कोविड लसीच्या व्हिडिओमुळे मिताली मयेकर झाली ट्रोल

कोविडची तिसरी लाट येऊ नये यासाठी मोठ्या प्रमाणावर प्रयत्न सुरू आहेत. शंभर टक्के लसीकरण झाल्यास कोविडची तिसरी लाट थोपवणं नक्कीच सोपं जाणार आहे. सर्वसामान्यांप्रमाणेच सेलिब्रेटीदेखील लसीकरणाचे सर्व नियम पाळताना दिसत आहेत. कारण लसीकरण केल्यामुळे कलाकारांना शूटिंग आणि कामानिमित्त प्रवास करणं सोयीचं होणार आहे. एक महिन्यापूर्वी यासाठी मराठी अभिनेत्री मिताली मयेकरने कोविडचा पहिला डोस घेतला होता. विशेष म्हणजे लस घेताना काढलेला व्हिडिओ तिने चाहत्यांसोबत आता शेअर केला आहे. मात्र हा व्हिडिओ शेअर केल्यावर मितालीचं कौतुक न होता ती चांगलीच ट्रोल होताना दिसत आहे.जाणून घ्या यामागचं कारण

Biggboss Marathi season 3 : लहानपणी खूप खोडकर होता बिग बॉस मराठी मधला हा स्पर्धक

मितालीला खरंच वाटतेय का इंजेक्शनची भीती

लसीकरणासाठी मितालीने काळ्या रंगाचा मास्क आणि पांढऱ्या रंगाचे टी शर्ट परिधान केले होते.  एक महिन्यापूर्वी मितालीने कोविडचा पहिला डोस घेतला मात्र तो घेताना तिची अवस्था पाहण्यासारखी होती. इंजेक्शनची भीती सर्वांनाच वाटते त्याप्रमाणे मितालीही वाटत होती. तिने व्हिडिओसोबत तिच्या या भावना मोकळेपणे व्यक्त केल्या आहेत. व्हिडिओमध्ये लस घेताना मितालीच्या चेहऱ्यावरील भीती स्पष्ट जाणवत आहे. मात्र हा व्हिडिओ सोशल मीडियावर येतात मितालीवर जोरदार टीका होऊ लागली. याचं कारण प्रेक्षकांना तिने या व्हिडिओसाठी घाबरण्याचं खास नाटक केलं असं म्हणणं आहे. 

Biggboss Marahti 3: गायत्री आणि मीरामुळे जय जातोय चुकीच्या दिशेला

मिताली होतेय या कारणासाठी ट्रोल

नेटकऱ्यांनी मितालीच्या या व्हिडिओवर तिला ट्रोल करत प्रतिक्रिया देण्यास सुरूवात केली आहे . एका ट्रोलरने कंमेट केली आहे की,  तुझ्या हातावर इतके टॅटू आहेत ते काढताना तुला भीती वाटली नाही का? मग आता लसीसाठी एक साधं इंजेक्शन  घेताना तुला एवढी भीता का वाटत आहे ? काही ट्रोलर्सनी तर तिला ती ओव्हर अॅक्टिंग करत आहे अशी कंमेट केली आहे. विशेष म्हणजे तिच्या सहकलाकारांनीही या व्हिडिओवर अशाच मजेशीर प्रतिक्रिया दिल्या आहेत. 

श्वेता तिवारीची बिघडली तब्येत, हॉस्पिटलमध्ये केलं दाखल

मिताली मयेकर आणि सिद्धार्थ चांदेकर हे मराठी चित्रपटसृष्टीतील एक क्यूट कपल आहे. जानेवारी महिन्यामध्ये या दोघांचं लग्न झालं आहे त्याआधी दोन वर्ष ते दोघं रिलेशनशिपमध्ये होते. आता लग्नानंतरचे सर्व कार्यक्रम आणि सणसमारंभ एकत्र साजरे केल्यामुळे ते दोघं सोशल मीडियावर सतत चर्चेत असतात. मितालीने बिल्लू बार्बर या हिंदी चित्रपटातून बाल कलाकाराची भूमिका साकारली होती. त्यानंतर फ्रेशर्स, तू माझा सांगाती, लाडाची मी लेक गं अशा मालिकांमुळे तिला अधिक प्रसिद्धी मिळाली. तिने उर्फी, आम्ही बेफिकर अशा चित्रपटांमध्येही मुख्य भूमिका साकारली आहे. मिताली सोशल मीडियावर अॅक्टिव्ह असून तिचे बोल्ड आणि ब्युटीफुल फोटोसेशन चाहत्यांना नेहमीच आवडते.