आहारात विविध प्रकारच्या पोषकतत्त्वांचा समावेश असणं फार गरजेचं आहे. यासाठी तृणधान्य, कडधान्य, विविध प्रकारच्या डाळी, हिरव्या पालेभाज्या आणि ताजी फळं आहारात नेहमी असावी. निसर्गात पोषक तत्त्वांनी परिपूर्ण अशी विविध फळं असतात. या फळांंमध्ये सर्वांच्या आवडीचं असतं ते म्हणजे केशरी रंगाचं आणि चवीला गोडसर असलेली पपई. पपई आरोग्यासाठी फार उत्तम (Papai Khanyache Fayde In Marathi) आहेच पण त्याचे सौंदर्यावरही चांगले फायदे होतात. पपई उष्ण गुणधर्माची असल्यामुळे त्याबाबत अनेक समज आणि गैरसमज आहेत. वास्तविक पपई नियमित खाण्याने आरोग्यावर चांगले परिणाम होऊ शकतात. यासाठी जाणून घ्या पपई खाण्याचे फायदे (Papaya Benefits in Marathi)
1. पपई खाण्याचे फायदे (Papaya Benefits In Marathi)
2. पपईमधील पोषक घटक (Nutrients In Papaya)
3. FAQ’s
पपई खाण्याचे फायदे (Papai Che Fayde In Marathi)
पपईमध्ये अनेक पोषक तत्व असल्यामुळे तिचे आरोग्य प्रमाणेच सौंदर्यांवरही खूप चांगले फायदे होतात. जाणून घ्या पपई खाण्याचे फायदे
डोळ्यांसाठी उत्तम (Good Eye Health)
पपईमध्ये व्हिटॅमिन ए भरपूर प्रमाणात असतं. डोळ्यांचे आरोग्य निरोगी राखण्यासाठी शरीराला व्हिटॅमिन ए ची गरज असते. व्हिटॅमिन ए मुळे डोळ्यांच्या कॉर्निया चे संरक्षण करते तर अॅंटि ऑक्सिडंट मुळे रेटिना सुरक्षित राहतो. थोडक्यात डोळ्याच्या संपूर्ण आरोग्यासाठी पपई खाणं सोयीचं ठरतं. यासाठीच रातआंधळेपणा अथवा डोळ्यांचे इतर विकार टाळण्यासाठी पपईचा आहारात समावेश जरूर करा.
वजन कमी होण्यास मदत होते (Helps In Weight Loss)
पपईमध्ये भरपूर प्रमाणात पोषक घटक आणि फायबर असतात शिवाय त्यामध्ये कॅलरिज खूप कमी असतात. सहाजिकच यामुळे तुमचे पोट बराच वेळ भरलेले राहते. पपईमुळे लवकर भुक लागत नाही आणि शरीराचे पोषण उत्तम होते. पपई खाण्यामुळे (Papai Khanyache Fayde In Marathi) तुमची पचनशक्ती सुधारतेच शिवाय तुमची प्रतिकारशक्ती देखील वाढते. ज्याचा परिणाम तुमच्या शरीर प्रकृतीवर होतो आणि तुमचे वजन नियंत्रित राहते. म्हणूनच जर तुम्ही वजन कमी करण्याचा विचार करत असतात तर नियमित पपई खा.
प्रतिकार शक्ती वाढते (Boosts Immunity)
आजारपणापासून दूर राहण्यासाठी भरपूर रोगप्रतिकार शक्ती शरीरात असणं गरजेचं आहे. प्रतिकार शक्ती मजबूत असेल तर तुम्हाला कोणत्याही आजारणाला तोंड देणे सहज शक्य होते. पपई हे पोषक घटकांनी भरलेलं एक सुंदर फळ आहे. पपईमध्ये व्हिटॅमिन सी भरपूर प्रमाणात असते. व्हिटॅमिन सी मुळे तुमची रोगप्रतिकारक शक्ती मजबूत होते. नियमित पपई खाल्ल्यामुळे तुम्ही आजारपणापासून दूर राहता.
कोलेस्ट्रॉल कमी होते (Lowers Cholesterol)
पपई खाण्यामुळे रक्तामधील कोलेस्ट्रॉलचे प्रमाण नियंत्रित राहते. सहाजिकच यामुळे हृदय रोग कमी होतात. ह्रदयावर कमी दाब आल्यामुळे ह्रदयविकाराचा झटका येण्याचा धोका कमी होतो. पपई मधील अॅंटि ऑक्सिडंट आणि फायटो केमिकल्स तुमचे ह्रदय मजबूत आणि निरोगी राखण्यास मदत करते. व्हिटॅमिन सी, फायबर आणि पोटॅशिअमुळे तुमचा रक्तप्रवाह सुधारतो. ज्याचा चांगला परिणाम रक्तवाहिन्यांवर होतो. यासाठी संपूर्ण ह्रदय निरोगी राहण्यासाठी पपई खाण्याची सवय स्वतःला लावा.
