बेल बॉटममधला लाराचा लुक व्हायरल, इंदिरा गांधींच्या भूमिकेत ओळखणं कठीण

बेलबॉटम चित्रपटाचा ट्रेलर मंगळवारी प्रदर्शित झाला .दिल्लीमध्ये एका कार्यक्रमादरम्यान या चित्रपटाचा ट्रेलर प्रदर्शित करण्यात आला. बेलबॉटममध्ये अक्षय कुमार, लारा दत्ता, वाणी कपूर आणि हुमा कुरैशीच्या मुख्य भूमिका आहेत. एका सत्य घटनेवर आधारित हा चित्रपट असून यामध्ये विमान अपहरणाची घटनाा दाखवण्यात येणार आहे. अक्षय कुमार या चित्रपटात एक अंडर कव्हर एजेंटची भूमिका साकारणार असून लारा दत्ता चक्क प्रधानमंत्रीच्या भूमिकेत असणार आहे. नुकताच प्रदर्शित करण्यात आलेला ट्रेलर प्रेश्रकांना खूपच आवडला असून यात इंदिरा गांधी यांची भूमिका साकरणाऱ्या लाराला लोकांना ओळखताही आलं नाही. जाणून घ्या या चित्रपटाविषयी आणि लाराच्या या खास लुकविषयी

खण मंगळसूत्राचा ट्रेंड, समिधा गुरूचा मराठमोळा साज

मेकअप आर्टिस्टची कमाल

बेलबॉटमच्या ट्रेलरमध्ये कलाकारांचा अभिनय, संगीत आणि चित्रीकरणाचा उत्तम मेळ दिसून आला आहे. विशेष म्हणजे या चित्रपटाच्या ट्रेलरमध्ये इंदिरा गांधींंची भूमिका साकारणारी अभिनेत्री चक्क लारा दत्ता आहे हे लोकांच्या साधं लक्षातही आलेलं नाही. याचं कारण लाराचा या चित्रपटासाठी इतका परफेक्ट मेकओव्हर करण्यात आलेला आहे की ती लारा आहे हे कुणालाच कळू शकत नाही. जेव्हा लारा संवाद बोलू लागते तेव्हाच तिच्या आवाजावरून या भूमिकेत लारा असल्याचा अंदाज बांधता येतो. ट्रेलर पाहताना थोड्यावेळासाठी प्रेक्षक आश्चर्यचकीत होतात आणि मग आवाजावरून मेकअप आर्टिस्टची कमाल त्यांच्या लक्षात येते. मेकअप करताना ती हुबेहुब इंदिरा गांधीजीसारखी दिसेल याची पुरेपूर काळजी घेण्यात आली आहे. या लुकसाठी मेकअप आर्टिस्टचे कौतुक व्हायलाच हवे. अनेकांनी तर या लुकसाठी मेकअप आर्टिस्टला नॅशनल अवॉर्ड द्यावं अशी मागणी केली आहे.

काय आहे बेलबॉटमचे कथानक

बेलबॉटमच्या ट्रेलरवरून हा चित्रपट कंधार हायजॅक या घटनेवर आधारित आहे असं वाटत आहे. 1984 साली दिल्लीत ही घटना घडली होती. या चित्रपटात अक्षयला पुन्हा एकदा स्पाय एजंटच्या भूमिकेत पाहायला मिळणार आहे. बेल बॉटम 19 ऑगस्टला प्रदर्शित होत आहे. विशेष म्हणजे हा चित्रपट ओटीटीवर नाही तर सिनेमागृहात प्रदर्शित होणार आहे. सध्या अनलॉकमुळे अनेक चित्रपटगृहे सुरू झालेली आहेत. ज्यामुळे या वर्षी हा दमदार चित्रपट सर्वांना चित्रपटगृहात पाहण्याचा आनंद घेता येणार आहे.सूत्रांनी दिलेल्या माहितीनुसार हा चित्रपट थ्रीडी फॉर्मेटमध्येही पाहता येणार आहे. बेल बॉटम रंजीत तिवारी यांनी दिग्दर्शित केला आहे. पूजा इंटरटेंटमेंट आणि एम्मे इंटरटेंटमेंट द्वारा तो प्रदर्शित केला जाणार आहे. वासु भगनानी,जॅकी भगनानी, दिपशीखा देशमुख, मोनिशा अडवाण, मधु भोजवानी आणि निखिल अडवाणी या चित्रपटाची निर्मिती करत आहेत. चित्रपटाचे कथानक, कलाकारांच्या अभिनय, संगीताची उत्तम साथ आणि लाराचा लुक प्रेक्षकांना खिळवून ठेवण्यात यशस्वी ठरेल असं निर्मात्यांना वाटत आहे.

विकी कौशलचा बदलला लुक, आगामी चित्रपटासाठी केले ट्रान्सफॉर्मेशन

जान्हवी कपूरचा वेडिंग प्लॅन, या पद्धतीने पार पडणार लग्नसोहळा