आपल्याच गाण्याचं प्रमोशन करतेय राखी, व्हिडिओ होतायत व्हायरल

प्रसिद्धीसाठी कलाकार काय करतील हे सांगता येत नाही. एखादा चित्रपट किंवा गाणे आले की, त्याला प्रसिद्धी मिळवून देण्यासाठी कलाकार वेगवेगळ्या शकला लावतात. अनेकदा कलाकरांच्या मागे निर्मिती टिमचा मोठा ताफा असतो. जो केवळ प्रमोशन करण्याचे काम करतो. पण राखी सावंत ही अशी कलाकार आहे जिला प्रसिद्ध होण्यासाठी कोणाचीच गरज नाही. तिला आपली प्रसिद्धी कशी करायची हे खूप चांगल्या पद्धतीने माहीत आहे. नुकतेच राखी सावंतचे एक नवे गाणे आले आहे. त्या गाणाचं प्रमोशन राखी सावंत स्वत:च करताना दिसत आहे. तिचे हे अनेक व्हिडिओ व्हायरल देखील होत आहेत. जाणून घेऊया राखी नेमकं काय काय करतेय ते

बाळाच्या जन्मानंतर नागिन फेम या अभिनेत्रीने करिअर सोडल्याच्या चर्चांना जोर

राखी करते लाईव्ह

राखी सावंतला बिग बॉस 15 नंतर पुन्हा एकदा चांगली प्रसिद्धी मिळाली. राखी सावंतच्या इंटरटेन्मेंटमुळे प्रेक्षक फारच खूश झाले होते. आता तिच्या या प्रसिद्धीमुळे तिला पुन्हा एकदा काम मिळायला सुरुवात झाली आहे. तिचे एक नवे व्हिडिओ साँग रिलीज झाले आहे. ‘मेरे दिल मे तेरी एंट्री’ नावाचे हे गाणे असून या गाण्यातून पुन्हा एकदा राखी सावंतने कमबॅक केले आहे. राखी सावंत आपल्या गाण्याचे हेच प्रमोशन करण्यासाठी अनेकदा प्रेक्षकांशी तिच्या चाहत्यांशी संवाद साधायचा प्रयत्न करते. त्यामुळे खूप वेळा ती तिच्या सोशल मीडियाच्या माध्यमातून लाईव्ह येत असते. तिचे गाणे किती चांगले आहे हे सांगून माझ्या गाण्याला हिट मिळवून द्या असे देखील ती सांगत असते. तिच्या या गाण्याचे प्रमोशन करण्यासाठी राखीने एकही जागा सोडलेली नाही. तिला जिथे शक्य असेल तिथे ती लाईव्ह येत सगळीकडे आपल्या गाण्याचं प्रमोशन केलेले आहे.

मी बनू शकते उत्तम दिग्दर्शक कंगनाचा दावा

रस्त्यातील लोकांना शिकवतेय डान्स

आता या गाण्याचं प्रमोशन थोडसं वेगळ्या पद्धतीने आणि राखी सावंत स्टाईलने करण्यासाठी पापाराझी आल्यानंतर त्यांच्यासमोरही राखी सध्या आपल्या गाण्याचं प्रमोशन करताना दिसत आहे. राखी रस्त्यावर येऊन तिच्या चाहत्यांसोबत गाण्याचे दोन चार स्टेप्स करताना दिसते. त्यामुळे तिच्याच गाण्यामध्ये ती स्वत:च डान्स करताना आणि त्यांना डान्स शिकवताना दिसत आहे. राखीने आपलेच गाणे कसे प्रमोट करायचे याचा हा अनोखा फंडा शोधून काढला आहे. ज्यामुळे राखीची चर्चा सगळ्या पापाराझींमध्ये होताना दिसत आहे. राखी सावंतचे हे काही व्हिडिओ चांगलेच व्हायरल होताना दिसत आहेत.

तुझ्यात जीव रंगला फेम धनश्री काडगावकरच्या बाळाचं झालं बारसं

राखी सतत असते चर्चेत

राखी सावंत ही कायमच चर्चेचा विषय आहे. तिला कोणत्याही गोष्टी या शांतपणे करता येत नाही. सगळ्यामध्ये तिचे काहीतरी नक्कीच वेगळे असते. कोणत्याही गोष्टीला सोशल मीडियावर हिट कसे करायचे हे राखीला सांगायलाच नको. राखी सावंत मध्यंतरीच्या काळात दिपक कलालमुळे चर्चेत आली होती. दिपक कलालशी लग्न आणि तिने गपचूप रितेशसोबत केलेले लग्न यामुळे देखील ती प्रसिद्धी झाली. त्यामुळे राखी आणि चर्चा हे आता काही नवे राहिलेले नाही. त्यामुळे आता तिचे हे नवे गाणे हिट होईपर्यंत ती या गोष्टी करतच राहणार आहे. 

आता राखी सावंतचा हा व्हायरल व्हिडिओ तुम्ही पाहिला नसेल तर तुम्ही हा व्हिडिओ नककीच पाहायला हवा.