मका खाण्याचे फायदे जाणून घ्या (Benefits Of Corn Flour in Marathi)

ऋतूमध्ये बदल होताच आपल्या खाण्यापिण्यात अनेक बदल होतात. पावसाळा अथवा हिवाळ्यात वातावरणात प्रचंड गारवा असतो. अशा वातावरणात गरमागरम पदार्थ खाण्याची मजा काही औरच… शिवाय या मौसमात खूप भूकही लागते. त्यामुळे नवनवीन पदार्थ खाण्याची इच्छा होतेच. पावसाळ्यात मका भाजून भुट्टा केला जातो, मक्याचं गरमागरम सूप प्यायलं जातं. त्याचप्रमाणे थंडीत मक्के दी रोटी आणि सरसों दा सागचा स्वाद काही औरच असतो. ही मक्याची रोटी खास हिवाळ्यातच केली जाते. कारण मक्याचे पदार्थ फक्त चवीलाच नाहीतर आरोग्यासाठीही उत्तम असतात. थंडीमध्ये फक्त पोळी म्हणूनच नाहीतर अनेक भाज्यांमध्येही मक्याच्या पीठाचा तुम्ही वापर करू शकता. खरंतर थंडीत मक्याची पोळी आणि यापासून विविध पदार्थ बनवण्यामागे यापासून मिळणारं भरपूर पोषण आहे. मका खाण्याचे फायदे अनेक असल्यामुळे निरनिराळ्या सूप्सनां जाडसरपणा मिळावं म्हणून त्यात कॉर्नफ्लोर मिसळलं जातं. व्हिटॅमिन्स आणि मिनरल्सने भरपूर असलेला मका हा फक्त भारतातच नाहीतर विदेशातही भरपूर प्रमाणात वापरला जातो. मक्याचं कणीस आणि पॉपकॉर्न्सचा आस्वाद तर आपण घेतोच. पण अनेक पदार्थांमध्ये आजकाल मक्याचं पीठ (Corn Flour In Marathi) म्हणजेच कॉर्नफ्लोरचाही समावेश  केला जातो. यासाठीच जाणून घ्या मक्याचं पीठ अथवा मका खाण्याचे फायदे (Benefits Of Corn Flour In Marathi) आणि त्याचा वापर आहारात कसा करावा. 

मका खाण्याचे फायदे (Benefits Of Corn Flour In Marathi)

मकाचे दाणे (Maize In Marathi) सुकवून त्याचे पीठ काढले जाते. ज्याला आपण कॉर्नफ्लोर असे म्हणतो. हे कॉर्नफ्लोर पदार्थांची रूची तर वाढवतेच शिवाय ते आपल्या आरोग्यासाठीही उत्तम ठरते. 

कोलेस्ट्रोल कमी होते (Lowers Blood Cholesterol)

मक्याची पोळी खाण्याने कॉलेस्ट्रॉल कमी होतं आणि यामुळे कार्डियोव्हॅस्क्युलरचा धोकाही कमी होतो. यामध्ये ओमेगा-3 फॅटी एसिडही असतं जे हृदयाला निरोगी ठेवतं. याशिवाय तुम्हाला हायबीपीचा त्रास असल्यास हार्ट अटॅक आणि स्ट्रॉकचा धोकाही कमी होतो. नियमितपणे याचं सेवन केल्यास वाईट कॉलेस्ट्रॉलची पातळी कमी होते. 

अशक्तपणा कमी होतो (Prevent Anaemia)

हिमोग्लोबिन किंवा रेड ब्लड सेल्सच्या कमतरतेमुळे अनेकांना अशक्तपणा जाणवतो. अशा स्थितील एनिमिया म्हटलं जातं. एनिमिया, महिला आणि वाढत्या वयातील मुलांमधील कॉमन समस्या आहे. मग हे टाळायचं असल्यास तुम्ही तुमच्या आहारात मक्याचं पीठ सामील केलं पाहिजे. मक्याच्या पीठात बीटा-कॅरटीन नावाचं तत्त्वं आढळतं. हे तत्त्व रेड ब्लड सेल्सच्या निर्मितीत मदत करतं. हे तत्त्वं शरीरातील रक्ताच्या निर्मितीत मदत करतं. त्यामुळे हे खाल्ल्याने एनिमियाचा त्रास होत नाही. 

