निसर्गाच्या पॅकेजिंग कलेचा अविष्कार म्हणजे डाळिंबाचे फळ. या फळामधील लालचुटूक, नाजूक दाण्यांच नुकसान होऊ नये म्हणून निसर्गाने त्याचं पॅकेजिंग अगदी लीलया केलेलं आहे. हे फळ सोलायला तसं थोडं अवघड असलं तरी काही सोप्या युक्त्या वापरून तुम्ही ते अगदी सहज सोलू शकता. सहाजिकच हे फळ दिसायला फारच आकर्षक दिसतं. मात्र एवढंच नाही तर या डाळिंबाच्या दाण्यांचा तुमच्या शारीरिक आरोग्य आणि सौंदर्यावरही चांगला परिणाम होतो. म्हणूनच डाळिंबाची गणना सुपर फ्रुट मध्ये केली जाते. डाळिंबामध्ये भरपूर प्रमाणात फायबर, प्रोटीन, साखर, व्हिटॅमिन सी, के, फ्लॅट, पोटॅशियम असतात. दररोज डाळिंबाचे दाणे खाण्याने तुमच्या शरीराला काय चांगले फायदे मिळतात. यासाठीच जाणून घ्या डाळिंबाचे फायदे (Dalimb Benefits in Marathi)
डाळिंबातील पोषक घटक (Pomegranate Nutrients In Marathi)
डाळिंबामध्ये अनेक पोषक घटक असतात. यासाठीच एक कप डाळिंबाचे दाणे खाण्यामुळे तुम्हाला किती पोषक मुल्य मिळतात
- फायबर ७ ग्रॅम
- प्रोटिन ३ ग्रॅम
- व्हिटॅमिन सी ३० टक्के
- व्हिटॅमिन के ३६ टक्के
- फोलेट १६ टक्के
- पोटॅशिअम १२ टक्के
- साखर २४ ग्रॅम
- कॅलरिज १४४
डाळिंब खाण्याचे फायदे
डाळिंब खाण्याचे फायदे (Pomegranate Benefits In Marathi)
डाळिंबाच्या दाण्यांमध्ये अनेक पोषक घटक असल्यामुळे तुमच्या शरीरावर डाळिंब खाण्याचे फायदे होतात.
शरीराचा दाह कमी होतो (Anti-Inflammatory Effects)
डाळींबाच्या दाण्यांमध्ये अॅंटि ऑक्सिडंट गुणधर्म असतात. मधुमेह, कर्करोग, अल्झामर अशा काही आजारपणांमुळे शरीराचा दाह होतो. अशावेळी हा दाह कमी करण्यासाठी डाळिंबाचे दाणे खाणं फायदेशीर ठरू शकतं. कारण यामध्ये तुमच्या शरीरातील दाह कमी करण्याचे सामर्थ्य आहे. अनेक संशोधनात असं आढळून आलं आहे की डाळिंबाचे दाणे खाण्यामुळे आतड्यांमध्ये होणारी जळजळ कमी होते. यासाठीच मधुमेहासारखा गंभीर आजार असलेल्या लोकांनी एक कप डाळिंबाचे दाणे खायलाच हवे.
फ्री रेडिकल्सपासून संरक्षण (Protects Us From Free Radicals)
डाळिंबामध्ये अॅंटि ऑक्सिडंट भरपूर प्रमाणात असतात. ज्यामुळे डाळिंब खाण्यामुळे तुमचे फ्री रेडिकल्स पासून संरक्षण होते. फ्रि रेडिकल्स मुळे तुमच्या चेहऱ्यावर तरूणपणीच एजिंगच्या खुणा दिसू लागतात. प्रखर सूर्यप्रकाश आणि प्रदूषित वातावरणामुळे तुमच्या त्वचेचा या फ्री रेडिकल्सशी संबध येतो. ज्यामुळे तुमच्या त्वचेचं नुकसान होऊ शकतं. मात्र नियमित डाळिंब खाण्यामुळे तुमची त्वचा टवटवीत आणि निरोगी राहते. डाळिंबाच्या सालीने वाढवा सौंदर्य, चेहऱ्यावर येईल ग्लो जाणून घ्या कसा करावा वापर.
