Bigg Boss मराठी 3: स्पर्धकांवर होतेय या गोष्टींमुळे टीका

Bigg Boss मराठी सुरु होऊन आता केवळ दोनच दिवस झाले आहेत. या शोमध्ये कोण येईल याचा एक वेगळाच अंदाज बांधला गेला होता. त्यासाठी अनेक मोठ्या दिग्गज सेलिब्रिटींची नावे यामध्ये आली होती. पण ज्या दिवशी प्रिमिअर झाला त्या दिवशी काही वेगळेच चेहरे यामध्ये दिसल्यामुळे खूप जणांचा अपेक्षा भंग झाला आहे. अनेकांनी अगदी पहिल्याच दिवशी टुकार सेलिब्रिटी म्हणत या शोवर टीका केली आहे. इतकेच नाही तर मराठी बिग बॉसचा हा तिसरा सीझन फ्लॉप जाईल असा अंदाज देखील वर्तवला आहे. जाणून घेऊया काय आहेत प्रेक्षकांच्या प्रतिक्रिया

सोशल मीडियावर स्टेटस

Bigg Boss मराठी या रिअॅलिटी शोचे अनेक चाहते आहेत. पहिले दोन सीझन चांगले गाजवल्यानंतर आता या नव्या सीझनकडून बरीच अपेक्षा होती. कोरोनामुळे खूप गॅपनंतर हा शो येणार होता म्हटल्यावर असे वाटले होते की, यावेळी काहीतरी दमदार पाहायला मिळेल. पण बिग बॉसच्य या घरात असे चेहरे स्पर्धक म्हणून आलेत की ज्यांना आता कोणतेच काम नाही.मराठीतील हे सेलिब्रिटी काहीही कामाचे नाहीत म्हणूनच त्यांना इथे आणले आहे. यातील काही चेहरे तर केवळ यादी पूर्ण करण्यासाठी आले आहेत असे देखील म्हटले जात आहे.

मीरा जगन्नाथचा पहिल्याच दिवशी स्फोट

Bigg Boss मराठीच्या घरात टिकायचे असेल तर अगगी पहिल्याच दिवसापासून काहीतरी वेगळे असायला हवे. किंवा सगळ्यांच्या नजरेत राहू असे असायला हवे. असे असेल तरच या घरात दखल घेतली जाते. मराठमोळ्या लोकांनी भरलेल्या या घरातील पहिला दिवस अगदी छान आणि शांत जात होता. काम अगदी व्यवस्थित होत होती. ज्यांच्याकडून भांडणाची अपेक्षा होती त्यांनी कोणताही तमाशा केलेला दिसला नाही. पण मीरा जगन्नाथने संधी साधलेली दिसत आहे. अगदी पहिल्याच दिवशी काम करण्याचे कारण काढून तिने अगदी क्षुल्लक कारणावरुन जय दुधाने आणि स्नेहा वाघसोबत पंगा घेतला आहे. मीरा घरात सध्या अशी वावरताना दिसत आहे की तिला हा सगळा खेळ समजून आला आहे. पण तिलाही अनेकांनी ट्रोल केले आहे. मालिकांमधून वेड्यासारखी वागणारी मीरा ही खूप चलाख आणि फेक असल्याचे देखील अनेकांनी म्हटले आहे.

Bigg Boss Marathi: स्नेहा वाघ आणि आविष्कारमध्ये नक्की काय होतं नातं

उत्कर्ष शिंदे बनवा टिकाऊ

घरात पहिल्याच दिवशी नॉमिनेशन टास्क रंगला. यामध्ये टिकाऊ आणि टाकाऊ असे स्पर्धक निवडायचे होते. प्रत्येकाला प्रत्येकी दोन स्पर्धक निवडायचे होते. घरातील खूप जणांनी उत्कर्ष शिंदेला टिकाऊ म्हणत पाण्यात ढकलेले आहे. तर जय दुधाने हा खूप जणांना टिकाऊ वाटला आहे. इतकेच नाही. पहिल्याच दिवशी पंगा घेतल्यामुळे मीरा जगन्नाथ ही देखील टिकाऊ म्हणून नाॉमिनेट झाली आहे.  उत्कर्ष शिंदे हा आनंद शिंदे यांचा मुलगा आहे. शिक्षणाने डॉक्टर असलेली ही व्यक्ती बऱ्याच जणांना इंटरटने करणारी वाटली नाही. म्हणून की काय त्याला नॉमिनेट करण्यात आले आहे. 

पहिल्याच दिवशी एवढे काही झाल्यानंतर खूप जणांना एकमेकांवर राग काढण्याची संधी मिळणार आहे. त्यामुळे भांडणही चांगली रंगतील अशी अपेक्षा आहे.

मराठी बिग बॉस 3 ची दिमाखदार सुरुवात, हे कलाकार आहेत स्पर्धक