अफगाणी क्रिकेटपटूशी अर्शी खान करणार होती लग्न, पण…

आपल्या विचित्र आणि कॉन्ट्राव्हर्शील स्टेटमेंटमुळे कायम चर्चेत असलेली अर्शी खान पुन्हा एकदा चर्चेत आली आहे. मिळालेल्या माहितीनुसार अर्शी खान ही येत्या ऑक्टोबर महिन्यात लग्न करणार होती. अर्शी खान ही अफगाणिस्तानातील एका क्रिकेटपटूशी विवाहबंधनात अडकणार असल्याचे सांगितले जात आहे. पण अफगाणिस्तानातील सध्याची परिस्थिती पाहता तिचे लग्न होईल की नाही अशी शंका तिलाही वाटू लागली आहे. अर्शी खानने दिलेल्या माहितीनुसार तिचा होणारा साखरपुडा हा मोडला आहे असे  तिने सांगितले आहे. दरम्यान अर्शी खान ही बिग बॉसमुळे चांगलीच प्रकाशझोतात आली आहे.

तालिबानींच्या भीतीमुळे या अभिनेत्रीने सोडले होते अफगाणिस्तान, व्यक्त केली चिंता

तालिबानमुळे होऊ शकणार नाही लग्न

अर्शी खानने एका वाहिनीला दिलेल्या मुलाखतीनुसार तिचे लग्न हे येत्या ऑक्टोबर महिन्यात येणार होते. ऑक्टोबर महिन्यात तिचा साखरपुडा होणार होता. तिच्या घरी या साखरपुड्याची तयारी देखील झाली होती. पण आता तालिबानींनी अफगाणिस्तामध्ये ताबा मिळवल्यामुळे आता तेथील परिस्थितीही फारच वेगळी झाली आहे. त्यामुळे आता हा साखरपुडा होणे शक्य नाही. अर्शीने दिलेल्या माहितीनुसार तिच्या वडिलांनी तिचे हे लग्न ठरवले असून तिचे लग्न हे अफगाणिस्तानातील क्रिकेटपटूशी ठरवण्यात आले आहे. पण अजून हा क्रिकेटपटू कोण आहे याबद्दल कोणतीही माहिती समोर आलेली नाही. त्यामुळे हा क्रिकेटपटू कोण ? याचा प्रश्नही खूप जणांना पडला आहे.  पण अर्शीने लग्न मोडण्याची गोष्ट केल्यामुळे खूप जणांना ती पब्लिसिटी केली आहे का असा देखील एक प्रश्न पडतो.

अर्शी खान इन्स्टावर असते अॅक्टिव्ह

अर्शी खानही सोशल मीडियावर खूप जास्त अॅक्टिव्ह असते. ती तिचे सतत वेगवेगळे फोटो पोस्ट करत असते. असेच नाही ती सतत काहीना काही पोस्ट करत असते. त्यामुळे ती कायम चर्चेत असते. भारत क्रिकेटच मॅच जिंकल्यानंतर तिने कपडे काढून न्यूड होण्याचे बोलून दाखवले होते. त्यामुळे ती चर्चेत आली होती. इतकेच नाही तर तिला अटक करण्याची मागणीही खूप जणांनी केली होती. मूळची अफगाणिस्तानाची असलेली अर्शी गेल्या कित्येक वर्षांपासून भारतात राहात आहे. त्यामुळे तिच्या अनेक गोष्टी या भारताशी जोडलेल्या आहेत.

अर्शी खान पुन्हा आली होती बिग बॉसमध्ये

अर्शी खान ही बिग बॉसमध्ये दोनवेळा येऊन गेली आहे. गेल्यावर्षी राखी सावंत आणि तिचे घमासान युद्ध पाहायला मिळेल. पण एटंरटेन्मेंटचा पिटारा असलेली अर्शी या नव्या रिअॅलिटी शोमध्येही चांगलीच गाजली होती. तिला पुन्हा पाहून अनेकांना आनंद झाला होता. कारण या शोमध्ये जीव आणण्याचे काम तिने खूप चांगल्या पद्धतीने केले होते. घरातील सगळ्यांच्या विरोधात असूनसुद्धा ती नेटाने या घरात राहिली. तिला बॉडीशेमिंगवरुनही खूप जणांनी डिवचले पण तरी देखील ती घरात चांगलीच टिकून राहिली. त्यामुळे अर्शी खान तडकताफडकता शोला आहे असे म्हणायला काहीच हरकत नाही. 

आता अर्शीच्या लग्नाबद्दल नेमक्या काय गोष्टी समोर येतात ते लवकरच कळेल.

अधिक वाचा

टायगर 3′ सलमान खानचा आतापर्यंतचा सर्वात महागडा चित्रपट, समोर आला हटके लुक

विकी कौशल आणि कतरिना कैफने केला का साखरपुडा, काय आहे सत्य