वजन वाढण्यासाठी होते मदत (Promotes Healthy Body Weight)

कॉर्नफ्लोरमुळे तुमचे पदार्थ अधिक रूचकर आणि कुरकुरीत होतातच पण यामुळे तुमचे वजनदेखील वाढू शकते. जर तुम्ही कृश प्रकृतीच्या असाल आणि तुम्हाला योग्य पद्धतीने वजन वाढवायचे असेल तर तुम्ही आहारात कॉर्नफ्लोरचे प्रमाण वाढवू शकता. कारण वजन योग्य पद्धतीने वाढवायचे असेल तर आहारात पोषक पदार्थ असायला हवेत. कॉर्नफ्लोरमुळे तुमच्या शरीराला कार्बोहायड्रेट आणि अनेक पोषक घटक मिळतात. मकाचे फायदे( Benefits Of Corn Flour In Marathi) अधिक असल्यामुळे वजन वाढवण्यासाठी मैद्याच्या पदार्थांचा तुम्ही आहारात समावेश करू शकता.

बद्धकोष्ठता कमी होते (Reduce Constipation)

कॉर्नफ्लोरचे फायदे (Benefits Of Corn Flour In Marathi ) असे की यामुळे तुमची पचनशक्ती सुधारते. ज्यामुळे बद्धकोष्ठतेचा त्रास हळू हळू कमी होतो. कॉर्नफ्लोरमध्ये विरघळणारे फायबर्स असतात. ज्यामुळे कॉर्नफ्लोरपासून बनवलेले पदार्थ पचण्यास हलके असतात. ज्याचा तुमच्या पचनशक्तीवर ताण येत नाही. आतड्यांना आराम मिळाल्यामुळे बद्धकोष्ठतेसारखे त्रास होत नाहीत. जर तुम्हाला वारंवार बद्धकोष्ठतेचा त्रास होत असेल तर आहारात कॉर्नफ्लोरचा समावेश जरूर करा. 

पचनशक्ती सुधारते (Improves Digestive Health)

मक्याचं पीठ हे त्यांच्यासाठी खासकरून फायदेशीर मानलं जातं, ज्यांना थंडीत पचनाचा त्रास होतो. मक्यामध्ये भरपूर प्रमाणात फायबर असल्याने ते पचायला अगदी सोपं असतं. तुम्ही तुमची पचनशक्ती सुधारण्यासाठी आहारात मका, मक्याचे पीठ, कॉर्नफ्लोर यापासून बनवलेले पदार्थ समाविष्ठ करू शकता. ज्यामुळे आतड्यांना आराम मिळेल आणि तुमची पचनशक्ती सुधारून पोट निरोगी राहिल.

शरीराला उर्जा मिळते (Energizes The Body)

कॉर्नफ्लोरमध्ये प्रोटिन्स, कार्बोहायड्रेट, फायबर्स, व्हिटॅमिन बी 1, व्हिटॅमिन बी2, व्हिटॅमिन बी 3, कॅल्शिअम, झिंक, फॉस्फरस, मॅग्नेशिअम, लोह, पोटॅशियम भरपूर प्रमाणात असते. ज्यामुळे तुमच्या शरीराला मका आणि मक्याचे पदार्थ खाण्यामुळे चांगली उर्जा मिळते. जर तुम्हा थकल्यासारखे अथवा अशक्त वाटत असेल तर खाद्यपदार्थांमध्ये कॉर्नफ्लोरचा समावेश करा. ज्यामुळे तुम्हाला उत्साही वाटू लागेल. 

हाडांचे आरोग्य सुधारते (Improves Bone Health)

मका खाण्याचे फायदे (Benefits Of Corn Flour In Marathi ) अनेक आहेत. यामध्ये मॅग्नेशिअम आणि पोटॅशिअम भरपूर प्रमाणात असते. तुमच्या हाडांच्या आरोग्यासाठी हे दोन्ही घटक फार गरजेचे असतात. पोटॅशिअममुळे हाडांमधील कॅल्शिअमची झीज कमी होते जर युरिनवाटे कॅल्शिअमचा विसर्ग होणे कमी होते. त्याचप्रमाण मॅग्नेशिअम हाडांच्या मजबूतीसाठी आणि दातांसाठी गरजेचे असते. यासाठी आहारात कॉर्नफ्लोर असायलाच हवं. 