आर्थ्राटीसपासून संरक्षण (It Prevents Arthritis)
डाळिंबामुळे तुमची प्रतिकार शक्ती वाढते आणि तुम्हाला आजारपणापासून संरक्षण मिळते. डाळिंबाच्या दाण्यांमध्ये तुमच्या शरीराचा दाह कमी होतो. त्यामुळे जर तुम्हाला तीव्र सांधेदुखीचा त्रास असेल तर तुम्ही तो कमी करण्यासाठी डाळिंबाचे दाणे खाऊ शकता. डाळिंबामध्ये भरपूर अॅंट ऑक्सिडंट असल्यामुळे आर्थ्राटीसमध्ये सांध्यांमधून होणाऱ्या वेदना आणि दाह डाळिंबाचे दाणे खाण्यामुळे कमी होतो.
स्मरणशक्ती सुधारते (It Improves Memory)
वयोमानानुसार कधी कधी काही गोष्टी लक्षात ठेवणं कठीण जातं. ज्याचा परिणाम पुढे अल्झामर मध्ये रूंपातरीत होऊ शकतो. यासाठीच जर नियमित डाळिंबाचे दाणे खाण्यामुळे तुमची स्मरणशक्ती कमी होत नाही. काही संशोधनानुसार जे लोक नियमित डाळिंबाचे दाणे खातात त्यांची स्मरणशक्ती चांगली असते. डाळिंबाच्या दाण्यांमुळे काही विशिष्ठ आरोग्य समस्यांमुळे कमी झालेली बोलणं आणि पाहण्याची शक्तीदेखील सुधारते.
वजन कमी होते (Aids In Weight Loss)
डाळिंबाच्या दाण्यांमध्ये भरपूर फायबर्स असतात. ज्यामुळे तुमच्या शरीरातील अन्नाचे पचन व्यवस्थित होते. पचनशक्ती सुधारल्यामुळे तुम्हाला दिवसभर पोट भरल्यासारखे वाटते. ज्याचा परिणाम तुम्ही कमी खाता आणि तुमचे वजन कमी होते. जर वजन कमी करण्यासाठी फायबरयुक्त पदार्थ खाण्याचा विचार करत असाल तर आहारात डाळिंबाचा समावेश करा. कारण एक कप डाळिंबामधून तुम्हाला सात ते आठ ग्रॅम फायबर मिळते.
रक्तदाब नियंत्रित होतो (Regulates Blood Pressure Levels)
वाढतं वय आणि जीवनशैलीत होणारे बदल यांचा परिणाम तुमच्या आरोग्यावर होत असतो. कोलेस्ट्रॉल वाढणं, रक्तदाब अनियंत्रित असणं हृदयाचे आरोग्य बिघडण्याची मुख्य कारणं असतात. मात्र काही संशोधनानुसार जर तुम्ही नियमित डाळिंबाचे दाणे अथवा रस पित असाल तर तुमच्या ह्रदयाचे आरोग्य नक्कीच सुधारू शकते. डाळिंबाच्या दाण्यांमुळे रक्तदाब नियंत्रित होतो. डाळिंब खाण्यामुळे हिमोग्लोबिन वाढते यासाठीच रक्तातील हिमोग्लोबिन वाढवण्यासाठी करा हे उपाय
दातांचे आरोग्य सुधारते (Promotes Dental Health)
सुंदर हास्य असावं असं प्रत्येकालाच वाटत असतं. मात्र त्यासाठी गरजेचे असते दात आणि तोंडाचे आरोग्य. डाळिंबामुळे तुम्हाला सुंदर हास्य मिळू शकते. कारण डाळिंबामध्ये भरपूर अॅंटि ऑक्सिडंट असतात ज्यामुळे तुमच्या दात आणि हिरड्यांचे इन्फेक्शन पासून संरक्षण होते. तोंडाची अस्वच्छता अथवा काही आजारपणांमुळे बऱ्याच जणांना तोंडाला वास येण्याचा त्रास होत असतो. या समस्येपासून सुटका मिळवण्याचा सोपा उपाय म्हणजे तोंडाची स्वच्छता राखणे आणि आहारात डाळिंबाच्या दाण्यांचा समावेश करणे.
