अनलॉकनंतर पुन्हा एकदा लग्नाच्या सीझनला जोरदार सुरुवात झाली आहे. त्यामुळे या सीझनमध्ये कोणत्या सेलिब्रेटीचं लग्न असणार याकडे चाहत्यांचे लक्ष लागले आहे. बॉलीवूडमधील एखाद्या सेलिब्रेटी कपलचं लग्न म्हणजे चाहत्यांसाठी पर्वणीच असते. त्यांच्या अफेअरपासून ते थेट हनिमुनपर्यंत सर्व गोष्टींची माहिती जाणून घेण्यास चाहते उत्सुक असतात. सध्या अभिनेता रणबीर कपूर आणि अभिनेत्री आलिया भट्ट यांच्या लग्नाची चर्चा पुन्हा एकदा सोशल मीडियावर सुरू झाली आहे. या चर्चेमागचं कारण देखील तितकंच महत्त्वाचं आहे. कारण सध्या रणबीर आणि आलिया त्यांच्या लग्नाचा वेन्यू ठरवण्यासाठी जोधपूरमध्ये दाखल झाले आहेत. सोशल मीडियावर या दोघांचे फोटोदेखील व्हायरल होत आहेत.
रणबीर आणि आलियाचा वेडिंग प्लॅन
सोशल मीडियावर रणबीर आणि आलिया जोधपूरमध्ये गेल्याचे फोटो व्हायरल झाले आहेत. सेलिब्रेटीजमध्ये जोधपूर हे एक लोकप्रिय वेडिंग डेस्टिनेशन आहे. यापूर्वी अनेक सेलिब्रिटीजनी या ठिकाणी आपल्या लग्नाची गाठ बांधली आहे. त्यामुळे रणबीर आणि आलियाला जोधपुरमध्ये पाहिल्यामुळे चाहत्यांनी या दोघांचं लग्न लवकरच होणार असा अंदाज बांधला आहे. ज्यामुळे सर्वांनी या फोटोवर लाईक्स आणि कंमेट्सचा पाऊसच पाडण्यास सुरुवात केली आहे. यापूर्वी देखील रणबीर आणि आलियाची खोटी लग्नपत्रिकाही चाहत्यांनी बनवून तिला व्हायरल केली होती. त्यामुळे याबाबत अधिकृत घोषणा होईपर्यंत नक्की काहीच सांगता येणार नाही.
हिना खानचा दिलखेचक अंदाज, अंगद बेदीसोबत दिले बोल्ड सीन्स
का सुरू झाली रणबीर आलियाच्या लग्नाची चर्चा
काही दिवसांपूर्वीच आलिया रणबीरच्या नवीन घराची पाहणी करण्यासाठी त्याच्यासोबत गेली होती. आलियाने घराची बारकाईने पाहणी केली होती आणि तिथल्या लोकांची संवाददेखील साधला होता. प्रत्येक मजल्यावरील आणि प्रत्येक रूममधील सुरु असलेल्या बांधकामाची तिने पाहणी केली होती. त्यानंतर रणबीर आणि आलिया पुन्हा एकदा जोधपुरमध्ये एकत्र दिसले. याचा अर्थ त्यांच्या घरी नक्कीच मंगल सोहळ्याची तयारी सुरू असणार असा अंदाज लावला जात आहे. काही दिवसांपासून रणबीर आणि आलिया दोघंही त्यांच्या कामात व्यस्त होते. रणबीर बिझी असताना घराच्या कामाच्या जबाबदारीकडे आलिया जातीने लक्ष घालत होती. आता मात्र दोघंही निवांतपणे जोधपूरमध्ये फिरत आहेत. याचा अर्थ बी टाऊनमध्ये लवकरच सनईचे सूर ऐकू येण्याची शक्यता आहे. कोरोनामुळे या दोघांनी लग्न पुढे ढकल्याची चर्चा होती. मात्र आता सर्व पूर्ववत होताच पुन्हा त्यांच्या घरी लग्नाची तयारी सुरू झाल्याची चर्चा आहे.
‘पैंजण तुझं’ रोमँटिक कोळीगीतामध्ये दिसणार DID फेम दीपक हुलसुरे
या अभिनेत्याला व्हायचे आहे रस्ते कॉन्ट्रॅक्टर,भन्नाट पोस्ट होतेय व्हायरल
