स्तनदा मातांना पावसाळ्यात स्तनाग्रांमधील बुरशी संसर्गाची समस्या

पावसाळ्यात स्तनाग्रांमध्ये बुरशीजन्य संसर्ग (Fungal Infection in Nipples During Monsoon) अनेक महिलांना त्रासदायक ठरु शकते. या लेखाच्या माध्यमातून अशा सर्व स्तनदा मातांना पावसाळ्याच्या दिवसात कशी काळजी घ्यावी याबाबत मार्गदर्शन करणार आहोत जेणेकरून गंभीर गुंतागुंत टाळण्यासाठी योग्य उपचार निवडू शकतात. यासाठी आम्ही डॉ. सुमन बिजलानी, स्त्रीरोग तज्ज्ञ व प्रसूती तज्ज्ञ एंडोस्कोपिक सर्जन, एसआरव्ही हॉस्पिटल मुंबई यांच्याशी चर्चा केली. त्यांनी याबाबत आम्हाला अधिक माहिती दिली आणि तुम्हालाही याबाबत माहिती असायलाच हवी. प्रत्येक स्तनदा मातांना ही माहिती जाणून घेणे गरजेचे आहे. 

स्तनाग्रांमध्ये बुरशीजन्य संसर्ग 

स्तनदा मातांना (Milk Feeding Mothers) अनेक समस्यांचा सामना करावा लागतो. सर्वात वेदनादायक समस्यांपैकी एक म्हणजे स्तनाग्रांमध्ये बुरशीजन्य संसर्ग जो सामान्यतः पावसाळ्यात दिसून येतो. स्तनदा मातांमध्ये स्तनाग्र संसर्गाची प्रकरणे पावसाळ्यात वाढतात कारण आर्द्रता जास्त असते आणि बुरशी लवकर पसरते.

बुरशीजन्य संसर्गाचे अनेक प्रकार आहेत कॅन्डिडा अल्बिकन्स बुरशीच्या अतिवृद्धीमुळे गडद, ​​ओलसर आणि उबदार वातावरणात बुरशी संसर्ग वाढतो याला थ्रश असे म्हणतात. चांगल्या बॅक्टेरिया आणि या बुरशीच्या संख्येत कोणतेही असंतुलन थ्रश, एक बुरशीजन्य संसर्ग होऊ शकते. शिवाय, शरीरातील उच्च इस्ट्रोजेन पातळी, तोंडी गर्भनिरोधक, अशक्तपणा आणि ओलसर स्तनाग्र यांसारख्या इतर कारणांमुळे तुमच्या स्तनाग्रांमध्ये बुरशीजन्य संसर्ग होण्याची शक्यता दुप्पट होऊ शकते.

थ्रशची संसर्गाची लक्षणे : 

स्तनपानानंतर स्तनाग्रांमध्ये वेदना, स्तनाग्रांमध्ये जळजळ आणि खाज सुटणे, स्तनाग्रांना सूज येणे आणि स्तनाग्रांभोवती लालसरपणा, फोड आणि ठिपके हे त्याची लक्षणे आहेत.

उपचार: 

स्तनाग्रांमध्ये बुरशीजन्य संसर्गाची पुष्टी केल्यानंतर, डॉक्टर अँटीफंगल औषध (Antifungal Medicine), क्रीम, जेल (Gel) आणि मलम लावण्याचा सल्ला देऊ शकतात. लक्षात ठेवा की त्याकडे दुर्लक्ष करू नका आणि विलंब न करता उपचार घ्या. उपचार महिलेनुसार बदलू शकतात. केवळ डॉक्टरांनी दिलेल्या सूचनांचे पालन करण्याचा प्रयत्न करा आणि स्वत: च्या मनाने औषधोपचार करणे टाळा. 

• पावसाळ्याच्या दिवसांमध्ये स्तन तसेच आजूबाजूचा परिसर स्वच्छ आणि कोरडे ठेवणे आवश्यक आहे 
• ब्रेस्ट पंप (Breast Pump) व्यवस्थित धुऊन घ्या
• स्तनांना स्पर्श केल्यानंतर, दूध पाजण्यापूर्वी आणि बाळाचे डायपर बदलल्यानंतर तुमचे हात चांगले धुणे यासारखे काही उपाय करणे आवश्यक आहे 
• घट्ट कपड्यांमुळे स्तनाग्रांच्या आसपासच्या त्वचेमध्ये ओरखडे आणि तीव्र अस्वस्थता निर्माण होऊ शकते. म्हणून, आरामदायी असे सैल आणि सुती कपडे घाला

या अत्यंत महत्त्वाच्या गोष्टी तुम्ही लक्षात ठेवायला हव्यात. स्तनदा माता आहात आणि तुमचे बाळ हे तुमच्या दुधावर अवलंबून असते. त्यामुळे तुम्हाला ही समस्या असल्यास, तुमच्या बाळांनाही याचे दुष्परिणाम भोगावे लागू शकतात. पावसाळ्यामध्ये याची जास्त काळजी घ्यावी लागते हे तुम्ही लक्षात ठेवा. तसंच तुम्हाला स्वतःबरोबर आपल्या बाळाचाही विचार करावा लागतो. तुमच्या स्तनांना बुरशी आल्यास, सर्वात पहिला परिणाम हा तुमच्या शरीरासह बाळाच्या तब्बेतीवरही होऊ शकतो हे तुमच्या मनात तुम्ही पक्के करून घ्या. त्यामुळे वर सांगितलेल्या गोष्टी तुम्ही व्यवस्थित पाळा आणि स्वतःची – बाळाची काळजी घ्या. 

तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र.  आमच्या  The Great Glamm Survey मध्ये सहभागी व्हा आणि जिंका  रुपये 1,000 हजार पर्यंतचा फायदा  आणि सोबत मिळवा एक  MyGlamm कडून मोफत लिपस्टिक