अभिनेता सोनू सूद हा रिअल लाईफ हिरो म्हणून का प्रसिद्ध आहे याची प्रचिती पुन्हा एकदा आली आहे. पंजाबमधील मोगा येथे सोमवारी झालेल्या भीषण अपघातानंतर बेशुद्ध पडलेल्या एका 19 वर्षीय मुलाचे प्राण वाचवून सोनूने सिद्ध केले आहे की तो फक्त पडद्यावरचाच हिरो नसून खऱ्या आयुष्यात देखील हिरोच आहे. सोनू सूद पंजाबमध्ये गाडीने प्रवास करत असताना एका उड्डाणपुलावरून जाताना ही भयंकर घटना घडली. सोनूला अपघाताविषयी कळल्यावर तो लगेच त्याच्या कारमधून बाहेर पडला आणि अपघाताच्या ठिकाणी गेला. सोशल मीडियावर या घटनेचा व्हिडिओ व्हायरल झाला आहे.
सोनू सूदने स्वतः मुलाला हॉस्पिटलमध्ये नेले
या घटनेचा व्हिडीओ सध्या सगळीकडे फिरतोय. व्हिडिओत स्पष्ट दिसतेय की अपघातग्रस्त झालेल्या त्या जखमी मुलाला बाहेर काढण्यासाठी सोनू अपघातग्रस्त कारच्या आत गेला. अपघातामुळे गाडीची अवस्था खूप भयंकर झालेली दिसून येत आहे. व्हिडिओत दिसतेय की कारला सेंट्रल लॉक होते. त्यामुळे जखमी मुलाला बाहेर काढण्यासाठी सोनूला थोडा वेळ लागला. स्वतःच्या स्टारडमचा कुठलाही अहं न बाळगता घटनेचे गांभीर्य लक्षात घेऊन माणुसकीच्या नात्याने सोनूने सगळे प्रयत्न करून त्या जखमी तरुणाला यशस्वीपणे गाडीबाहेर काढले. आणि नंतर तो त्याला स्वतःच्या कारपर्यंत उचलून घेऊन गेला. सोनू सूद स्वतःच्या गाडीतून त्या मुलाला जवळच्या रुग्णालयात घेऊन गेला आणि त्याच्यावर वेळेत उपचार होतील याची काळजी त्याने घेतली. त्या मुलाला वेळेत वैद्यकीय उपचार मिळाले म्हणून ठीक, अन्यथा त्याचा जीव धोक्यात होता. सुदैवाने आता त्या मुलाची प्रकृती बरी आहे.
सोनू सूद स्वतः मुलाची मदत करतानाचा व्हिडीओ येथे बघा
सोनू सूदने यापूर्वीही अडचणीत असलेल्यांना खूप मदत केली आहे
सोनू सूद कायमच लोकांना मदत करण्यासाठी चर्चेत असतो. 2020 जेव्हा संपूर्ण देशात कोव्हीडमुळे लॉकडाऊन होते तेव्हा लोक जिथल्या तिथेच अडकले होते. जे आपापल्या घरात होते त्यांना लॉकडाऊनचा त्रास तुलनेने कमी जाणवला पण जे लोक कामाच्या निमित्ताने घरापासून लांबच्या शहरात दुसरीकडे अडकले होते त्यांना खूप त्रास झाला. खास करून ज्यांचे हातावर पोट आहे अश्या गरीब लोकांना तर प्रचंड त्रासाला सामोरे जावे लागले होते. त्याच काळात सोनू सूदने रोजंदारी मजुरांना, स्थलांतरितांना आणि इतर अडकून पडलेल्या लोकांना त्यांच्या घरी सुरक्षितपणे पोहोचण्यास मदत केली होती.
अधिक वाचा – अल्लू अर्जुनची जबरदस्त चाहती आहे आलिया भट, लवकरच झळकणार एकत्र
रोडीज तसेच फतेहमध्ये दिसणार सोनू सूद
सोनू सूदचा ‘फतेह’ हा आगामी चित्रपट लवकरच प्रदर्शित होईल. तसेच MTV रोडीजमध्येही तो होस्ट म्हणून आपल्याला नव्या रूपात दिसेल. याआधी MTV रोडीजचा होस्ट रणविजय होता परंतु आता ती जागा सोनूने घेतली आहे. हा शो होस्ट करण्याबद्दलबद्दल अत्यंत उत्सुक असल्याचे सोनूने शेअर केले आहे. तो म्हणाला की “MTV रोडीजचा प्रवास तुम्हाला आयुष्यभरासाठी एक चॅम्पियन बनवतो. या शो मधील आव्हानांची मालिका इतर रिऍलिटी शोपेक्षा वेगळी आहे. MTV रोडीजच्या 18व्या सीझनचे होस्टिंग करण्याची संधी मला मिळावी हा माझ्यासाठी खरोखरच एक सन्मान आहे. शो चा होस्ट म्हणून, मी स्पर्धकांना दक्षिण आफ्रिकेतील खडतर प्रवासात मार्गदर्शन करीन.”
सोनू सूदचा फतेह हा चित्रपट झी स्टुडिओची निर्मीती असणार आहे. हा चित्रपट अभिनंदन गुप्ता दिग्दर्शित करणार आहेत. हा चित्रपट खऱ्या आयुष्यात घडलेल्या घटनांवर आधारित असून एक ऍक्शन पॅक्ड चित्रपट असेल. सोनू सूदने खऱ्या आयुष्यात देखील गरजूंना मदत करून चाहत्यांचे मन जिंकले आहे त्यामुळे त्याच्या या नवीन प्रोजेक्टमध्ये त्याला बघण्यासाठी त्याचे चाहते उत्सुक आहेत.
अधिक वाचा – 21 फेब्रुवारीला फरहान आणि शिबानी अडकणार लग्नबंधनात, करणार कोर्ट मॅरेज
तुमच्या सौंदर्यामध्ये भर घालण्यासाठी POPxo आणि MyGlamm येत आहेत एकत्र. आमच्या The Great Glamm Survey मध्ये सहभागी व्हा आणि जिंका रुपये 1,000 हजार पर्यंतचा फायदा आणि सोबत मिळवा MyGlamm कडून एक मोफत लिपस्टिक
Read More From बॉलीवूड
फिल्ड मार्शल सॅम माणेकशॉ यांच्यावरील बायोपिक ‘सॅम बहादूर’च्या चित्रीकरणास सुरुवात
Vaidehi Raje