तूळ राशीच्या (Libra) व्यक्तींचा जन्म महिना 23 सप्टेंबर ते 22 ऑक्टोबर मानला जातो.या राशीचा स्वामी शुक्र ग्रह आहे. सतत द्विधा मनस्थितीत असल्याने समोरच्या व्यक्तीला मात्र तूळ राशीच्या व्यक्ती धूर्त वाटतात. या व्यक्तींना कोणीही हक्क गाजवलेला आवडत नाही आणि ना या व्यक्ती कोणावर हक्क गाजवत. या व्यक्ती आपल्या समजूतदारपणासाठी ओळखल्या जातात. स्वतःला काहीही येत नसेल तरीही कोणत्याही दुसऱ्या व्यक्तीच्या मागे चालणं अथवा त्यांना फॉलो करणं या व्यक्तींना अजिबात जमत नाही. तुमच्या जवळची व्यक्ती जर तूळ राशीची असेल तर नक्की पाहा जुळतोय का त्यांचा स्वभाव.
12 राशीमध्ये चार राशी असतात जास्त बलशाली
तूळ राशीच्या व्यक्तींचा स्वभाव (Libra sign people Positive and Negative Characteristics in Marathi)
ज्योतिषशास्त्रानुसार प्रत्येक माणसाचा जन्म, वेळ, महिना हे ठरलेले असते. प्रत्येक महिन्यानुसार त्याची रासही ठरते. याच आधारवर त्याचे वैशिष्ट्य, उंची, स्वभाव सर्व काही अवलंबून असते. या लेखातून तूळ राशींच्या व्यक्तींचा स्वभाव आपण जाणून घेऊया.
अतिशय संवेदनशील असतात कन्या राशीच्या व्यक्ती, कसा आहे स्वभाव जाणून घ्या
- या व्यक्तींची सोशल लाईफ…बाप रे बाप. खूप मित्रमैत्रिणी, नातेवाईक, आजूबाजूच्या व्यक्ती, सहकारी या सगळ्यांचा आजूबाजूला ताफा घेऊनच या व्यक्ती चालतात. कोणत्याही नात्याचे संतुलन बिघडू न देणे या व्यक्तींना खूपच चांगले जमते. प्रत्येक व्यक्तीला तुम्हीच आमच्या आयुष्यात किती महत्वाचे आहात हे या व्यक्ती खूप चांगल्या तऱ्हेने भासवून देऊ शकतात
- तूळ राशीच्या व्यक्ती या अत्यंत संवेदनशील असतात. या व्यक्ती आपल्या मनातील गोष्टी सहसा कोणाहीबरोबर वाटून घेत नाहीत. मनातील गोष्टी बोलताना खूप विचार करतात. त्यामुळे यांच्याविषयी जाणून घेणे कठीण आहे.
- करिअरबाबत सांगायचे झाले तर या व्यक्ती कुशल राजकारणी असतात. याशिवाय कलाकार, उद्योगपती, डॉक्टर बनण्याची धमक यांच्यामध्ये असते. तसं तर या व्यक्ती राजकारणामध्ये अधिक माहीर असतात. कोणत्याही गोष्टीच्या तळाशी जाऊन या व्यक्ती विचार करतात.
- या व्यक्ती सुंदरतेला अधिक प्राधान्य देतात. ज्यामुळे यांचा दृष्टीकोन चुकीचा आहे असा गैरसमज यांच्याबाबतीत होऊ शकतो. या व्यक्ती दिसायला नॉर्मल असतील तरीही स्वतःला कोणत्याही राजकुमार अथवा राजकुमारीपेक्षा कमी समजत नाहीत. दुसऱ्या व्यक्तींसमोर या व्यक्तींची छाप अशी पडते की, समोरची व्यक्ती त्यांच्यापासून दूर जाऊच शकत नाही.
- या व्यक्तींना प्रत्येक गोष्ट अगदी परफेक्ट लागते. त्यामुळे तूळ राशीच्या व्यक्तींना स्वच्छता आणि डेकोरेशन करणे अत्यंत आवडते. जर कोणतीही गोष्ट यांना चुकीची वाटली तर या व्यक्ती स्वतः ती गोष्ट नीट होईपर्यंत मेहनत घेतात. कारण अस्ताव्यस्त राहणं या व्यक्तींना आवडत नाही. प्रत्येक गोष्टीमध्ये परफेक्शन या व्यक्तींना हवे असते.
