गायिका आर्या आंबेकरने यंदाच्या व्हॅलेंटाईन डे ची घेतली जबाबदारी

प्रेम… प्यार… लव्ह… इष्क… भाषा कोणतीही असो या भावनेत खूप ताकद असते. ही जगातील सुंदर गोष्टींपैकी एक आहे. आजवर इतिहासात ज्यांनी जगावेगळं  ठरत प्रेमाला आपलसं केलं, ते अजरामर झाले. मग ते लैला मजनू असो वा रोमिओ ज्युलिएट.. प्रेम (Love) ही जगातील एक सुंदर भाषा आहे, ज्याने ही भाषा त्यालाच ती उमगते आणि स्वर्गाहून सुंदर जगाचा शोध त्याला लागतो. खरं प्रेम व्यक्त करण्यासाठी कोणत्याही दिवसाची आवश्यकता नसते, तरीही अनेकजण आपल्या  प्रेमभावना ‘व्हॅलेंटाईन डे’ च्या निमित्ताने आपल्या खास व्यक्तीसमोर व्यक्त करतात. याच खास दिवसाचे औचित्य साधत ‘व्हॅलेंटाईन डे’ (Valentine’s Day) च्या आधी ‘वन फोर थ्री’ (One Four Three) चित्रपटातील ‘भरली उरा मधी’ हे गाणे प्रेक्षकांच्या मनावर राज्य करण्यास येत आहे. गायिका आर्या आंबेकरने (Arya Ambekar) हे गाणे म्हटले असून अतिशय तरल गाणे आहे. 

अधिक वाचा – Mermaid In M-Town! रीना मधुकरने केलेलं हे अंडरवॉटर फोटोशूट पाहाच…

नव्या कोऱ्या जोडीची ऑनस्क्रिन केमिस्ट्री

‘भरली उरा मधी’ या गाण्याच्या निमित्ताने रसिकांना एका नव्या कोऱ्या जोडीची ऑनस्क्रिन केमिस्ट्री अनुभवण्याची संधी मिळणार आहे. दाक्षिणात्य धाटणी असलेल्या या चित्रपटाच्या टिझरने प्रेक्षकांना खूश केलेच आहे, तसेच या चित्रपटातील गाणे ही दाक्षिणात्य स्टाईलने (South Indian Style) चित्रित केले आहे, त्यामुळे हे पाहणे ही रसिक प्रेक्षकांना रंजक ठरणार आहे. अभिनेत्री शीतल अहिरराव (Sheetal Ahirrao) आणि अभिनेता योगेश भोसले (Yogesh Bhosale) या चित्रपटामुळे पहिल्यांदाच एकत्र काम करत आहेत. या गाण्याला संगीत पी. शंकरम यांनी दिले असून लखन चौधरी यांनी गाण्याचे बोल लिहिले आहेत. आपल्या सर्वांची लाडकी अशी सुमधुर गायिका आर्या आंबेकर हिच्या सुमधूर आवाजात हे गीत रेकॅार्ड करण्यात आले आहे. या गाण्याचे कोरियोग्राफर म्हणून आर. कलाई कुमार (R. Kalai Kumar) यांनी बाजू सांभाळली. ‘भरली उरा मधी’ (Bharali Ura Madhi) गाण्यात रसिकांना एक लव्ह स्टोरी (Love Story) अनुभवायला मिळणार आहे. 

अधिक वाचा – संजय दत्तने लाँच केले त्याचे प्रोडक्शन हाऊस थ्री डायमेंशन मोशन पिक्चर्स

आर्याच्या आवाजाची जादू

‘वन फोर थ्री’ चित्रपटाची कथा रिअल लाईफ स्टोरीवर आधारित असून यांत एकमेकांवर जीव जडलेल्या प्रेयसी आणि प्रियकराची कथा पाहायला मिळणार आहे. नुकत्याच प्रदर्शित झालेल्या या गाण्यातून या जोडीचे प्रेम बहरताना दिसत आहे. अर्थात चित्रपटाच्या टिझरने, आणि या लव्ह सॉंगने (Love Song) प्रेक्षकांची उत्सुकता अधिक ताणली गेली आहे, यांत शंकाच नाही. येत्या 4 मार्चला हा सिनेमा प्रेक्षकांकरिता संपूर्ण महाराष्ट्रातील सिनेमागृहात दाखल होण्यास सज्ज झाला आहे. तर या गाण्यात आर्याच्या आवाजाची जादू अनुभवायला मिळणार आहे. आतापर्यंत आर्याने अनेक गाणी गायली असून प्रेमगीतासाठी आर्याचा आवाज म्हणजे प्रेक्षकांसाठी पर्वणीच. आर्याने आतापर्यंत केवळ गाणीच नाही तर आपल्या अभिनयानेही प्रेक्षकांना मंत्रमुग्ध केले आहे. त्यामुळे आता या नव्या गाण्यानेही आर्या नक्कीच प्रेक्षकांना मंत्रमुग्ध करेल यात शंका नाही. 

अधिक वाचा – कपिल शर्मावर नाराज आहे अक्षय कुमार, कपिल शर्मा शोममध्ये येण्यास दिला नकार

तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र.  आमच्या  The Great Glamm Survey मध्ये सहभागी व्हा आणि जिंका  रुपये 1,000 हजार पर्यंतचा फायदा  आणि सोबत मिळवा एक  MyGlamm कडून मोफत लिपस्टिक