शिंदे घराण्यातील स्वरांजलीचं संगीत क्षेत्रात पदार्पण

‘ना सांगता ना बोलता छंद लागला तुझा, समजना उमजना सावरू कसा मना’ अशी मनोवस्था व्यक्त करणारा “सांग रे मना….” हा नवाकोरा म्युझिक व्हिडिओ प्रेक्षकांच्या भेटीला आला आहे. विशेष म्हणजे, आजवर अनेक हिट गाणी दिलेल्या शिंदे घराण्यातील स्वरांजली शिंदे “सांग रे मना…” या गाण्याद्वारे म्युझिक व्हिडिओतून संगीत क्षेत्रात  पदार्पण करत आहे. सुप्रसिद्ध गायक मिलिंद शिंदे (Milind Shinde) यांची ती कन्या आहे. आनंद शिंदे, मिलिंद शिंदे ही नावे नक्कीच म्युझिक इंडस्ट्रीला नवीन नाहीत. तर आता शिंदे घराण्यातील स्वरांजलीनेही या क्षेत्रात पाऊल ठेवले आहे. शिंदे घराण्यानं आतापर्यंत अनेक सुपरहिट गाणी दिली आहेत. या घराण्यातली स्वरांजली ही पहिली महिला गायिका आहे. आदर्श आणि उत्कर्ष या दोघांनीही फारच कमी वेळात आपली अशी ओळख निर्माण केली आहे. तर स्वरांजलीचे हे पहिलेच गाणे आहे. 

प्रेमामध्ये आकंठ बुडालेल्या प्रेमिकांच्या भावना 

प्रेमामध्ये आकंठ बुडालेल्या प्रेमिकांच्या भावना सांग रे मना या गाण्यात मांडण्यात आल्या आहेत. तसंच उत्तम चित्रीकरण, उत्तम कलाकारही यात असल्यानं म्युझिक व्हिडिओही जमून आला आहे. त्यामुळे प्रत्येक प्रेमिकाची सांग रे मना ही भावना आता सुरेल आणि देखण्या पद्धतीनं चित्रीत झाली आहे. सहजसोपे शब्द आणि तितकंच श्रवणीय संगीत असल्यानं हे गाणं तमाम तरुणांच्या पसंतीस उतरेल यात शंका नाही. सप्तसूर म्युझिकच्या साईनाथ राजाध्यक्ष यांची  प्रस्तुती असलेल्या  “सांग रे मना” या म्युझिक व्हिडिओची निर्मिती एसआरवाय प्रॉडक्शनने केली आहे. रुपेश खांदर या नव्या दमाच्या संगीतकारानं या गाण्याला संगीत दिलं आहे. तसंच स्वरांजलीसह त्यांनी गाणं गायलही आहे. तर सुहास रुके आणि माऊली कोळी या म्युझिक व्हिडिओमध्ये दिसणार आहेत. सप्तसूर म्युझिकने आतापर्यंत अनेक नव्या दमाच्या कलाकारांना प्लॅटफॉर्म निर्माण करून दिला आहे. त्यात आता ‘सांग रे मना’ या म्युझिक व्हिडिओचीही भर पडली आहे. त्यामुळेच सांग रे मना हा म्युझिक व्हिडिओचं वेगळं महत्त्व आहे.

आदर्श आणि उत्कर्षचा गाजावाजा 

याआधी प्रेक्षकांनी आदर्श शिंदे (Adarsh Shinde) आणि उत्कर्ष शिंदे (Utkarsh Shinde) या दोन्ही भावंडांना उचलून धरले होते. आदर्श शिंदे यांचे गाणे अप्रतिम असून मराठीतील अनेक गाणी त्यांनी गायली आहेत. तर बिग बॉस मराठीमधून उत्कर्ष शिंदेने प्रेक्षकांची मने जिंकून घेतली. अनेक टास्कमध्ये वेगवेगळ्या स्पर्धकांना टक्कर देत त्याने आपली अशी जागा या शो मध्ये मिळवली. डॉक्टर असूनही अंगी असलेली कला उत्कर्षने उत्तम जोपासली आहे. तर आता या दोन्ही भावंडांनंतर स्वरांजलीनेही या क्षेत्रात पाऊल ठेवले आहे. या दोन्ही भावंडांप्रमाणे स्वरांजलीदेखील फारच कमी वेळात आपली ओळख निर्माण करेल असा नक्कीच शिंदे कुटुंबीयांना विश्वास आहे. तर आता या म्युझिक व्हिडिओला प्रेक्षक कसा प्रतिसाद देतील हेदेखील पाहणे औत्सुक्याचे ठरणार आहे. 

तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र.  आमच्या  The Great Glamm Survey मध्ये सहभागी व्हा आणि जिंका  रुपये 1,000 हजार पर्यंतचा फायदा  आणि सोबत मिळवा एक  MyGlamm कडून मोफत लिपस्टिक