लवकरच येणार ‘सलमान खान’च्या जीवनावर आधारित वेबसिरिज

सलमान खानला बॉलीवूडचा भाईजान म्हणून ओळखलं जातं. भाईजानचा कोणताही चित्रपट पाहण्यासाठी चित्रपटगृहात चाहत्यांची गर्दी होते. सलमानचे सर्वच चित्रपट अॅक्शन, रोमान्स आणि मनोरंजनाचा धमाका असतात. त्यामुळे चित्रपट प्रदर्शित होण्यापूर्वीच चित्रपटाची चर्चा चाहत्यांमध्ये सुरू होते. चाहते सलमानचा प्रत्येक चित्रपट पाहताना चित्रपटगृहात शिट्या आणि टाळ्यांचा अक्षरशः जल्लोष करतात. आज सलमान खान सर्वांचा आवडता हिरो असला तरी त्याचं जीवन सहज आणि सोपं नक्कीच नाही. त्याने जीवनात अनेक चुका केल्या आणि तितकंच अनेकांना सहकार्यही केलं. मात्र संकटाचा ससेमिरा त्याच्या मागे कायमच होता आणि आहे. आजही त्याचं प्रोफेशनल  आणि वैयक्तिक दोन्ही आयुष्य इतरांसाठी चर्चेचा विषय आहे. म्हणूनच आता लवकरच खुद्द सलमान खानच्या आयुष्यावरच एक वेबसिरिज येणार आहे. ज्यात सलमानच्या खऱ्या आयुष्यातील अनेक सिक्रेट्स उघड होणार आहेत. 

कियारा आडवाणी ‘स्मिता पाटील मेमोरिअल ग्लोबल पुरस्कार’ ने सन्मानित

आता वेबसिरिजमध्ये उघड होणार भाईजानचं आयुष्य

सलमान खानने 1988 मध्ये बॉलीवूडमध्ये पदार्पण केलं. मात्र त्याला खरी ओळख मिळाली ती मैने प्यार किया या चित्रपटातून… या चित्रपटाच्या यशानंतर सलमानने कधीच मागे वळून पाहिलं नाही. आज त्याच्या नावावर अनेक हिट चित्रपट आहेत. मात्र असं असूनही त्याच्या वैयक्तिक आयुष्य आणि करिअरवरमध्ये त्याला अनेक खाचखळग्यांना सामोरं जावं लागलंय. सूत्रांनी दिलेल्या माहितीनुसार आता त्याच्या जीवनावर आधारित एक वेबसिरिज केली जाणार आहे. ज्यात बॉलीवूडमधील त्याचा तीन दशकांचा प्रवास, त्याचे अफेअर्स, त्याचं वैयक्तिक आयुष्य दाखवण्यात येणार आहे. ज्यासाठीत्याचं कुटुंब, त्याचा मित्रपरिवार, त्याचे सहकलाकार, त्याचे दिग्दर्शक, निर्माते, सहकारी यांची मुलाखत घेतली जाणार आहे. सूत्रांनी दिलेल्या माहितीनुसार या मुलाखती घेण्यास सुरुवात झाली आहे. सलमान खान, विज फिल्म आणि अप्लॉस इंटरटेंटमेंट मिळून ही वेबसिरिज तयार करत आहेत. या टीमच्या मते हा प्रोजेक्ट ओटीटीवरचा एक बिगबजेट प्रोजेक्ट असणार आहे. अजूनही ही वेबसिरिज ओटीटीवरच प्रदर्शित केली जाणार का याचा खुलासा करण्यात आलेला नाही. मात्र असं झालं तर चाहत्यांना लवकरच एक छान मनोरंजनाची मेजवानीच मिळेल यात शंका नाही.

विशाल भारद्वाजच्या ‘खुफिया’मध्ये तब्बू आणि अली फजलची जोडी

सलमान खान सध्या करतोय ‘टायगर 3’ चं शूटिंग 

सलमान खान सध्या त्याच्या आगामी चित्रपट टायगर 3 चं शूटिंग करण्यामध्ये व्यस्त आहे. या चित्रपटाचं शूटिंग तो सध्या कतरिना कैफसोबत तुर्कीमध्ये करत आहे. या चित्रपटाचा दिग्दर्शक मनिष शर्मा असून या चित्रपटात इम्ररान हाश्मीचीही मुख्य भूमिका आहे. यासोबतच सलमान अंतिम चित्रपटही करत आहे. ज्यामध्ये त्याच्या बहिणीचा नवरा आयुष शर्मा मुख्य भूमिकेत आहे.या चित्रपटात दोघांमध्ये संघर्ष दाखवण्यात येणार आहे. सलमान खान नेहमीप्रमाणे पोलिस अधिकारी आणि आयुष या चित्रपटाचा खलनायक असणार आहे. या दोन्ही चित्रपटांचे शूटिंग पूर्ण होताच सलमान कभी ईद कभी दिवाली या चित्रपटाच्या शूटिंगला सुरूवात करणार आहे. ज्यामध्ये त्याच्यासोबत पूजा हेगडे मुख्य भूमिकेत असेल. यासोबतच सलमान शाहरूखच्या पठाणमध्ये आणि आमिर खानच्या लाल सिंह चड्ढामध्ये कॅमियो करणार आहे. थोडक्यात पुढचं संपूर्ण वर्ष सलमानच्या चाहत्यांसाठी मनोरंजनाचा बडा पॅकेज असण्याची शक्यता आहे.

उर्वशी रौतेला आगामी चित्रपटासाठी शिकत आहे मार्शल आर्ट