गरोदर महिलांसाठी उत्तम (Good For Pregnant Women)

गर्भवती महिलांनी मक्याची पोळी आपल्या डाइट समाविष्ट करावी. यामध्ये फॉलेट आणि व्हिटॅमीन-बी आढळतं. जे गर्भातील शिशूच्या नव्या कोशिकांच्या विकासासाठी आवश्यक असतात. तसंच फॉलेट गर्भावस्थेत आई आणि शिशू दोघांसाठीही फायदेशीर असतं. कॉर्नफ्लोरचे फायदे (Benefits Of Corn Flour In Marathi) अधिक असले तरी गर्भवती महिलांनी कॉर्नफ्लोरचा वापर आहारात करताना डॉक्टरांचा सल्ला अवश्य घ्यावा.

उच्च रक्तदाबापासून संरक्षण होते (Prevents High Blood Pressure)

कॉर्न फ्लोरमुळे तुमचा रक्तदाब नियंत्रणात राहू शकतो. त्यामुळे ज्या लोकांना उच्च रक्तदाबाची समस्या असेल अशा लोकांनी आहारात कॉर्नफ्लोरचा समावेश जरूर करावा. आजकाल बदललेली जीवनशैली, अयोग्य आहार, ताणतणाव याचा परिणाम शरीरावर होतो आणि उच्च रक्तदाबाची समस्या निर्माण होते. मात्र कॉर्नफ्लोरमध्ये फायबर्स, अॅंटि ऑक्सिडंट, ओमेगा 3 फॅटी अॅसिड भरपूर असतात. ज्यामुळे तुमचा रक्तदाब नियंत्रणात राहण्यास मदत होते. 

मानसिक आरोग्य सुधारते (Improve Psychological Functions)

कॉर्नफ्लोरमध्ये व्हिटॅमिन बी भरपूर असते. ज्याचा परिणाम तुमच्या संपूर्ण मानसिक आरोग्यावर होतो. कॉर्नफ्लोरमधील मॅग्नेशिअममुळे तुमचे बौधिक कौशल्य वाढते. संशोधनात असं आढळून आलं आहे की अल्झायमर झालेल्या रुग्णांना देण्यात येणाऱ्या औषधांमध्ये मॅग्नेशिअमचा वापर यासाठी केला जातो. थोडक्यात कॉर्नफ्लोरमधील मॅग्नेशिअम तुमच्या मानसिक आरोग्यासाठी लाभादायक ठरते. यासोबत वाचा खमंग भाजणी थालीपीठ रेसिपीज (Thalipeeth Bhajani Recipe In Marathi)

कॉर्नफ्लोरचा वापर कसा करावा (How To Use Corn Flour In Marathi) 

मका हा भारतातील एक प्रमुख अन्नपदार्थ असल्यामुळे मक्याचा वापर अनेक भारतीय पदार्थांमध्ये केला जातो. जसं की विविध प्रकारचे मक्याचे पदार्थ, मक्के की रोटी वगैरे… पण यासोबतच तुम्ही मक्याचं पीठ म्हणजेच कॉर्नफ्लोरचा वापर चायनीज, कॉन्टिनेंटल खाद्यपदार्थांमध्ये करू शकता. जर तुम्ही नियमित कॉर्नफ्लोरचे पदार्थ खाल्ले तर तुम्हाला कॉर्नफ्लोरचे फायदे नक्कीच मिळू शकतात. कॉर्नफ्लोरचा वापर खाद्यपदार्थांसोबत सौंदर्योपचारांसाठीदेखील केला जातो. कॉर्न फ्लोरचा वापर आहारात कसा करावा.

