Bigg Boss Marathi च्या घरात आता एक महिना पूर्ण झाला आहे.या घरात कॅप्टन बनवणे हे फारच कठीण असे टास्क आहे. कॅप्टन्सी टास्क कितीही आले तरी त्याचे रुपांतर आतापर्यंत हे भांडणात झाले आहे. अखेर घरात कॅप्टन निवडण्यासाठी एक सोपा टास्क घरात देण्यात आला. त्यामध्ये सगळ्यात जास्त मत मिळून दादूस हे कॅप्टन पदावर विराजमान झाले आहेत. पण या कार्याआघी इतरांना रडवणारी मीरा ही ढसाढसा रडताना दिसली. त्यामुळे सगळ्यांनाच धक्का बसला. याचा प्रोमो आल्यापासूनच खूप जणांना हे जाणून घ्यायचे होते की, मीरा का रडली? याचे कारण नव्या एपिसोडमध्ये कळले आहे. जे ऐकून खूप जणांना धक्का बसला आहे.
Bigg Boss Marathi: उत्कर्ष आणि जय खेळतात रडीचा डाव, प्रेक्षक नाराज
मिनलमुळे रडली मीरा
टास्कदरम्यान आणि इतरवेळीही मीरा घरात वेगळ्याच तोऱ्यात वावरत असते. मी अशीच आहे असे म्हणत ती सगळ्यांशी उद्धट बोलते. पण ते तिला अनेकदा लक्षात आणूनही येत नाही. असे असताना चल रे भोपळ्या टास्कमध्ये ज्यावेळी तिची आणि मिनलची बाचाबाची झाली. त्यावेळी दोघी एकमेकांना बोलल्या. पण हा टास्क संपल्यानंतर अचानक गायत्री आणि मीरा एकत्र बसलेल्या असताना मीराला ढसाढसा रडू कोसळले. ज्यावेळी तिला गायत्रीने कारण विचारले त्यावेळी ती म्हणाली की, मिनल मला जे बोलते त्यामुळे मला खूप वाईट वाटलं. आता तिच्याशी माझा वाद होईल किंवा चांगलं होईल. असं ती म्हणाली. त्यामुळे तिला काय म्हणायचे होते हे कळले नाही. पण मीराचे हे वागणे प्रेक्षकांना फारच धक्का देणारे होते. हा प्रोमो आल्यानंतर आणि एपिसोड आल्यानंतर लोकांनी जे कारण ऐकले त्यावरुन तिने घरीच जावे असा सल्ला खूप जणांनी दिला आहे. त्यामुळे जर मीराला सिंपथी मिळवायची होती तर ते अजिबात झालेले नाही असे देखील अनेकांनी म्हटले आहे.
विशाल- विकासची टीम पुन्हा होतेय एकत्र
बाईकचा टास्क ज्यावेळी झाला होता. त्यावेळी विकास- विशालची मैत्री दिसून आली होती. पण काही टास्कनंतर ही मैत्री कमी होताना दिसली. मिनल- विशाल-सोनाली असे त्रिकूट झाले. आविष्कार हा खूप वेळा तळ्यात मळ्यात दिसला होता. तर मध्येमध्ये विकास हा देखील नेमका कुठे खेळतो हे कळत नव्हतं. पण आता हा गट पुन्हा एकदा एकत्र येताना दिसत आहे. वाईल्ड कार्ड एन्ट्री म्हणून आलेल्या आदिशनेही विकासच्या ग्रुपमध्ये जाणे पसंत केले. त्याने देखील बाहेर पाहिल्यानुसार या गटाला एकत्र राहण्याची गरज आहे हे सांगितले होते. आता याचा थोडासा परिणाम होताना दिसत आहे. असे म्हणायला हवे. कारण विकासला घरातल्या त्याच्या गटाने कॅप्टन्सी टास्कच्यावेळी आपली मतं दिली. त्यामुळे आता सगळ्यांना पुन्हा एकदा एकत्र येण्याची गरज आहे.
सुयश टिळकच्या घरी सुरु झाली लगीनघाई, पाहा फोटोज
कोण जाईल या आठवड्यात
यंदाचे नॉमिनेशन टास्क हे भलतेच वेगळे झाले आहे. कारण आजीबाईंच्या टास्कमध्ये झालेल्या हातापायीमुळे स्नेहा, विशाल आणि गायत्री हे नॉमिनेट झाले आहेत. त्याआधी नॉमिनेशन टास्कमध्ये मिनल, विकास, दादूस, आदिश नॉमिनेस झाले आहेत. त्यामुळे आता आठवड्याच्या शेवटी कोण जाईल ? असा प्रश्न पडला आहे.
आता मीराचे रडणे आणि दादूसचे कॅप्टन होणे याचा परिणाम घरावर कसा होईल ते पाहावे लागेल.
