रितेश देशमुखचा डिजिटल डेब्यू, प्रदर्शित झाला फर्स्ट लुक

कोविड महामारीच्या दुसऱ्या लाटेमुळे बंद झालेली सिनेमागृह अजूनही सुरू होण्याची चिन्हे दिसत नाही आहेत. मात्र या काळात ओटीटी माध्यमाने प्रेक्षकांचे चांगले मनोरंजन केले आहे. ज्यामुळे आता मोठमोठ्या कलाकारांना ओटीटी माध्यमाचे वेध लागले आहेत. ज्यामुळे एकामागो माग एक असे बॉलीवूड स्टार्स डिजिटल माध्यमात पदार्पण करताना दिसत आहेत. बॉलीवूड अभिनेता रितेश देशमुखनेही नुकताच डिजिटल डेब्यू केला आहे. रितेश लवकरच नेटफ्लिक्सवरील प्लॅन ए प्लॅन बी या चित्रपटातून प्रेक्षकांच्या भेटीला येत आहे. या चित्रपटात तो पहिल्यांदाच तमन्ना भाटियासोबत रोमान्स करताना दिसेल. 

रितेशने शेअर केली पोस्ट

रितेशही त्याच्या या नव्या प्रोजेक्टसाठी उत्साहित आहे. रितेश आणि रितेशची पत्नी सोशल मीडियावर नेहमीच अॅक्टिव्ह असतात. या दोघांचे फॅन फॉलोव्हर्सही खूप आहेत. रितेशने त्याच्या चाहत्यांसाठी  ट्विटरवर एक पोस्ट शेअर केली आहे. ज्यात त्याने त्याच्या डिजिटल डेब्यूबद्दल सांगितलं आहे. त्याने शेअर केलं आहे की, आमचा नवा चित्रपट ‘प्लॅन ए प्लॅन बी’ लवकरच प्रदर्शित होत आहे. या चित्रपटातून तुमच्यासमोर येण्यासाठी मी खूपच उत्सुक आहे. भेटू या लवकरच… अशा पद्धतीने त्याने त्याच्या चाहत्यांसोबत संवाद साधला आहे. रितेश 2020 मध्ये बागी 3 मधून प्रेक्षकांच्या भेटीला आला होता. मात्र त्यामध्ये त्याने टायगर श्रॉफच्या भावाची मध्यवर्ती भूमिका साकारली होती. आता लवकरच तो पुन्हा मुख्य भूमिकेतून प्रेक्षकांच्या भेटीला येत आहे. ज्यामुळे त्याचे चाहते नक्कीच खूश आहेत. त्याचप्रमाणे तो लवकरच सोनाक्षी सिन्हासोबत आणखी एका चित्रपटात झळकणार आहे. ज्याचं दिग्दर्शन आदित्य सरपोतदार करत आहेत. या व्यतिरिक्त कुकुडा आणि हाऊसफुल्ल 5 मध्येही तो असेल. 

काय आहे ‘प्लॅन ए प्लॅन बी’

प्लॅन ए प्लॅन बी हा चित्रपट शशांक घोष दिग्दर्शित करत आहे. या चित्रपटाची कथा लिहिली आहे रजत अरोडा यांनी. या चित्रपटात रितेश आणि तमन्नासोबत पूनम ढिल्लो आणि कुषा कपिलापण मुख्य भूमिकेत आहेत. सूत्रांनी दिलेल्या माहितीनुसार हा चित्रपट मैचमेकर या संकल्पनेवर आधारित असेल. एक मॅचमेकर आहे जिला वाटत आहे की जगात प्रत्येकासाठी लग्नाचा जोडीदार ठरलेला आहे तर दुसरीकडे एक यशस्वी डिवोर्स वकील आहे ज्याचं या यशामागे एक सिक्रेट आहे. आता अशा दोन व्यक्ती जेव्हा एकमेकांसमोर येतील तेव्हा काय घडेल हे या चित्रपटात असेल. 

‘हिरामंडी’मध्ये रेखा ऐवजी आता ऐश्वर्याची एन्ट्री

राणू मंडल इज बॅक, ‘बचपन का प्यार’ व्हिडिओ व्हायरल

Bigg Boss OTT: शमिता दिव्याची तुटली मैत्री, करणने केली दिव्याची कानउघडणी