अल्लू अर्जुनची जबरदस्त चाहती आहे आलिया भट, लवकरच झळकणार एकत्र

पुष्पा चित्रपट प्रदर्शित झाला आणि संपूर्ण देशाला या चित्रपटाने वेड लावलं. साऊथ चित्रपट असूनही हिंदी भाषेत प्रदर्शित झाल्यामुळे तमिळ, तेलुगूसह पुष्पाचे हिंदी संवाद घराघरातील लोकांना पाठ झाले. भारतातच नाही तर परदेशातही पुष्पाचे चाहते निर्माण झाले. बॉलीवूड कलाकारही यामध्ये मुळीच मागे नाहीत. अभिनेत्री आलिया भट आणि तिच्या घरच्यांनी एकत्र हा चित्रपट पाहिला आणि त्यांना अल्लू अर्जुनच्या अभिनयाने अक्षरशः भुरळच घातली. आता बॉलीवूड स्टार आलिया भटलाही लवकरात लवकर अल्लू अर्जुनसोबत स्क्रिन शेअर करायची आहे. यामागे आहे दडलंय एक कारण…

21 फेब्रुवारीला फरहान आणि शिबानी अडकणार लग्नबंधनात, करणार कोर्ट मॅरेज

आलियाला यासाठी करायचं आहे अल्लू अर्जुनसोबत काम

आलिया भट सध्या बॉलीवूडची टॉप अभिनेत्री आहे. तिचा ‘गंगुबाई काठियावाडी’ पाहण्यासाठी चाहते अत्सुक आहेतच, लवकरच ती साऊथ चित्रपट ‘आरआरआर’मधूनही झळकणार आहे. मात्र आलियाला आता लवकरात लवकर अल्लू अर्जुन काम करण्याचे वेध लागले आहेत. याचं कारण तिच्या कुटुंबाला अल्लू अर्जून खूप आवडतो. ‘पुष्पा’ चित्रपट पाहिल्यावर तिचं संपूर्ण कुटुंबच अल्लू अर्जूनचं फॅन झालं आहे. एवढंच नाही तर आता घरातील प्रत्येक जण तिला एकच प्रश्न विचारत आहे की, “आलू अल्लू अर्जुनसोबत काम कधी करणार? घरातील मंडळी आलियाला प्रेमाने आलू म्हणतात त्यामुळे ते तिला असा प्रश्न विचारत आहेत. मात्र आलियादेखील अल्लू अर्जुनसोबत स्क्रिन शेअर करण्यास तितकीच उत्सुक आहे.

आईच्या मांडीवर स्वर्गाची अनुभूती, सलमान खान झाला भावुक

अल्लू अर्जूनलाही करायचं आहे आलियासोबत काम

पुष्पा चित्रपट सुपरहिट झाला आणि अल्लु अर्जूनचा चाहता वर्ग आणखी मोठा झाला. या चित्रपटातील काम पाहून बॉलीवूड इंडस्ट्री अल्लुवर अक्षरशः फिदाच झाली आहे. कारण त्याला एका पाठोपाठ एक मोठ्या बॅनरच्या बॉलीवूड चित्रपटांची ऑफर मिळत आहे. आता लवकरच तो अनेक बॉलीवूड चित्रपटात झळकण्याची शक्यता आहे. त्यात आलियाचे वडील महेश भट यांनाही आलियाने अल्लू अर्जूनसोबत एकत्र चित्रपटात काम करावं असं वाटत आहे. त्यामुळे भट बॅनरखाली अल्लू अर्जुन आणि आलियाचा एखादा चित्रपट लवकरच प्रदर्शित होऊ शकतो. विशेष म्हणजे 2016 साली एका मुलाखतीत अल्लू अर्जुनला प्रश्न विचारण्यात आला होता की त्याला कोणत्या बॉलीवूड अभिनेत्रीसोबत काम करायला आवडेल. तेव्हा त्याने पाच वर्षांपूर्वीच आलिया भट आणि परिणिती चोप्रा या अभिनेत्रींची नावे घेतली होती. त्यामुळे अल्लू अर्जुनही आलियासोबत काम करण्यास नक्कीच उत्सुक आहे हे दिसून येत आहे. आता लवकरच ही जोडी कोणत्या चित्रपटातून समोर येतेय आणि त्यांची ऑनस्क्रिन केमिस्ट्री किती रंगत आणतेय हे पाहण्यास चाहते तयार आहेत. 

प्रभास, दीपिका पदुकोण व नाग अश्विनच्या प्रोजेक्ट के चित्रपटाच्या दुसऱ्या टप्प्याचे शूटिंग सुरु

तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र.  आमच्या  The Great Glamm Survey मध्ये सहभागी व्हा आणि जिंका  रुपये 1,000 हजार पर्यंतचा फायदा  आणि सोबत मिळवा एक  MyGlamm कडून मोफत लिपस्टिक