अंकिता लोखंडे ‘पवित्र रिश्ता’ जोडणार 14 डिसेंबरला, विकी जैनशी होणार विवाहबद्ध

सेलिब्रिटींचे लग्न म्हटले की आपल्याला अधिकच उत्सुकता लागून राहते. नुकतेच विकी कौशल (Vicky Kaushal) आणि कतरिना कैफ (Katrina Kaif) यांचे धुमधडाक्यात जोधपूर येथे लग्न झाले. तर आता अजून एक सेलिब्रिटीचे लग्न होणार असून तिच्या लग्नपूर्वीच्या सोहळ्यांना सुरूवात झाली आहे. ‘पवित्र रिश्ता’ (Pavitra Rishta) फेम अंकिता लोखंडे (Ankita Lokhande) 14 डिसेंबर (14 December) रोजी उद्योगपती विकी जैन (Vicky Jain) याच्यासह लग्नबंधनात अडकत आहे. तिच्या लग्नापूर्वीच्या सोहळ्यांना सुरूवात झाली असून तिचे मेहंदी सोहळ्याचे अनेक व्हिडिओ व्हायरल झाले आहेत. तर नुकताच तिने आपल्या घरातील ग्रहमक आणि प्री – वेडिंगचा (Pre Wedding Shoot) अल्बम आपल्या सोशल मीडियावर पोस्ट केला होता. 

अधिक वाचा – Year Ender: 2021 मध्ये गाजली या सेलिब्रिटींची लग्ने

असा असेल लग्नसोहळा 

एका इंग्रजी वाहिनीनुसार, अंकिता आणि विकी हे 14 डिसेंबर रोजी लग्नबंधनात अडकणार आहेत. कोणतेही डेस्टिनेशन वेडिंग प्लॅन न करता या जोडप्याने सांताक्रुझमधील ग्रँड हयात (Grand Hyatt) हे ठिकाण लग्नासाठी निवडले आहे. अंकिताच्या हातावर प्रसिद्ध मेंहदी डिझाईन काढणाऱ्या वीणा नागडा (Veena Nagda) यांनी मेंदी काढली असून रविवारी 12 डिसेंबर रोजी मेंदी सोहळा आणि संगीत सोहळा झाला. तर 12 तारखेलाच या दोघांनी साखरपुडा केला असल्याचेही सांगण्यात येत आहे. याशिवाय सोमवारी 13 तारखेला यलो थीम सेलिब्रेशन होणार असून हळदी समारंभ होणार आहे. तर याच दिवशी इंडो – वेस्टर्न म्युझिकच्या तालावर संगीत सोहळा रंगणार आहे. दरम्यान विकी गुजराती असला तरीही लग्नाचे सर्व विधी ही महाराष्ट्रीयन परंपरेनुसारच होणार असल्याचेही सांगण्यात येत आहे. दरम्यान लग्नापूर्वीच्या अनेक विधींना महाराष्ट्रीयन परंपरेचा टच देण्यात आल्याचे दिसून आले आहे. रॉयल ट्रेडिशनल स्प्लेंडर (Royal Traditional Splendor) अशी लग्नाची थीम आहे. याच दिवशी संध्याकाळी इंडस्ट्रीतील मित्रमैत्रिणींसाठी अंकिताने रिसेप्शन पार्टीही ठेवली आहे. गेल्या काही दिवसांपासून अंकिताच्या घरी जोरात लग्नाची तयारी सुरू असल्याचेही दिसून येत आहे.

अधिक वाचा – रॉयल डेस्टिनेशन वेडिंगनंतर विकी-कतरिना या ठिकाणी जाणार हनिमूनला

लग्नाआधी झाली होती पायाला दुखापत 

गेल्याच आठवड्यात घरात पूजा झाल्यानंतर अंकिताच्या पायाला दुखापत झाली होती. त्यामुळे अंकिताचे लग्न आता पुढे ढकलण्यात येणार अशा अफवाही उठल्या होत्या. मात्र बेडरेस्ट घेतल्यानंतर आता पुन्हा एकदा अंकिता लग्नाला सज्ज झाली आहे. तर आपल्या विधीमध्ये अगदी मनापासून अंकिता आनंदी दिसत असून विकीसह नाचताना दिसून येत आहे. इतकंच नाही तर विकी तिची अगदी मनापासून काळजी घेतानाही दिसून येत आहे. अनेकदा पायाला झालेल्या दुखापतीमुळे विकी अंकिताला स्टेजवरही उचलून घेऊन जाताना दिसून येत आहे. अंकिताला प्रत्येक गोष्टीमध्ये विकीने नेहमीच साथ दिली आहे आणि आयुष्यभर विकी असाच आपल्याला साथ देईल असा विश्वास अंकिताला आहे. साधारण एक आठवड्यापासून अंकितासडे वेगवेगळे कार्यक्रम आखण्यात आले असून सर्व विधी हे महाराष्ट्रीयन पद्धतीने पार पडत असल्याचेही दिसून येत आहे. तर विकीही तितक्याच प्रेमाने या विधींमध्ये अंकिताची साथ देत असल्याचेही व्हिडिओमधून दिसून येत आहे. अंकिता आता बरी झाली असून तिच्या लग्नाच्या फोटोंचीही आता तिच्या चाहत्यांना उत्सुकता लागून राहिली आहे. 

अधिक वाचा – गोऱ्या गोऱ्या गालावरी, चढली लाजेची लाली गं पोरी नवरी आली

तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र.  आमच्या  The Great Glamm Survey मध्ये सहभागी व्हा आणि जिंका  रुपये 1,000 हजार पर्यंतचा फायदा  आणि सोबत मिळवा एक  MyGlamm कडून मोफत लिपस्टिक