• कॉर्नफ्लोरमध्ये स्टार्च असल्यामुळे टिक्की, वडी, कोफ्ते यासारखे पदार्थ बांधले जाण्यासाठी तुम्ही कॉर्नफ्लोर वापरू शकता.
• सूप्समध्ये दाटपणा येण्यासाठी अथवा एखादा सॉस घट्ट करण्यासाठी कॉर्नफ्लोर वापरतात.
• तळलेले पदार्थ अधिक कुरकुरीत करण्यासाठी त्यात थोडं कॉर्नफ्लोर मिसळतात.
• कॉर्नफ्लोरचा वापर तुम्ही आईस्क्रीममध्ये करू शकता.
• एखादा पदार्थ जसं की करंजी, शंकरपाळी, मोमोज, चंद्रकला करताना मैद्याची पारी चिकटवण्यासाठी कॉर्नफ्लोरची पेस्ट लावली जाते.
• विविध प्रकारचे पास्ता करताना दाटपणा येण्यासाठी त्यामध्ये कॉर्नफ्लोर वापरण्यात येते. वाचा नाचणीचे फायदे आरोग्यासाठी (Nachni Benefits In Marathi)

कॉर्नफ्लोरचे दुष्परिणाम (Side Effects Of Corn Flour In Marathi)  

कॉर्नफ्लोरचे फायदे अनेक आहेत. मात्र असं असलं तरी कोणताही पदार्थ अधिक प्रमाणात खाणे आरोग्यासाठी हानिकारक ठरू शकतं. अगदी तसंच कॉर्नफ्लोरचेही काही दुष्परिणाम जाणवू शकतात. 

• कॉर्नफ्लोरमध्ये जास्त प्रमाणात कार्बोहायड्रेड जास्त प्रमाणात आढळते. ज्यामुळे शरीरात साखरेची पातळी वाढून मधुमेह होण्याची शक्यता वाढू शकते.
• अधिक प्रमाणात कॉर्नफ्लोरचे पदार्थ खाण्यामुळे तुमचे वजन अती प्रमाणात वाढू शकते.
• कॉर्नफ्लोर जास्त प्रमाणात सेवन केल्यास तुमचे बॅड कोलेस्ट्रॉल वाढून ह्रदयाच्या समस्या वाढू शकतात.
• पचनासाठी कॉर्नफ्लोर चांगले नसल्यामुळे अती प्रमाणात कॉर्नफ्लोरचे पदार्थ खाण्यामुळे अॅसिडिटी वाढून गॅसेस होण्याचा त्रास जाणवतो. तोंडाला पाणी आणणारे अप्रतिम तांदळाचे पदार्थ, रेसिपी मराठीत (Rice Recipes In Marathi)  

कॉर्नफ्लोरचे बाबत काही प्रश्न – FAQ’s

1. गव्हाचे पीठ चांगले की कॉर्नफ्लोर ?

कॉर्नफ्लोर आणि गव्हाचे पीठ हे दोन्ही पदार्थ निरनिराळे असल्यामुळे त्यांचे शरीरावर होणारे फायदे निरनिराळे आहेत. त्यामुळे गव्हाच्या पीठापेक्षआ कॉर्नफ्लोर कमी प्रमाणात खाणे शरीरासाठी योग्य ठरेल.

2. कॉर्नफ्लोर कशापासून तयार करतात ?

मक्याचे दाणे सुकवून त्याचे बारीक पीठ केले जाते. ज्याला कॉर्नफ्लोर असे म्हणतात. कॉर्नफ्लोर हे मक्याच्याल पीठापेक्षाल जास्त बारीक दळलेले आणि फायबर्स विरहित असल्यामुळे ते सूप्स, सॉस मध्ये वापरले जाते. 

3. कॉर्नफ्लोर आणि कॉर्नस्टार्चमध्ये काय फरक आहे ?

मक्याचे पीठ बारीक दळून कॉर्नफ्लोर तयार केले जाते. मात्र जेव्हा त्यात पीठातून सर्व प्रोटीन, फायबर काढून टाकले जातात तेव्हा जे उरते त्याला कॉर्नस्टार्च असं म्हणतात. कॉर्नफ्लोर सूपमध्ये, टिक्कीमध्ये वापरतात तर कॉर्नस्टार्चचा वापर पदार्थांना चांगला टेक्चर मिळण्यासाठी केला जातो.