केसांना स्ट्रेट करणं ही काही आता नवी फॅशन नाही. पण तरीही अजूनही केस सरळ करून घेण्याची अनेकांची क्रेझ कमी झालेली नाही. आता पार्लरमध्येही केस सरळ करण्याच्या वेगवेगळ्या पद्धती आल्या आहेत. पण या प्रत्येकाच्या खिशाला परवडतीलच असं नाही. त्यामुळे काही जण घरात स्ट्रेटनर आणून केस सरळ करतात. पण हे अगदी एक दिवसापुरतं मर्यादित असते. पण केसांवर सतत केमिकल आणि हिटचा वापर करून केस अधिक खराब होतात आणि केसगळतीची समस्या सुरू होते. त्यामुळे आपण केसांची काळजी घेत अगदी घरीच सोप्या पद्धतीने केस सरळ करून घेऊ शकतो. तुमची ही समस्या दूर करू शकता अगदी नैसर्गिक पद्धतीने. कोरफड जेलचे फायदे आपल्याला त्वचेसाठी असतात हे तर सर्वांना माहीत आहेच. पण केसांसाठीही कोरफड जेल अत्यंत उपयुक्त ठरते. कोरफड जेलचा वापर करून तुम्ही तुमचे केस घरच्या घरी अगदी सोप्या पद्धतीने सरळ करू शकता. तसंच तुमच्या केसांना याच्या वापरामुळे अधिक फायदा मिळतो. त्यामुळे नैसर्गिक पद्धतीने केसांची काळजी घेता येते आणि कोणत्याही केमिकल्सच्या वापराशिवाय तुम्ही तुमच्या केसांना निरोगी ठेऊ शकता आणि दिसायलाही दिसतात अधिका आकर्षक! जाणून घेऊया सोप्या हॅक्स.
त्वचेला आणि केसांना नवी चमक देण्यासाठी वापरा कोरफड, अफलातून फायदे
कोरफड जेलचा वापर करून कसे कराल केस स्ट्रेट (How to use Aloe Vera Gel for hair straightening)
Shutterstock
कोरफड जेलचा वापर करून केस कसे सरळ करायचे आणि त्यासाठी लागणारी प्रक्रिया आम्ही तुम्हाला इथे समजावून देत आहोत. यासाठी लागणारे साहित्य आपण आधी पाहूया
साहित्य
- 1 कप कोरफड (केसांच्या उंचीनुसार तुम्ही याचे प्रमाण घ्यावे)
- अर्धा कप मध
- 1 मोठा चमचा नारळाचे तेल
- 1 मोठा चमचा लिंबाचा रस
कृती
- सर्वात पहिले एका बाऊलमध्ये कोरफड जेल घ्या
- त्यामध्ये मध मिक्स करा
- मध आणि कोरफड जेलची जोपर्यंत स्मूथ पेस्ट तयार होत नाही तोपर्यंत तुम्ही हे फेटून घ्या
- आता तुम्ही या मिश्रणात लिंबाचा रस आणि नारळ तेल मिक्स करा
- हे सर्व मिक्स झाल्यावर केसांना भांग पाडा आणि लहान लहान भाग करून घ्या
- सर्व भागांना व्यवस्थित हे मिश्रण लावा
- साधारण एक तास हे मिश्रण केसांवर तसंच राहू द्या
- एक तासाने शँपू लावा आणि स्वच्छ करा
- आठवड्यातून तुम्ही एकदा हा प्रयोग करा आणि काही वेळानंतर याचा परिणाम तुम्हाला दिसून येईल
- तुमचे केस आधीपासूनच कुरळे असतील अथवा वेव्ही असतील तर या घरगुती उपचाराने अधिक सरळ होणार नाहीत. पण तुमचे केस मऊ आणि मुलायम नक्की होतील. पण खूपच कुरळे असतील तर तुम्हाला कोरफड जेलचा केस सरळ करण्यासाठी जास्त उपयोग होणार नाही
घरच्या घरी करा केस ट्रिम, सोप्या टिप्स
केसांना कोरफड जेल लावण्याचे फायदे
Shutterstock
- केसांना कोरफड जेल लावल्याने केसांची वाढ चांगली होते. तसंच स्काल्पवर लावल्याने शरीरातील रक्तप्रवाह अधिक चांगला होतो
- तुमच्या केसांमध्ये कोंड्याच्या समस्या असेल तर केसांमध्ये कोरफड जेलसह लिंबाचा रस मिक्स करून लावा. यामुळे कोंड्याच्या समस्येपासून सुटका मिळते
- जर तुमचे केस अधिक प्रमाणात गळत असतील अथवा तुमचे केस तुटत असतील आणि फ्रिजी झाले असतील कोरफड जेल नक्कीच लावायला हवी. कोरफड जेलमध्ये सिस्टिन आणि लायसिन नावाचे तत्व असते, जे केसांची गळती थांबविण्यास मदत करते
- कोरफड जेल केस घनदाट करण्यास मदत करतात. तसंच केसांना अधिक जाडसर आणि सुंदर दिसण्यासही हे फायदेशीर ठरते. यामुळे केस अधिक चमकदार आणि सरळ दिसतात
घरगुती उपायांनी मिळवा सुंदर केस
चेहऱ्याला कोरफड कशी लावायची, जाणून घ्या उपयुक्तता आणि नुकसान
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा एक MyGlamm कडून मोफत लिपस्टिक