त्वचा हायड्रेट राहते (Hydrates Dry Skin)
जर तुमची त्वचा कोरडी आणि निस्तेज असेल तर तुम्ही नियमित डाळिंबाचे दाणे खायला हवे. कारण डाळिंबाच्या दाण्यांमधील रसामुळे तुमची त्वचा हायड्रेट राहते. शिवाय डाळिंबामध्ये व्हिटॅमिन सी भरपूर असते. त्वचेच्या आजारांपासून दूर राहण्यासाठी, त्वचेचा पोत सुधारण्यासाठी, त्वचा उजळ होण्यासाठी डाळिंबाचे दाणे खाणे फायदेशीर ठरते. तुम्ही यासाठी दररोज डाळिंबाचा रस पिऊ शकता अथवा डाळिंबाच्या दाण्याचा फेस पॅक चेहऱ्यावर लावू शकता. यासाठीच जाणून घ्या पिंपल्स आल्यास डाळिंबाचा घरगुती फेसपॅक कसा तयार करावा.
सूर्यप्रकाशापासून त्वचेचं सरंक्षण होते (Protects Skin From Sun Damage)
डाळिंबाच्या दाण्यामध्ये शरीराचा दाह कमी करणारे गुणधर्म असतात. यासाठीच डाळिंबाचे दाणे खाणं तुमच्या त्वचेसाठीही फायदेशीर ठरतं. डाळिंब खाण्यामुळे तुमच्या त्वचेचं सूर्यप्रकाशामुळे होणारं नुकसान टाळता येतं. डाळिंबामधील अॅंटि ऑक्सिडंट तुमच्या त्वचेचं सूर्यप्रकाशातील फ्री रेडिकल्सपासून रक्षण करतात. यासाठीच उन्हाळात हायड्रेट राहण्यासाठी आणि सनटॅन टाळण्यासाठी आहारात डाळिंबाचा समावेश करा.
ताणतणाव कमी होतो (Reduces Stress)
आजकाल कामाची दगदग, जीवनशैलीतील बदल यामुळे सतत ताणतणाव जाणवत असतो. ताणतणावावर जर नियंत्रण ठेवता आलं नाही तर त्यामुळे माणून नैराश्याच्या अधीन जाण्याची शक्यता असते. एका संशोधनानुसार डाळींबाच्या दाण्यामुळे कोर्टिसोल या स्ट्रेस हॉर्मोन्सवर नियंत्रण राहते. ज्यामुळे तुमचा रक्तदाब नियंत्रित राहतो, मेटाबॉलिझम नियंत्रित राहण्यास मदत होते, शरीराचा दाह कमी होतो, स्मरणशक्ती वाढते. ज्यामुळे तुम्हाला तुमच्या ताणतणावावर नियंत्रण ठेवता येते.
डाळिंबाच्या फायदे आणि काही प्रश्न – FAQ’s
एक अख्खं डाळिंब सोलून खायचं की नाही हा तुमचा वैयक्तिक प्रश्न आहे. कारण ते सोलण्यासाठी थोडा वेळ द्यावा लागेल. मात्र एक अख्खं डाळिंब खाण्यामुळे तुमचे नुकसान नक्कीच होणार नाही. कारण त्यामुळे तुमच्या शरीराला पुरेसे पोषक घटक मिळतात.
डाळिंबामध्ये भरपूर अॅंटि ऑक्सिडंट आणि व्हिटॅमिन सी असते. या दोन्ही घटकांमुळे तुमच्या त्वचेचं संरक्षण होते. त्यामुळे त्वचेच्या समस्या टाळण्यासाठी, त्वचा हायड्रेट राहण्यासाठी आणि त्वचेवर ग्लो येण्यासाठी डाळिंब नक्कीच खायला हवे.
डाळिंब हे पोषक मुल्यांनी परिपूर्ण असे फळ आहे. त्यामुळे त्याचे शरीरावर दुष्परिणाम होत नाहीत. मात्र जर तुम्हाला डाळिंबाची अॅलर्जी असेल तर मात्र तुम्ही डाळिंब खाऊ शकत नाही.