मधुमेहींसाठी फायदेशीर (Great For Diabetics)
मधुमेहींनी कोणती फळे खावीत याबाबत नेहमीच संभ्रम असतो. त्यामुळे मधुमेही रुग्ण फळे खात नाहीत. पपई हे जरी गोड फळ असलं तरी त्यामध्ये व्हिटॅमिन सी प्रमाणात असल्यामुळे रक्तातील साखर अधिक प्रमाणात वाढत नाही. यासाठी मधुमेहींनी पपई खाण्यास काहीच हरकत नाही. पपई खाण्यामुळे मधुमेहींच्या शरीराला पुरेशी नैसर्गिक साखर मिळते. ज्यामुळे त्यांना सतत गोड खाण्याची इच्छा होत नाही. शिवाय यात पोषक घटक मुबलक असल्यामुळे त्याचा चांगला परिणाम मधुमेहींच्या शरीरावर होतो. मधुमेहींसाठी असलेल्या घरगुती उपायांमध्ये हा एक चांगला पर्याय आहे.
पचनशक्ती सुधारते (Improves Digestion)
अयोग्य आहार आणि खाण्याच्या चुकीच्या वेळा यामुळे तुम्हाला पचनाच्या समस्या होतात. कारण अपथ्यकारक पदार्थांमुळे पचनसंस्थेवर ताण येतो. यासाठी सकाळी नास्ता करताना अथवा संध्याकाळी एक वाटीभर पपई चे तुकडे खा. ज्यामुळे तुमच्या पोटात पुरेसे फायबर जातील आणि तुमची पचनसंस्था सुधारेल. पपईमध्ये भरपूर प्रमाणात पाणी आणि फायबर असते. ज्याचा चांगला परिणाम तुमच्या पचनशक्तीवर होतो. पचनसंस्था मजबूत करण्यासाठी नियमित पपई खाणं तुमच्यासाठी फायदेशीर ठरू शकते.
वाचा – पाणी पिण्याचे ‘हे’ फायदे
आर्थ्राटीसपासून रक्षण होते (Protects Against Arthritis)
पपईमध्ये व्हिटॅमिन सी असल्यामुळे रोगप्रतिकार शक्ती वाढते. शिवाय पपईमुळे शरीरातील वेदनादेखील कमी होण्यास मदत होते. सांधेदुखी झाल्यास उठता-बसता सतत शरीरातून वेदना निर्माण होत असतात. मात्र पपईमुळे सांध्यांमधील सूज आणि दाह कमी होतो. तीव्र सांधेदुखीवरील वेदनाशामक गोळ्या कमी करण्यासाठी आहारात पपईचा वापर सुरू करा. कारण या गोळ्यांमुळे तात्पुरता आराम तुम्हाला मिळू शकतो. मात्र कायमस्वरूपी आराम हवा असेल तर निरोगी जीवनशैलीचा अवलंब करणे गरजेचं आहे. पपई खाल्ल्यामुळे तुमचे संपूर्ण आरोग्य निरोगी राहते.
एजिंगच्या खुणा कमी होतात (Prevents Signs Of Ageing)
त्वचा हा शरीरावरचा सर्वात मोठा आणि संपूर्ण शरीरभर पसरलेला अवयव आहे. त्यामुळे त्वचेची काळजी सर्वात जास्त प्रमाणावर घेतली गेली पाहिजे. पपईमुळे शरीरातील रक्त शुद्ध होते ज्याचा परिणाम तुमच्या त्वचेवर दिसू लागतो. सौदर्य वाढवण्यासाठी पपईचा गर स्मॅश करून चेहऱ्यावर लावा. ज्यामुळे चेहऱ्यावर एक प्रकारची नैसर्गिक चमक येईल. जर तुम्हाला एखाद्या पार्टीसाठी इस्टंट ग्लो हवा असेल तर चेहऱ्यावर पपईचा गर जरूर लावा. पपईमध्ये असलेल्या व्हिटॅमिन ए, सी आणि ई असते. जे तुमच्या त्वचेसाठी अतिशय उपयुक्त आहे. यासाठीच एजिंगच्या खुणा कमी करण्यासाठी नियमित पपई खाण्याचा चांगला परिणाम दिसून येतो.
