हिवाळा आला की, सरसकट सगळ्यांचीच त्वचा बदलू लागते. जर तुमची त्वचा फारच नाजूक असेल तर अशा त्वचेची काळजी घेणे फारच कठीण होऊन जाते. तुमची त्वचा नाजूक असेल तर तर तुम्हाला काही गोष्टींची काळजी आणि काही skin routine जाणून घेणे फारच गरजेचे आहे. कारण जर तुम्ही तुमच्या त्वचेची अशा पद्धतीने काळजी घेतली तर तुमची त्वचा थंडीतही चांगली राहील. तुम्हाला थोडी काळजी घेण्याची गरज आहे जी तुम्ही घरच्या घरी आणि सोप्या पद्धतीने आरामात घेऊ शकता.
तुमची त्वचा नाजूक असली तरी तुम्हाला मॉश्चरायझर गरजेचे असते हे लक्षात ठेवा. फक्त एक गोष्ट लक्षात ठेवायची आहे ती म्हणजे नाजूक त्वचेला सरसकट कोणतेही मॉश्चरायझर वापरता येत नाही, तुम्हाला मॉश्चरायझर निवडायची भीती असेल तर तुम्ही बेबी लोशन लावा. कारण तुम्ही बेबी लोशन लावले तर त्याचा जास्त त्रास तुम्हाला होणार नाही. कारण त्यामधील घटक बाळांच्या नाजूक त्वचेसाठी अगदी योग्य असतात. म्हणून तुम्हाला असे मॉश्चरायझर वापरायला काहीच हरकत नाही. पण तुम्ही आंघोळ केल्यानंतर आणि रात्री झोपताना मॉश्चरायझर लावा.
हिवाळ्यात त्वचा कोरडी पडते. तुमची त्वचा सतत कोरडी पडत असेल तर तुमच्या त्वचेसाठी ती हायड्रेट ठेवणे फारच गरजेचे असते. जर तुम्ही सतत चेहरा धूत राहाल तर तुमचा चेहरा कोरडा पडेल. त्यामुळे दिवसातून फक्त दोनदा चेहरा धुवा. फेसवॉश निवडताना तुम्ही एकदम लाईट फेसवॉश निवडा. म्हणजे त्यामुळे तुमचा चेहरा कोरडा पडणार नाही.
जर तुमचा चेहरा खूपच नाजूक असेल तर मग तुम्ही चेहरा स्क्रब करु नका. कारण त्यामुळे तुमचा चेहरा कोरडा पडून चेहरा फुटण्याची शक्यता अधिक असते. त्यामुळे नाजूक त्वचा असणाऱ्यांना या दिवसात स्क्रब टाळा.
चेहरा स्वच्छ करण्यासाठी तुम्हाला वाफ घेण्याची सवय असेल तर तुम्ही ते ही अजिबात करु नका. कारण सतत वाफ घेतल्यामुळे तुमच्या चेहऱ्यावरील मॉश्चर निघून जाते.त्वचा कोरडी पडून तुम्हाला रॅशेश येण्याची शक्यता अधिक असते. त्यामुळे तुम्ही शक्यतो वाफ घेऊ नका.
तुम्हाला जर नैसर्गिकरित्या चांगली त्वचा हवी असेल तर तुम्ही तुमच्या आहारात फळं असू द्या. जर तुम्हाला फळ खायला जमत नसतील तर आणि व्हिटॅमिन C चे सप्लिमेंट तुम्हाला चालत असतील तर तुम्ही व्हिटॅमिन C चे सेवन करु शकता. पण तुमच्या त्वचेतील तजेला टिकवण्यासाठी व्हिटॅमिन C आवश्यक असते.
अगदी सोप्या गोष्टी करुन तुम्ही तुमच्या त्वचेची काळजी घ्या आणि सुंदर दिसा.
#POPxoLucky2020 ने आम्ही देत आहोत या दशकाला निरोप, प्रत्येक दिवशी असेल एक नवीन सरप्राईज, मग नक्की बघा नवीन POPxo Zodiac Collection ज्यामध्ये आहे नोटबुक्स, फोन कव्हर्स आणि मॅजिक मग्ज्स जे आहेत मजेशीर आणि अगदी 100% तुमच्यासारखे. एवढंच नाहीतर यावर आहे 20% डिस्काऊंट, मग लगेच क्लिक करा POPxo.com/shopzodiac आणि शॉप करा.