- या राशीचा स्वामी शुक्र आहे. त्यामुळे रागावर आणि नको त्या गोष्टींवर नियंत्रण ठेवणे या व्यक्तींना खूपच चांगले जमते. या व्यक्तींसाठी मिथुन, कर्क आणि कुंभ या मित्र राशी असून धनु आणि मीन राशीच्या व्यक्तींशी यांचे अजिबात पटत नाही.
- प्रेमाच्या बाबतीत या व्यक्ती परफेक्ट लव्ह मटेरियल असतात. यांचे प्रेम हे शारीरिक नसते तर आंतरिक प्रेमावर यांचा विश्वास जास्त असतो. आपल्या प्रेमाला जपणे यांना जास्त आवडते. संपूर्ण प्रामाणिकपणे आपल्या जोडीदारावर या व्यक्ती प्रेम करतात. कधी कधी त्यांना समजून घेणे कठीण जाते पण हीच त्यांच्या प्रेमाची पद्धत आहे.
- परफेक्ट मॅचबाबत सांगायचे झाले तर सिंह रास ही तूळ राशीसाठी योग्य आहे. या राशीची जोडी दुर्लभ असते. स्वर्गातून जुळून आलेल्या गाठी या दोन्ही राशींना मानले जाते. दोघेही आपल्या भावना एकमेकांशी भरभरून शेअर करू शकतात. त्यामुळे एकमेकांना समजून घेणं यांच्यासाठी सोपं होतं. एकमेकांना कसं आनंदी ठेवायचं हे दोघांनाही माहीत असतं. प्रेमाच्या बाबतीत या दोन्ही राशी आदर्श ठेवतात. कारण या दोघांमध्ये अतिशय रोमान्स दिसून येतो. यांच्याकडे बघून दुसऱ्यांना हेवा वाटावा इतकी चांगली यांची केमिस्ट्री असते.
- तूळ राशीच्या व्यक्तींची नजर अत्यंत पारखी असते. वस्तू पाहूनच ती किती किमतीची असेल याची कल्पना या व्यक्ती करू शकतात. कोणाहीबाबत पटकन मत या व्यक्ती करून घेत नाही. पहिले त्या व्यक्तीचे नीट निरीक्षण करून मगच आपले मत बनवतात.
- या व्यक्तींना भांडण करणे अजिबात आवडत नाही. आपल्या आजूबाजूच्या लोकांनी नेहमी आनंदी राहावे असेच यांना वाटत असते. आपल्यावर कोणी रागावणार नाही ना अथवा रूसून बसणार नाही याचा या व्यक्ती खूपच विचार करतात. आपल्यामुळे कोणाला त्रास होऊ नये हा विचार या व्यक्ती करतात
- एखादा ड्रेस घेणं असो अथवा जोडीदार निवडणं असो या व्यक्तींची निवड अत्यंत सिलेक्टिव्ह असते. अत्यंत उत्कृष्ट जीवन जगायचं असल्यामुळे निवड अगदी विचार करून या व्यक्ती घेतात.
या राशीच्या व्यक्ती अत्यंत गुपीत राखून ठेवणाऱ्या असतात. आपल्या आजूबाजूच्या व्यक्तींना आपल्या आयुष्यात प्रवेश तर देतात पण सर्व गोष्टी त्यांना सांगत नाहीत.
सिंह राशीच्या व्यक्तींचा आत्मविश्वास असतो भारी, जाणून घ्या स्वभाव
भाग्यशाली क्रमांक – 4, 7, 20, 55, 35
भाग्यशाली रंग – गुलाबी, पिवळा
भाग्यशाली वार – बुधवार
भाग्यशाली खडा – ओपल
तूळ राशीचे मराठी कलाकार – श्रुती मराठे, वैभव तत्ववादी, स्वप्नील जोशी
तूळ राशीचे बॉलीवूड स्टार्स – रेखा, अमिताभ बच्चन, रवीना टंडन, हेमा मालिनी, परिणिति चोप्रा, सनी देयोल, नरगिस फाखरी, मल्लिका शेरावत।
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा एक MyGlamm कडून मोफत लिपस्टिक