मासिक पाळीच्या वेदना कमी होतात (Helps Ease Menstrual Pain)
मासिक पाळीच्या वेदना हा दर महिन्याला महिलांना सहन कराव्या लागतात. हॉर्मोनल बदल,अपुरे पोषण, ताणतणाव या अनेक गोष्टींमुळे हा त्रास दिवसेंदिवस वाढतच आहे. मात्र जर तुम्ही नियमित पपई खात असाल तर तुमचा हा त्रास नक्कीच कमी होईल. असंही म्हणतात की पपईच्या बियांमुळे मासिक पाळीत होणाऱ्या वेदना कमी करणारे गुणधर्म असतात.
ताणतणाव कमी होतो (Helps Reduce Stress)
आजकालच्या धकाधकीच्या जीवनशैलीत सतत ताणतणावाचे प्रमाण वाढताना दिसते. ताणतणाव वेळीच नियंत्रित केला गेला नाही तर त्यामुळे नैराश्याच्या अधीन जाण्याची शक्यता वाढू शकते. यासाठी ताणतणाव नियंत्रित करण्यासाठी प्रयत्न केले पाहिजे. पपईमध्ये अनेक पोषकघटक तर आहेतच शिवाय भरपूर अँटि ऑक्सिडंट आहेत. पपई नियमित खाल्ल्यामुळे तुमचे आरोग्य चांगले राहते. आरोग्याचा तुमच्या मनावरही परिणाम होत असतो. जर शरीर उत्तम असेल तर मनावर नियंत्रण ठेवणं नक्कीच शक्य होतं.
किडनीचे कार्य सुधारते (Better Kidney Health)
पपईमध्ये पोटॅशिअम भरपूर असते. याचा चांगला परिणाम किडनीच्या कार्यावर होतो. पपईमुळे तुमच्या शरीरातील टॉक्सिन्स बाहेर टाकले जातात. मलमूत्राचा नीट निचरा झाल्यामुळे किडनीचे आरोग्य सुधारते. किडनीचे कार्य सुधारण्यामध्ये पपई खूप फायदेशीर (Papai Che Fayde In Marathi) ठरते. त्यामधील फ्लेवॉनॉईडमुळेही किडनीचे कार्य योग्य पद्धतीने होते. यासाठी जर किडनीच्या समस्या असतील तर पपईचा आहारात समावेश करणं गरजेचं आहे.
पपईमधील पोषक घटक (Nutrients In Papaya)
पपई हे अतिशय गुणकारी आणि पोषकत्त्वांनी भरलेलं फळ आहे. एका मध्यम आकाराच्या पपईमध्ये खालील पोषक घटक असतात.
- कॅलरिज ५९
- कार्बोहायड्रेट १५ ग्रॅम
- फायबर ३ ग्रॅम
- प्रोटिन्स १ ग्रॅम
- व्हिटॅमिन सी १५७ टक्के
- व्हिटॅमिन ए ३३ टक्के
- फॉलेट १४ टक्के
- पोटॅशिअम ११ टक्के
याचप्रमाणे पपईमध्ये भरपूर अँटि ऑक्सिडंट, फायबर, कॅल्शिअम, मॅग्नेशिअम तसेच व्हिटॅमिन बी1, बी3, बी5, ई आणि के थोड्या प्रमाणात असतं.
पपई खाण्याचे फायदे याबाबत मनात असलेले प्रश्न – FAQ’s
1. पपई खाण्याची योग्य वेळ कोणती ?
पपई हे अनेक पोषक घटकांनी परिपूर्ण असे फळ आहे. फळं नेहमी सकाळी आणि संध्याकाळी खावीत. त्यामुळे सकाळी रिकाम्या पोटी अथवा संध्याकाळी दोन जेवणाच्या मध्ये तुम्ही पपई नक्कीच खाऊ शकता. ज्यामुळे तुम्हाला लगेच ताजेतवाने आणि उत्साही वाटू लागेल.
2. पपई कोणी खाऊ नये ?
पपई हे उष्ण गुणधर्माचे फळ आहे. पपई खाल्ल्यामुळे शरीरातील टॉक्सिन्स बाहेर टाकले जातात. यासाठीच गरोदर महिलांना पपई कमी प्रमाणात खाण्याचा सल्ला दिला जातो.
3. पपई खाल्लावर लगेच पाणी पिणे योग्य आहे का ?
कोणताही पदार्थ अथवा फळ खाल्यावर लगेच पाणी पिऊ नये. कारण त्यामुळे तुमच्या पचनशक्तीवर परिणाम होतो. पपईमध्ये मुळातच पाण्याचे प्रमाण भरपूर असते. यासाठी पपई खाल्यावर काही वेळाने पाणी प्यावे.
