निसर्ग हा माणसाच्या जीवनाचा एक अविभाज्य भाग आहे. माणूसही निसर्गाचाच एक भाग आहे. निसर्ग हा क्रिया तशी प्रतिक्रिया या तत्त्वानुसार काम करतो. त्यामुळे सहाजिकच आपण जेव्हा निसर्गाची काळजी घेतो, तेव्‍हा निसर्ग देखील आपले संरक्षण करतो. आपण करत असलेल्या स्‍वयंपाक, साफसफाई, प्रवास अशा आपल्‍या दैनंदिन कृतींचा पर्यावरणावर अनेक पद्धतीने परिणाम होत असतो. आता लॉकडाऊनमध्ये माणसाचे जीवन जीवन काहीसे मंदावलेले असताना निसर्ग मात्र छान बहरला आहे. त्यामुळे या लॉकडाऊनच्या काळाने आपल्‍याला एक महत्त्वपूर्ण शिकवण दिली आहे, ती म्‍हणजे सुखी राहण्यासाठी नैसर्गिक विश्‍वाचे जतन करणे. आपण गतकाळात परत जाऊ शकत नाही आणि म्‍हणूनच सस्टेनेबल राहणीमान अवलंबणे अत्यंत महत्त्वाचे झाले आहे. सस्टेनेबल राहणीमान म्‍हणजे नैसर्गिक संसाधनांचा वापर मर्यादित स्‍वरूपात करणे आणि हरित पद्धतींचा सर्वोत्तम पद्धतीने अवलंब करण्‍यासाठी योग्‍य निवड करणे. यंदाच्‍या जागतिक पर्यावरण दिनाची थीम आहे इकोसिस्टिम रिस्‍टोरेशन. याबाबत टिव्‍ही कलाकार ‘भाबीजी घर पर है’ फेम महाराष्‍ट्रीयन मुलगी नेहा पेंडसे म्हणजेच अनिता भाभी आणि ‘और भई क्‍या चल रहा है? फेम आकांशा शर्मा म्हणजेच सकिना मिर्झा यांनी सस्टेनेबल राहणीमान अवलंबण्‍याप्रती त्‍यांच्‍या काही प्रतिक्रिया चाहत्यांसोबत शेअर केल्या आहेत.
काय आहे नेहा पेंडसेचे याबाबत मत
‘भाबीजी घर पर है’मधील नेहा पेंडसे म्हणजेच अनिता भाभी म्हणाली, ”सोप्‍या भाषेत सस्टेनेबल राहणीमान म्‍हणजे आपल्‍या जीवनशैली निवडींचा आसपासच्‍या विश्‍वावर होणारा परिणाम जाणून घेणे आणि सर्वांनी उत्तमपणे व जबाबदारपूर्वक जगण्‍यासाठी मार्ग शोधून काढणे. हरित पद्धतींचा अवलंब हा आपल्‍या भूमातेचे संवर्धन व संरक्षण करण्‍याचा उत्तम मार्ग आहे. यासंदर्भात मी प्‍लास्टिकचा वापर कमी केला आहे आणि त्‍याऐवजी माझ्या किराणा माल व इतर आवश्‍यकतांसाठी प्‍लास्टिक-मुक्‍त पर्यायांचा वापर करते. मी सोबत सुती किंवा तागाच्‍या पिशव्‍या घेऊन जाण्‍याची काळजी घेते. ऊर्जेसंदर्भात मी इन्‍कॅन्‍डेसण्‍ट लायटिंगऐवजी एलईडी लायटिंग किंवा सीएफएल बल्‍ब्सचा वापर करते, कारण हे दीर्घकाळापर्यंत टिकतात आणि ऊर्जेची बचत करतात. याव्‍यतिरिक्‍त मी नैसर्गिक प्रकाशाला देखील प्राधान्‍य देते, ज्‍यामुळे ऊर्जासंवर्धनामध्‍ये मदत होण्‍यासोबत काहीशा अधिक प्रमाणात सूर्यप्रकाश मिळण्‍यामध्‍ये देखील मदत होते. आपल्‍या रोजच्‍या सवयींमधील हे लहानसे बदल आपल्‍याला पर्यावरणदृष्‍ट्या जागरूक बनवू शकतात आणि मोठे परिवर्तन घडून येऊ शकते. यासोबतच जाणून घ्या जागतिक पर्यावरण दिनानिमित्त घोषवाक्य (Save Environment Slogan In Marathi)
काय म्हणाली आकांशा शर्मा
‘और भई क्‍या चल रहा है?’मधील आकांशा शर्मा म्हणजेच सकिना मिर्झा म्हणाली, ”पर्यावरणाचे संरक्षण करणे आणि पर्यावरणाचा -हास कमी करणे महत्त्वाचे आहे. या भूमातेच्‍या अधिवासामध्‍ये आपले नैतिक कर्तव्‍य पर्यावरणाचे प्रदूषणापासून, तसेच पर्यावरणाचा-हास करणा-या इतर कृतींपासून संरक्षण करण्‍याचे असले पाहिजे. आपले पर्यावरण आपल्‍याला शुद्ध हवा, पाणी, अन्‍न अशी अनेक नैसर्गिक संसाधने देते आणि आपण पर्यावरणाचे संरक्षण करत ऋण फेडले पाहिजे. वाहनांद्वारे होणारे वायू प्रदूषण विशेषत: मेट्रो शहरांमध्‍ये मोठी समस्‍या बनली आहे. म्‍हणून मी माझ्या वाहनाचा वापर न करता शक्‍यतो लहान अंतरासाठी पायीच चालत जाते. तसेच मी प्‍लास्टिकचा वापर आणि पाणी व इतर नैसर्गिक संसाधनांचा अपव्‍यय टाळते. आपल्‍या भूमातेची परतफेड आणि भेट म्‍हणून आम्ही दर सहा महिन्‍यांनी एक रोपटे लावण्‍याचे ठरवले आहे. आपण हरित व शुद्ध पर्यावरणासाठी अनेक गोष्‍टी करू शकतो. चला तर मग संघटित होऊन असे सोपे मार्ग शोधून काढूया, जे आपल्‍याला पर्यावरणाप्रती आपले योगदान देण्‍यामध्‍ये मदत करू शकतात.” यासोबतच वाचा जागतिक जल दिवसानिमित्त ’50’ पाणी वाचवा घोषवाक्य (Save Water Slogans In Marathi) आणि जाणून घ्या निसर्गावर कविता आणि सुविचार (Nature Quotes In Marathi)
फोटोसौजन्य – इन्साग्राम
अधिक वाचा –
