्रण राहण्यासाठी इडली-सांबार उपयुक्त ठरतं. त्यामुळे तुमच्या रोजच्या आहारात इडलीचा समावेश करून तुम्ही वजनावर नियंत्रण आणू शकता.
हेही वाचा –
वजन कमी करण्यासाठी जमिनीवर बसून जेवणे ठरेल फायदेशीर
जलद वजन करायचं असेल कमी, तर ‘या’ 10 सवयी आवश्यक
